Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jɔn 15:18 - Tampulma

18 “Mu tiŋi nyɛ tɛɛnɛ nɔ tim maga ha ma, ma lisi di minnɛ ba te ha.

အခန်းကိုကြည့်ပါ။ ကော်ပီ




Jɔn 15:18
22 ပူးပေါင်းရင်းမြစ်များ  

Nara maga zi ha mau domi maa tiŋ min daha. Nar di kanyita a vusi hali muksi ti wa peti, Koosa zi wa yisi unu a li un ni.


“Saha naa kina maga wa kaa ya, ba zi wa kpa ma a du ba naa la namsi nara nisa niu ba kpu ma. Nara maga zi wa ha mau, domi maa tiŋ min daha.


“Nara pini ma zoma a la muksi ma a suni wɛ aa nyɛ ma domi maa tiŋ mu nyinbaan, ma tusa zi sooniu.


Nara maga zi wa ha mau domi maa tiŋ min daha. Nar di kanyita a vusi hali muksi ti wa peti, Koosa zi wa la o nyuhau a nyɛ un.”


“Nara ha ma a vɛ ma a pini ma zoma a ŋɔ di ma ya tum tagna timawa domi maa tiŋ n waa nibine be daha, ma tusa zi sɔɔniu.


“Mu ŋɔ ma kin nama wɛu, chen ni ma wa zi bur a ni.


Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”


Ba zimu di ba tum ba tum tagna nha ni, nara maga zi na chenani ba tumu. Chendaha ba chɔ li un ni.


Min la biksi nara ba yaa tum tum tagna. Chendaha ba ha min. Amaa ba ka wa ha ma.


Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”


Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.


Ma naa vɛ tiŋ wuti ti nan, ma wa zim di ma wa tɛɛnɛ nɔ tim maga ya chɛnsa, ma ya Koosa dɔmwaa? Nara la daŋni ba wa tɛɛnɛ nɔ tim maga ya chɛnsa, ba waa ya Koosa dɔma.


Ma lisi chenani ya kunyana Koosa daŋni ya kinkan. Hali o yir ya o bisa. Ba naa la tiŋ tɛɛnɛ nɔ tim maga nyinbaan, wa zim un. Chendaha ba vɛ zim ya.


Mu niinbisa, ba naa la tiŋ tɛɛnɛ nɔ tim maga nyinbaan ha ma, ma ta nyɛ chen jɛri ma.


Adaha ba naa maga kpak chen bambi bɛgim, ba zi kpak unu ba bambe ni di ba ya tu chaan tima a chi chenani Yesu ya tu chaan tiin chen.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ