Jɔn 14:19 - Tampulma

¹⁹ Saha naa tɛɛnɛ nɔ tim maga vɛ kaa wa na min chen duglɛu, amaa ma waa ka zi bu na minu. Domi mu zi wa si mu sou niu, ma gbanko zi wa si ma sou niu.

Jɔn 14:19 ပူးပေါင်းရင်းမြစ်များ

Jɔn 11:25

Yesu fun ŋɔ, “Min ya naa la zi koti a lɛli nara a li ba sou ni a nyɛ ba bu kpak miisa. Naa si su min ka o sou, mu zi ya chenu a nyɛ un.

Jɔn 12:35

Yesu fun ŋɔ ba, “Mu chi fitinne a nyɛn ma wati. O wa zi vusi ka birsi wa tɔ min. Ma kpak fitina a val doonani ma daŋni ma val. Birsi ti wa tɔ un, ma zi nyuksi nyinbaanu.

Jɔn 13:33

Mu bisa, mu wa ma wa zi nyɛn vusi. Mu wa kaali, ma zi dɛu mu bar nyɛniu. Ma lisi chenani mu fun ŋɔ Ju tim ta ni di ba wa kikoti a tiŋ min la doonani mu la chen. Chenani mu ŋɔ ba chen, ya ma gbanko kinnɛ.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 16:16

“Mu wa zi nyɛn ma wati a vusi a bur la mu nyan ti wati. Mu wa la o wati, o wa zi vusi ka ma nu na min.”

Jɔn 16:22

Ma tusa chɔku lalaknɔ. Ma bu wa na min, ma tusa ka zi bu sɔɔniu kinkan. Nandigi wa kilisi ma tu sɔɔn ti a li ma ni.

Jɔn 6:40

Mu nyana tutɔ ti chi nɛɛnɛ. O wa wa di o di tɛɛnɛ ŋɔ tim maga sɛria, mu zi nyɛ ba naa maga se su minu o mi fali naa vɛ kpak bɔ.”

Jɔn 7:33

Ba funɛ kaali doonani Yesu nyɛn chen, o fun ŋɔ ba naa maga funɛ nyɛn dooni, “Mu zi nyɛn ma watiu wuzu bumɛna a bur la naa tum min chen wati.

Jɔn 8:21

Yesu fun bu ŋɔ ba, “Mu saksi di mu la bar digi. Mu wa la, ma wa kikoti a tiŋ min. Ma zi wa dɛu minu, amaa ma wa zi gil tum tagna tumi hali a wuzu naa ma wa siti.”

Tuma 10:41

Nandigi wa fun bu na un, amaa ya naa Koosa fun lisi di ya na un wa ya se ni duŋduŋ na un, chen ni ya zi ŋɔ nara niu o wɛ. A gantɛl nɛɛ Koosa fun lɛli un a li o sou ni, hali ya wa un lagmi a di diwe a nyɔ.

Room 5:10

Ya funɛ ya Koosa dɔmawa, amaa lalaknɔ o be ti nyɛ ya wa Koosa kpak nɔ bɛgim o sou daha. Koosa funɛ lɛli un a li o sou ni. Chendaha ya gbanko kpak bambi di o zi wa yisi yau a li ya tum tagna ni hali o wa peti.

Room 8:34

Anti la zi koti a ŋɔ di ba chelu? Yesu Kristo funɛ ya naa siwɛɛ ka Koosa lɛli un a li o sou ni. Lalaknɔ o kanɛ Koosa nihɛɛta bar kani nɛɛ a la sumi un saha maga a nyɛ ya.

1 Kɔr. 15:20

Amaa wuti Koosa funɛ te lɛli Kristo a li o sou ni. Chendaha Koosa zi wa lɛli ba naa funɛ siti chen gbankou a li ba sou ni.

1 Kɔr. 15:45

Ba funɛ sɔbiu a li Koosa sɛm tɔn ti ni a ŋɔ, “Koosa funɛ te naami nibine naa ba funɛ yir Adam ka o kpak miisa.” Amaa Adam naa funɛ tiŋ gantɛl chen, waa ya siim naa la nyɛ nara miisa. Waa ya Kristo.

Ju 7:25

Chendaha o koti a yisi ba naa maga se su un di ba wa Koosa wati, a li ba tum tagna ni hali a wa peti. O nyɛnu hali saha naa vɛ kpak bɔ a la sumi Koosa saha maga ba daha.

JɔnN Deesi 20:4

Doone mu fun na jirima bar kanɛ dooni. Ba funɛ kpa kpok a nyɛ ba naa kanɛ dooni di ba di sɛriasa. Mu gbanko funɛ na ba naa tɛɛnɛ nɔ tim maga fun kpu domi ba funɛ biksi ba Yesu wuti wɛu. Ba wa funɛ jɛɛmi sel zen ti akoo o vura, a vɛ nyɛ o kpa o sɔn a dani ba tilsa awa ba nisa. Kristo fun lɛli ba a li ba sou ni a nyɛ ba wa un ya koorsa a dɔ bun tusuga.