Jɔn 14:17 - Tampulma

¹⁷ O wa zi wa nyɛn tɛɛnɛ nɔ tim maga bambe ni, domi ba wa zim di o nyɛnu. Ma ka zim di o nyɛnu, domi o zi wa nyɛn ma bambe niu.

Jɔn 14:17 ပူးပေါင်းရင်းမြစ်များ

Mat. 10:20

Ma nyan Koosa siim weri zi wa chiŋi ma bar chiŋi niu a sɛm nyɛ ma.

Jɔn 14:16

Mu zi sumi mu nyan tiu o kpa o siim weri, naa ya wuti tiina, a du ma bambe ni. O zi nyɛn dooniu hali saha naa vɛ kpak bɔ aa suŋi ma ma tiŋ chenani mu ŋɔ ma.

Jɔn 14:23

Yesu fun ŋɔ un, “Ba naa la daŋni min zi tiŋ mu nɔ sɛmau. Mu nyan ti gbanko zi daŋni bau, ka mu wa un wa nyɛn ba bambe ni.

Jɔn 15:26

“Mu funɛ piin ŋɔ mau di Koosa siim weri naa ya wuti tiina zi biksi nara mu wɛ. Mu wa bur la mu nyan ti wati, mu zi nyɛ o wa ma watiu a wa suŋi ma.

Jɔn 16:13

Koosa siim weri naa ya wuti tiina, wa nyɛn ma bambe ni, o zi nyini mau a li wuti nyinbaan ni. O biksi ti wa zi wa li o titi ni. Sɛm naa o zi wa nu mu wa mu nyan ti wati, o zi kpa au a sɛm ma. O gbanko zi biksi ma kin nawara zi wa yau wɛ.

Jɔn 6:40

Mu nyana tutɔ ti chi nɛɛnɛ. O wa wa di o di tɛɛnɛ ŋɔ tim maga sɛria, mu zi nyɛ ba naa maga se su minu o mi fali naa vɛ kpak bɔ.”

1 Kɔr. 14:15

Yɛrɛ mu kaa ya? Mu zi sumiu awa mu siim ti ni a sumi awa mu bambi gbanko ni. Mu zi lɔ boolau awa mu siim ti ni, a lɔ wa mu bambi gbanko ni.

1 Kɔr. 2:14

Nibine naa vɛ kpak siim weri ti o nyɛn un ni, o vɛ Koosa siim weri ti kinawa. A ya yɔrirɛ o wati ka o vɛ zim a muna.

1 Kɔr. 3:16

Ma wa zim di ma tusa ya Koosa bar nyɛnirɛɛ? O siim weri ti nyɛn ma niu.

1 Kɔr. 6:19

Ma wa zim di ma bara ya Koosa siim weri ti bar nyɛnirɛɛ? Koosa funɛ kpa o siim weri ti a nyɛ ma.

2 Kɔr. 13:5

Maa zaamsi ma titi di ma se su Yesu Kristo nɛnɛ. Ma zim di o nyɛn ma bambe niu akoo ma higliu di ma tiŋ unuu?

2 Kɔr. 6:16

Ya chi Koosa naa nyɛn, damnɛ. Ya chi chen, yɛrɛ ya wa vursa kaa ya nyɛn? Ba funɛ sɔbiu a li Koosa sɛm tɔn ti ni di o ŋɔ, “Mu wa mu nara zi nyɛnu a lagmi aa val. Min la zi ya ba Koosa.”

Gal. 4:6

Ma ya o bisiwa. Chendaha Koosa fun kpa o be siim weri ti a du ma bambe ni. Chen siim weri ti nyɛ ma yir Koosa ma kunyana.

Ɛfɛ. 2:22

Koosa siim weri ti nyɛ ma gbaari ba naa wa Yesu Kristo ya nibɛgim ni a burgi dɛ naa Koosa nyɛn chen bar digi.

Ɛfɛ. 3:17

chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

2 Tim. 1:14

Koosa siim weri naa nyɛn ya ni nan, zi kpa o kpoku a nyɛ hin di i kpak Koosa papaha naa o fun kpa a du i nin ni chen nɛnɛ.

1 Jɔn 2:27

Koosa funɛ kpa o siim weri ti a du ma bambe ni. Chendaha nara wa biksi ma a gbaari o biksi ti ni, o ya yɔrirɛ. Koosa siim weri ti ya naa la zi biksi ma kina maga nyinbaan. O biksi maga ya wutirɛ. Nusuna wa to un ni. Adaha ma nyɛ ma wa Yesu ya nibɛgim a chi chenani Koosa siim weri ti fun a biksi ma chen.

1 Jɔn 3:24

Ba naa maga tiŋ Koosa nɔ sɛma, nyɛn un ni ka o ka nyɛn ba ni. Ya zimu di nan ya wutirɛ, domi waa funɛ kpa o siim weri ti a du ya ni.

1 Jɔn 4:4

Mu bisa, Koosa dɔ ma a fun kpa o siim weri ti a nyɛ ma. O kpok naa nyɛn ma ni chen, waa kpok kaali Kristo dɔm kpok naa nyɛn ba ni.

1 Jɔn 4:6

amaa Koosa ka dɔ ya. Ba naa maga zim un, ba waa la nu ya sɛma. Ba naa maga vɛ zim Koosa, ba wa zi nu ya sɛma. Chendaha ya zi zim ba naa ya wuti tima awa nusuna.

1 Jɔn 5:7

Adaha sɛhɛrasa tora nyɛnɛɛ,

JɔnN Deesi 2:17

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni. Ba naa kpak nɛnɛ hali a la tel o bɔ, mu zi kpa diwe naa ba yir ‘mana’ ka o sogliu, a nyɛ ba ba di. Mu zi sɔbi sɔn falɛu a sak buŋkul pilimi ni a kpa nyɛ ba. Ba naa la a chen duŋduŋ la zi zim chenani sɔbi sak o kin ni.”