Jɔn 14:13 - Tampulma

¹³ Mu waa naa ya Koosa be, n daŋni narawa yaa kinyɛ mu nyan ti wa jirima. Chendaha kin naa maga ma ŋɔ di mu tum a nyɛ ma a li mu sɔn ni, n zi tum au.

Jɔn 14:13 ပူးပေါင်းရင်းမြစ်များ

Mat. 21:22

Ma se su min nɛnɛ, ka ma sumi Koosa di o nyɛ ma kundɔŋ, o zi nyɛ mau.”

Mat. 7:7

“Ma sumi Koosa di o nyɛ ma kundɔŋ o zi nyɛ mau. Ma daŋni kundɔŋ, o wati ma zi na unu. Ma yir un o zi wa puk zɔɔnɔu ma zu o wati.

Maak 11:24

Maa daŋni kundɔŋ aa sumi Koosa, ma sumi un wa se suuli. Ma sumi un wa se suuli, Koosa zi nyɛ mau.

Luk 11:9

Ma sumi Koosa di o nyɛ ma kundɔŋ, o zi nyɛ mau. Ma daŋni kundɔŋ o wati, ma zi na unu. Ma yir un o zi wa puk zɔɔnɔu, ma zu o wati.

Jɔn 10:30

Mu wa mu nyan ti ya nibɛgimnɛ.”

Jɔn 12:44

Doone Yesu fun zer o ta buudaha a ŋɔ zɛmɛ ta ni, “Naa si su min, o si su Koosa naa tum min chen gbanko.

Jɔn 13:31

Judas funɛ kaali, Yesu fun ŋɔ o gantɛl tiŋsi ta ni, “Nidamata zi pɛgi Koosa kinkan a li chenani ba kaa ya min. Chenani Koosa zi kpa o jirima awa chaani kinkan a nyɛ n waa nibine be ni duglɛu. O wa zi vusi ka o ya chen.

Jɔn 14:14

Ma nyɛ mu bu ŋɔ ma, kin naa maga ma ŋɔ di mu tum a nyɛ ma a li mu sɔn ti ni, n zi tum au.”

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

Jɔn 15:7

Ma wa min ya nibɛgim a nyɛn ka mu sɛm naa mu biksi ma nyɛn ma ni, ma zi kotiu a sumi Koosa kin naa ma daŋni o nyɛ ma.

Jɔn 16:23

“Chen saha ti ma wa zi wa mu wati di ma wa pɛɛsi min kundɔŋ wɛ. Wutirɛ mu ŋɔ ma, ma zi kotiu a sumi mu nyan ti kin naa ma daŋni mu sɔn daha o nyɛ ma.

Jɔn 16:26

Saha ti wa tel, ma wa zi bu nyini mu se ni di mu nyɛ mu nyan ti nyɛ ma kin naa ma daŋni. Ma zi wa sumi o titi watiu a li mu sɔn ti ni o kpa a a nyɛ ma.

Jɔn 16:7

Ma nyɛ mu sɛm ma wuti. O deŋlu di mu gil ma a bur la mu nyan ti wati, chen ni mu zi nyɛ o siim weri ti wa suŋi mau. Mu vɛ laali, o wa zi koti a wa.

Jɔn 4:10

Yesu fun ŋɔ un, “I fu zim chenani mu du, i fu zi sumi min di mu nyɛ hin niu i nyɔ. Mu wa zi dɔ ni bugul nɔ ni a nyɛ hin. Mu ka zi kpa ni paliu a nyɛ hin.”

Jɔn 4:14

Ba naa maga ka nyɔ ni naa n nyɛ ba, nyɔksi wa zi bu kpak ba. Mu daŋni mu kpa Koosa mi fali naa vɛ kpak bɔ a nyɛ nara ni. O mi fali ti chi nisire naa nyɛ ni pal ba tuhu ni saha maga.”

Jɔn 5:19

Doone Yesu fun ŋɔ ba, “Chenani mu kaa sɛm ma nan ya wutirɛ. Mu waa Koosa be, wa kikoti a tum wu digi mu titi nyuhu ni. Mu zer mu nyan ninne a li mu tum maga ni.

Jɔn 7:37

Wuzu zene ta gantɛl tiŋna funɛ ya a kilɛmlɛm. A wuzu tirɛ Yesu fun si chiŋi zɛmɛ ta suwachak ni a tɛsi a ŋɔ, “Ba naa maga nyɔksa kpak, ma nyɛ ba wa mu wati mu kpa ni a nyɛ ba ba nyɔ.

1 Kɔr. 14:13

Adaha naa la sɛm sɛm kurgɛ, o lawa o sumi Koosau o nyɛ un papaha naa la zi biksi un a muna.

Ɛfɛ. 2:18

Yesu Kristo funɛ sou a nyɛ ya chen daha, Koosa fun kpa o siim weri bɛgim a nyɛ ya naa ya Ju tima awa ma naa vɛ ya Ju tim ni. Waa nyɛ ya nyinbaan di ya wa ya kunyana Koosa suwachak.

Ɛfɛ. 3:12

Domi ya se su un ka ya wa un ya nibɛgim, ya kpak bambe a vɛ ɔmi di ya la Koosa suwachaku.

Ɛfɛ. 3:14

Kin nama daha muu sumi ya kunyan Koosa ma daha.

Filip. Tima 4:13

Kristo kpak o kpok ti a nyɛ min, chen ni mu zi a chem kina magau.

Kɔl. 3:17

Kin naa maga maa ya awa chenani maga ma sɛm, ma nyɛ a maga li ya kunyan Yesu sɔn ti ni a kizaami ya kunyan Koosa o sɔn ti gbanko daha.

Ju 13:15

Yesu yaa suŋi ya yaa pɛgi Koosa a la ŋɔ nara o wɛ. Chenani ya ya chen chi kɔɔrrɛ ya kpa a nyɛ un.

Ju 4:15

Ya Koosa dam kɔkɔɔra ti zim chenani sintana ya wa zaamsi yau awa chenani ya vɛ kpak kpok a la daŋni ya chel. O funɛ nyɛn tɛɛnɛ nɔ maga ni, sintana fun zaamsi un a chi chenani maga o zaamsi ya lalaknɔ, amaa o wa fun chel hali tama. Chendaha o zim nan.

Ju 7:25

Chendaha o koti a yisi ba naa maga se su un di ba wa Koosa wati, a li ba tum tagna ni hali a wa peti. O nyɛnu hali saha naa vɛ kpak bɔ a la sumi Koosa saha maga ba daha.

Jems 1:5

Zima pɔɔgi ma bɔnɛ, ma sumi Koosa o kpa o zima ti a nyɛ ma. Waa kpa kina a nyɛ nara maga ni a kaali chenani o daŋni a vɛ zɛɛmi ba.

Jems 5:16

Adaha ma ŋɔ dɔŋ ni ma tum tagna wɛ ka ma sumi Koosa a nyɛ dɔŋ ni, chen ni wichɔɔrta wa kpak ma, Koosa zi tiibi mau. Nibin weri sumi Koosa, o sumi ti kpak kpoku kinkan.

1 Pita 2:5

Ma naa kpak o mi fali ti, chi buŋkula a naa Koosa kpa sa o dam ti, chen ni o zi kotiu a nyɛn dooni. Ma chi ba naa funɛ ya o kɔkɔɔrsa saha digi, a kpa ma titi a nyɛ Koosa ni Yesu Kristo daha.

1 Jɔn 3:22

Ya sumi un kundɔŋ, o zi nyɛ yau, domi yaa tiŋ o nɔ sɛmwa a la tum tum naa la sɔɔni o tuha.

1 Jɔn 5:14

Ya kpak bambe kpok di ya sumi un kin naa nyɛ o tuha sɔɔni, o zi nu ya watiu.