15 Maa tiŋ chenani mu biksi ma di ma tiŋ chen.
Mu biksi chi nuha pararɛ. Ma kpa un a laari ma gbaŋsi ni. Mu ya nibin jɛrgɛrɛ. Ma nyɛ mu biksi ma, ma zi hiisiu.
Koosa naa funɛ kpa o kanyita a nyɛ ya a kpami ya, la zi nyɛ ma kpak nɔ bɛgim wa dɔŋ ni a chi chenani Yesu Kristo fun biksi ya chen,
Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.
Koosa funɛ yir mau di ma ya chen. Kristo titi funɛ namsiu ma daha a biksi ma chenani ma zi tum a chi o funɛ tum chen.
Ma ta dɔ ba naa Koosa fun kpa a nyɛ ma aa biksi ba kpok, amaa ma titi tum o tuma a biksi ba chenani ba zi tum.
Nar ŋɔ di o nyɛn Koosa nɛɛ, o tiŋ un a chi o be Yesu funɛ tiŋ un chen.
