Jɔn 12:48 - Tampulma

⁴⁸ Tɛɛnɛ nɔ maga siili saha wa tel, sɛm nawara mu fun sɛm zi wa di ba naa funɛ vɛ min awa mu sɛma sɛriau.

Jɔn 12:48 ပူးပေါင်းရင်းမြစ်များ

Mat. 10:15

Ma nu mu sɛm na. Koosa wa wa di o wa di tɛɛnɛ tim maga sɛria, o zi kpak sikiu a li Sɔdɔm awa Gamɔra tima a kaali ba.”

Mat. 21:42

Yesu fun pɛɛsi ba, “Ma ha wa karimi Koosa sɛm tɔn ti aa zim o muna doonani o ŋɔ di, ‘Buŋkul naa tɛsaalsa fun vɛ chen, waa ya buŋkul kpok aa ya kibirigi? Koosa zi kpa un a baŋ dɛ ti zɛchik ni. Koosa tuma funɛ chi chene. A fun ya nara alaazibu kinkan.’ ”

Mat. 25:31

“N waa nibine be wa Koosa malaikasi ta zi wa wau, mu zi wa kani mu kor niu a dɔ tɛɛnɛ nɔ maga,

Maak 12:10

Yesu fun pɛɛsi ba, “Ma ha wa karimi Koosa sɛm tɔn ti aa zim o mun doonani o ŋɔ di, ‘Buŋkul naa tɛsaalsa fun vɛ chen, waa ya buŋkul kpok aa ya kibirigii? Koosa zi kpa unu a baŋ dɛ ti zɛchik ni.

Maak 16:16

Ba naa maga se su min, ma nyɛ ba chaksi ba wa ni ni, ka Koosa zi yisi ba a li ba wu tagna ni, amaa ba naa maga se ka vɛ su min, Koosa zi wa lɛti ba diŋsau a ta ba yɔri.

Maak 8:31

Doone o fun a biksi ba a ŋɔ, “Ba zi wa ya n waa nibine be n namsi kinkan. Tɔhɔn nihɛɛta, Koosa dam kɔkɔɔrsi ta awa Koosa chiksɛ nibiksɛ ta zi wa vɛu a kpu min. Amaa wuzu butora wuzu n zi si a li mu sou niu.”

Luk 10:16

Doone Yesu fun ŋɔ o gantɛl tiŋsi ta ni, “Nara maga nu ma nɔ, mu nɔɔrɛ ba nu chen. Nara maga vɛ ma nɔ, mu nɔɔrɛ ba vɛ chen. Nara maga vɛ min, Koosa naa tum minnɛ ba vɛ.” Yesu fun ŋɔ ba peti chen a tum o gantɛl tiŋsa nara fumnɔpɛ dalɛ ta.

Luk 17:25

Amaa o zi wa te a namsiu kinkan ka tɛɛnɛ nɔ maga nara zi vɛ un.

Luk 20:17

Yesu fun nyini ba a pɛɛsi, “Ma ha wa karimi Koosa sɛm tɔn ti a zim o muna doonani o ŋɔ di, ‘Buŋkul naa tɛsaalsa fun vɛ chen, waa ya buŋkul kpok a ya kibirigii?’

Luk 7:30

Amaa Farisi tim ta awa Koosa chiksɛ nibiksɛ ta ka funɛ vɛu di ba wa zi nu Koosa nɔ a nyɛ Jɔn chaksi ba.

Luk 9:22

Ba zi wa ya n waa nibine be n namsi kinkan. Tɔhɔn nihɛɛta, Koosa dam kɔkɔɔrsi ta awa Koosa chiksɛ nibiksɛ ta zi wa vɛu a kpu min, amaa wuzu butora wuzu n zi si a li mu sou niu.”

Luk 9:26

Nar kpa hiisa a du mu biksi nɔ ni lalaknɔ, saha naa n waa nibine be wa bur wa awa Koosa jirima awa o malaikasi ta, n gbanko zi wa kpa hiisa a du un niu.

Jɔn 11:24

Marta fun ŋɔ un, “Mu zim di tɛɛnɛ nɔ maga siili saha wa tel, o zi si o sou niu.”

Jɔn 5:45

Ma ta lisi di mu zi fiksi mau a li mu kunyan ti suwachak ni. Ma kpak bambi bɛgim a li ma nawaal Mosis awa chenani o fun biksi ma ni. Waa la zi fiksi ma,

Jɔn 6:39

Naa tum min chen tutɔ ti chi nɛɛnɛ. Mu zi nyini ba naa o kpa nyɛ min chenu ka ba digi ta nyuksɛ. O wa wa di o di tɛɛnɛ nɔ tim maga sɛria, mu zi lɛli ba a li ba sou ni a nyɛ ba o mi fali naa vɛ kpak bɔ.

Jɔn 8:47

Ba naa ya Koosa bisa yaa nu o sɛmau. Ma waa wara daŋni ma nu a. Chen biksɛɛ di ma wa ya o bisa.”

Tuma 17:31

O fun lisi a wuzu naa o nyɛ naa o fun lisi chen wa di tɛɛnɛ nɔ tim maga sɛria. Koosa fun lɛli Yesu a li o sou ni di o biksi ya di waa ya naa la zi tum chen.”

Tuma 3:23

Ba naa maga vɛ tiŋ chen, Koosa zi waligi bau a li o nara ni a ta ba yɔri.’

Room 2:16

O zi wa chi chenu a wuzu naa Koosa zi wa kpa nara wu sogle maga a li gbampulimu a nyɛ Yesu Kristo di a sɛria. Koosa laaboor weri naa mu biksi a nyɛ nara ni, o biksi nan ni.

2 Kɔr. 4:3

Nidamata wara nu Koosa laaboor weri naa ya kpa biksi ba. Koosa zi wa na ba galimsau a ta ba yɔri.

2 Tɛs. 1:8

Ba naa vɛ zim Koosa awa ba naa se vɛ su o laaboor weri ti ya kunyan Yesu wɛ, Koosa zi wa lɛrgi ba diŋsau a ta ba yɔri.

Ju 10:25

Ya bɔnɛ wara lagmi dɔŋ ni a chi chenani ya fu zi du. Ma ta nyɛ ya tiŋ chenani ba tiŋi. Ya kunyan ti zi bur wa lalaga. Chendaha o lawa yaa kpami dɔŋau kinkan a gbaari.

Ju 12:25

Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.

Ju 2:3

Ya kunyan Yesu titi funɛ te biksi nara chenani Koosa daŋni o yisi ba a li ba tum tagna ni baa tiŋ un. Ba naa funɛ nu o biksi ti, ba waa funɛ wa ŋɔ ya di o ya wutirɛ. Ya vɛ o wuti biksi naa ya kibirigi nan, yɛrɛ ya kaa ya a chɔɔli chenani Koosa zi na ya galimsa a lɛrgi ya diŋsa?

Ju 4:12

Koosa kpak miisa awa kpok kinkan. Chendaha o sɛm maga tum. A diu a kaali chi nɔsa lɛ a zu nara bambe ni a zim chenani ba lise maga du.

1 Pita 1:5

Koosa kpa o kpok a nyini ma naa se su un. O funɛ piin saksiu di o yisi ma a li ma tum tagna ni hali a wa peti. Tɛɛnɛ nɔ maga siili saha wa tel, o zi wa ya chenu gbampulim ni.

2 Pita 3:3

O lawa ma zimu di tɛɛnɛ nɔ maga siili saha wa dugli, nibinsa ba naa yaa tiŋ ba tutɔ daŋnɛ, zi wau. Ba zi wa mɔmsi mau,

2 Pita 3:7

Lalaknɔ Koosa chiŋɛ buudaha awa tɛɛnɛ nɔ maga hali a wuzu naa o kaa di ba naa la tum tum tagna sɛria. O sɛria diili wa peti, o zi kpa dinu a chɔk a maga.