Jɔn 12:36 - Tampulma

³⁶ Mu ha nyɛn ma wati wuzu bilɛ nan, ma nyɛ ma se su min, chen ni ma nyinbaan zi chaaniu saha maga.” Yesu funɛ sɛm peti, o fun la sogli o titi.

Jɔn 12:36 ပူးပေါင်းရင်းမြစ်များ

Mat. 21:17

Yesu fun gil ba a li tɔhɔn ti ni a kaali tɔhɔn naa ba yir Bɛtani a la chɔ dooni.

Mat. 5:14

“Ma chi nharɛ a chaani tɛɛne maga ni. Ma wa kisogli tɔhɔn naa ba fun sa kuŋkule nyuhu ni.

Luk 16:8

O kunyan ti funɛ nu di o nihɛɛ ti mur unu, o funɛ pɛgi un di o tum nɛha tumau.” Yesu funɛ sɛm chen peti, o fun ŋɔ o gantɛl tiŋsi ta ni, “Tɛɛnɛ nɔ maga nara yaa lagmi a tum nɛha tumawa a kaali chenani tu chaan tima tum.”

Jɔn 1:7

Koosa fun tum un di o biksi nara fitin ti wɛ, chen ni ba zi na nyinbaanu a nu o sɛma a nyɛ ba se wa su un.

Jɔn 11:54

Yesu funɛ nu chenani ba daŋni ba ya, o wa fun bura gba gbampulim ni a li Judia pulum ti ni. O wa o gantɛl tiŋsi ta fun li doon pulum ti ni a la nyɛn tɔhɔn naa ba yir Ifreem ka o dugli nyabaan chen.

Jɔn 12:37

O funɛ tum tum zeneu kinkan a li ba suwachak ni, amaa ba nidamata se wa fun su un.

Jɔn 12:46

Mu funɛ wa tɛɛnɛ nɔ magau di ba naa maga se su min wa zi val birsi ni. Mu chi fitinne a chaani ba nyinbaan.

Jɔn 3:21

Amaa ba naa ka la tum wuti tuma, ba waa wara ɔm nha ti. Ba tum ba tuma a li gbampulim nɛɛ, chen ni nara maga zi zim di ba tum ba tuma a nyɛ Koosa nee.”

Jɔn 8:12

A saha tirɛ Yesu fun bukoo biksi zɛmɛ ta a ŋɔ ba, “Min chi tɛɛnɛ nɔ tim maga fitinne. Ba naa maga tiŋ min wa zi bu val birsi ni. Mu zi chaani ba nyinbaan niu a kpa Koosa mi fali naa vɛ kpak bɔ a nyɛ ba.”

Jɔn 8:59

Ju tim ta funɛ nu o sɛm ta, ba fun pini buŋkula di ba yaksi un, amaa Yesu funɛ sogliu a la li Koosa bar jɛɛmi dam ti ni.

Ɛfɛ. 5:8

Ma funɛ vɛ te zim Koosa, ma funɛ nyɛn birsi nee, amaa lalaknɔ ma wa Yesu Kristo ya nibɛgimnɛ, ma nyɛn nha nɛɛ. Chendaha maa tiŋ a chi ba naa nyɛn nha ni chen tiŋ.

1 Tɛs. 5:5

Ma maga chi fitin timwa aa tum gbampulim ni. Ya wa chi birsa tima a sogli aa tum.

1 Tɛs. 5:8

Ya chi fitin tima, ma ta nyɛ ya dɛɛsi chen. Ma nyɛ ya se suuli a kidaŋni nara a kpak bambi bɛgim di Koosa zi yisi yau a li ya tum tagna ni hali a wa peti. Ya ya chen ni, sintana wa zi nyaŋi ya.