Jɔn 11:55 - Tampulma

⁵⁵ Ju tim ta wuzu zen naa ba yir val la gali ti chen funɛ wa dugli. Nidamata fun li ba tɔsa a kaali Jɛrusalɛm di ba te la chaksi ba tusa a li ba tum tagna ni ka wuzu zen ti zi tel.

Jɔn 11:55 ပူးပေါင်းရင်းမြစ်များ

Mat. 26:1

Yesu funɛ biksi o gantɛl tiŋsi ta kina maga a peti, o fun ŋɔ ba,

Mat. 26:2

“Wuzu zen naa Ju tima yir val la gali ti chen wa tel wuzu bilɛ wuzu. A wuzu ti wa tel, ba zi wa kpa n waa nibine beu a du ba naa la zi kpaasi min a mari daakakli ti ni mu sou nisa niu.”

Maak 14:1

O funɛ ka wuzu bilɛwa ka Ju tima wuzu zen naa ba yir val la gali ti tel. Chen wuzu ba yaa fun piili a se boroboro naa ba yaa vɛ du luri chen. Koosa dam kɔkɔɔrsi ta awa Koosa chiksɛ nibiksɛ ta fun a daŋni ba kpak Yesu a kpu,

Luk 22:1

Ju tim ta wuzu zen naa ba yir val la gali ti chen, funɛ wa dugli.

Jɔn 12:1

Wuzu bunɔra tuhu nɛɛ wuzu zen ti fun wa tel, Yesu fun bur kaali Bɛtani. Lazarus naa Yesu fun lɛli un a li o sou ni, funɛ nyɛn dooni.

Jɔn 13:1

O funɛ ka wuzu bɛgimnɛ di val la gali wuzu zen ti tel. Yesu funɛ zimu di o kpaki saha ti duglɛu di o li tɛɛnɛ nɔ maga ni a bur kila o nyan ti wati. Chenani o funɛ daŋni ba naa o dɔ wa funɛ bur gantɛl.

Jɔn 18:28

Chɔɔsa fininirɛ Kaifas awa Yesu fun na dɔŋa peti. Ju tim ta funɛ saksiu di ba di ba wuzu zen wuzu naa ba yir val la gali ti diwe. Lanjimasi ta funɛ kpa Yesu a kaali gɔbnati nyuhu tiina sɛria bar diili dɛ. Ju tim ta fun kpalimi sal ni, domi o funɛ chiu di ba tiŋ zu.

Jɔn 2:13

Wuzu zen naa Ju tim ta funɛ yir val la gali chen saha funɛ wa dugli, Yesu awa o gantɛl tiŋsi ta fun kaali Jɛrusalɛm,

Jɔn 2:6

Dasisa nɔra funɛ nyɛn dam ti ni. Dasi bɛgim zi zu galɔŋsau a dugli fumtora. Ju tim ta wa kaa di diwe dam ti ni, ba yaa zɔk dasisi ta nire a sɛm ba nisa.

Jɔn 5:1

A funɛ ya tama, Yesu fun si a bur kaali Jɛrusalɛm di o la di Ju tim wuzu zene ta digi dooni.

Jɔn 6:4

Ju tim ta wuzu zen naa ba funɛ yir val la gali ti chen, fun dugli.

Tuma 21:24

Kpa i titi a gbaari ba ni a nyɛ nara chaksi ma wa ni ni a funi ma nyuuna a biksi nara di Koosa la chaani ma bambe ni o suwachak ni. Bɔ a nyɛ ma maga ni, chen ni nara maga zi zimu di chenani ba sɛm i wɛ chen wa ya wuti. Ba gbanko zi zimu di i ha wa gil ya chiksɛ ta tiŋi.

Tuma 21:26

Chɔɔsa funɛ wa pisi Pɔɔl fun la gbaari nara tima ni a nyɛ nara chaksi ba wa ni ni a biksi nara di Koosa la chaani ba bambe ni o suwachak ni. Doone ba fun la zu Koosa bar jɛɛmi dam ti a ŋɔ Koosa dam kɔkɔɔrsi ta ni di wuzu bunɔpɛ wuzu ba zi wa kɔɔri kɔɔra a nyɛ Koosa ni a biksi nara di chenani o funɛ chaani ba bambe ni chen mak o bɔu.

Tuma 24:18

Wuzu digi mu fun la zu Koosa bar jɛɛmi dam ti a ŋɔ Koosa dam kɔkɔɔrsi ta ni di wuzu bunɔpɛ wuzu ba zi wa kɔɔri kɔɔrau a nyɛ Koosa ni a biksi nara di chenani o funɛ chaani mu bambi ni chen mak o bɔu. Zɛmɛ wa fun go min. Chɛɛm gbanko wa fun toli.

1 Kɔr. 11:28

Adaha o lawa nibine maga te zaamsi o titiu nɛnɛ a zi se boroboro ti aa nyɔ kinyɔɔli ti.

Jems 4:8

Ma wa dugli Koosa, o gbanko zi wa dugli mau. Ma naa la tum tum tagna, ma sɛm ma nisa a li ma tum tagna ni. Ma bambi bilɛlɛ tima, ma chaksi ma bambe a li ma lisi bilɛlɛ ta ni.