Jɔn 1:38 - Tampulma

³⁸ Ba funɛ nyɛn nyinbaan ni aa la chene, Yesu fun burgi a na di ba tiŋ un. O fun chiŋi a pɛɛsi ba, “Antirɛ ma daŋni?” Ba fun ŋɔ un, “Ya kunyana, ya dɛu hinnɛ. Leene i nyɛn?”

Jɔn 1:38 ပူးပေါင်းရင်းမြစ်များ

Luk 10:39

O funɛ kpak niinbere. Ba yir un Mɛri. Yesu funɛ piili a biksi o gantɛl tiŋsi ta, Mɛri fun wa kani o suwachak ni aa nu o sɛm ta.

Luk 14:25

Yesu funɛ li dooni chen, zɛmɛ kinkan fun a tiŋ un. O fun burgi a ŋɔ ba,

Luk 15:20

O fun lisi o tuhu ti ni peti, o fun si a bur kaali o nyan dama. “O funɛ wa dugli o nyan dam ti chen, o nyan ti fun na un ka o wa. O be ti wɛ fun ya un siki kinkan. O fun chɔ a la chem un nyinbaan ni a kpa o nisa a kur un a mɔksi un.

Luk 19:5

Yesu fun li dooni a chiŋi a nyini bugil ti daha ni a ŋɔ, “Zakius, kitu lalaga. Mu daŋni n la hiisi i dam nɛɛ zinan.”

Luk 22:61

Yesu fun burgi a nyini Pita. O fun vaan lisi chenani Yesu fun ŋɔ un di o zi wa tɔ butorau di o wa un wa zim dɔŋa, ka zimal yeli zinan.

Luk 8:38

baal naa funɛ kpak alizin tagni ta chen, fun wa sumi Yesu di o nyɛ o tiŋ un ba la. Yesu fun ŋɔ un, “Aai.

Jɔn 1:37

O gantɛl tiŋsa nara balɛ ta funɛ nu o sɛm ta chen, ba fun la tiŋ Yesu.

Jɔn 1:39

O fun ŋɔ ba, “Ma wa a wa na.” Ba fun tiŋ un a la na doonani o nyɛn. Ba funɛ wa tel o bar nyɛni ti di o ya zazɔɔnnɛ. Adaha ba wa un nyɛn dooni hali dusum fun wa biri.

Jɔn 1:49

Nataniɛl funɛ nu Yesu sɛma, o fun ŋɔ, “Mu kunyana, hin ya Koosa be. Hin vɛɛn ya Ju tim koora naa Koosa fun ŋɔ di o zi tumu ya wati.”

Jɔn 12:21

Yesu gantɛl tiŋsi ta digi sɔn funɛ ya Filip. O tɔha funɛ ya Bɛtseida a li Galili pulum ni. Ba fun wa ŋɔ un, “Ya nihɛɛ, ya daŋni ya la pu Yesuu.”

Jɔn 18:4

Yesu funɛ zim chenani kaa wa yau a fun kaali di o la chem ba a pɛɛsi, “Antirɛ maa dɛu?”

Jɔn 18:7

Yesu fun bu pɛɛsi ba, “Antirɛ maa dɛu?” Ba fun vɛɛn ŋɔ un, “Ya dɛu Yesu Nazarɛt narrɛ.”

Jɔn 3:2

Wuzu digi dusumnɛ, o fun la ŋɔ Yesu ni, “Mu kunyana, ya zimu di Koosa funɛ tum hin di i wa biksi ya. Tum zene naa i tum biksi ya di Koosa kpok ti nyɛn hin ni.”

Jɔn 3:26

Ba fun wa ŋɔ Jɔn ni, “Ya kunyana, i lisi baal naa funɛ nyɛn i wati a li Jɔɔdan mɔɔga jibaŋ kinkin ti ni awa chenani i fun ŋɔ ya o wɛuu? Nidamata fu zi wa i watiu i chaksi ba, amaa ba ka kaali o watɛɛ di o chaksi ba.”

Jɔn 4:31

Haan ti funɛ nyɛn nyinbaan ni a la o tɔhɔn ti, Yesu gantɛl tiŋsi ta fun sumi un di o zer diwe a di.

Jɔn 6:25

Ba funɛ na un, ba fun pɛɛsi un, “Ya kunyana, yɛrɛ i ya a wa bar nɔ?”

Tuma 10:21

Pita fun si tu a la ŋɔ ba, “Min ya naa ma dɛu chen. Baŋnɛ maa daŋni mu suŋi ma?”

Tuma 10:29

Chendaha ma yir min, mu vɛ bur gantɛl. Ma ŋɔ min chenani mu zi suŋi ma.”