Gal. 6:10 - Tampulma

¹⁰ Ma nyɛ ya dɛu nyinbaan aa suŋi nara maga. O lawa ya te a suŋi ya dɔŋtima ba naa se su ya kunyan tiu.

Gal. 6:10 ပူးပေါင်းရင်းမြစ်များ

Mat. 10:25

Nibuksi ti ta daŋni o kaali o nibiksi ti, amaa o kpaŋi o titi ka ba mak dɔŋa. Yom ti gbanko ta daŋni o kaali o kunyan ti. O na nyinbaan o nyɛ o wa o kunyan ti mak dɔŋa. Biɛlzɛbub ya alizin tagna maga nihɛɛ. Nara yir min o sɔn ti, ba zi yir mu gantɛl tiŋsi ta gbanko o sɔn ti.”

Mat. 12:50

Ba naa maga la tum chenani mu kunyana Koosa naa nyɛn o tɔhɔn ti ni daŋni ba tum, ba waa ya mu numa awa mu niinbisa.”

Mat. 25:40

Mu zi ŋɔ bau, ‘Wutirɛ n ŋɔ ma, chen naa maga ma fun ya a nyɛ mu gantɛl tiŋsi ta ni hali ba bichɛl tiin ni, mu nɛɛ ma tum nyɛ chen.’

Mat. 5:43

“Ma funɛ nuu di nibinsa funɛ biksi ma nawaalsa saha digi di ba daŋni ba dɔŋtima a ha ba dɔma,

Maak 3:4

a ŋɔ nara tima ni, “Ma zim Koosa chiu. Hiisi wuzu ti ma ya chi di ma ya wu werewa a nyɛ nara ni, akoo ma ya chi di ma ya wu tagniwa a nyɛ nara nii? Ma nyɛ nara miisa koo ma kpu nara, o leemawa maa chi?” Ba fun moori.

Luk 6:35

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

Jɔn 12:35

Yesu fun ŋɔ ba, “Mu chi fitinne a nyɛn ma wati. O wa zi vusi ka birsi wa tɔ min. Ma kpak fitina a val doonani ma daŋni ma val. Birsi ti wa tɔ un, ma zi nyuksi nyinbaanu.

Jɔn 9:4

Lalaknɔwa nyinbaan puk a nyɛ ya di yaa tum tuma a nyɛ naa funɛ tum min ni chen. O wa zi vusi ka nyinbaan ti tɔ ya bu vɛ koti a tum wu digi.

Tuma 6:7

Koosa laaboor weri ti fun mɔɔli kinkan. Nara kinkan awa Koosa kɔkɔɔrsi ta nidamata fun nyɛ ba se su un a li Jɛrusalɛm ni a gbaari.

2 Kɔr. 2:8

Mu sumi mau di ma ŋɔ un di maa daŋni unu kinkan.

Gal. 1:23

Ba funɛ nu di mu ya naa funɛ nyɛ ba namsi kinkan a la daŋni mu dusi Koosa laaboor weri ti a ta, ba fun ŋɔ dɔŋ ni, “Baŋa ya baal nɔ burgi a suŋi ya nan?”

Ɛfɛ. 2:19

Ma naa vɛ ya Ju tima, wa bu ya hɔɔra. Ma wa Koosa nara lagmi dɔŋ ni a li Koosa walɛ ni.

Ɛfɛ. 3:15

Ba naa maga nyɛn o tɔhɔn ti ni awa ba naa se su un tɛɛnɛ nɔ maga ni, waa ya ba nyana.

Ɛfɛ. 4:28

Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.

Ɛfɛ. 5:16

Nidamata tum tum tagniwa lalaknɔ. Ma ka nyini nyinbaan a tum tum were saha maga.

Filip. Tima 4:10

Ya kunyan ti funɛ nyɛ mu tuha sɔɔniu kinkan, domi ma funɛ bu biksi minu chenani ma baga nyɛn min ni. Saha digi ma funɛ kotiu a suŋi min a chi nan, amaa ma wa bu a na nyinbaan a suŋi min hali wa zinan.

Kɔl. 4:5

Ma wa ba naa vɛ tiŋ Yesu, lagmi dɔŋ ni, ma lisi chenani ma zi tiŋ wa nɛha a li ba wati. Maa biksi ba Koosa nyinbaan saha maga.

1 Tɛs. 5:15

Ma ta tum tum tagin a bɔ tum tagin. Maa kpaŋi a tum tum were duŋduŋ aa nyɛ dɔŋ ni awa nara maga ni.

1 Tɛs. 5:21

Ma nyini ba sɛma maga a nɛɛ a weru. A were ma kpak a.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Tait. 3:8

Chenani mu ŋɔ hin, nan ya wutirɛ. Mu daŋni i yaa kibiksi narawa kin nama wɛ kinkan, chen ni ba naa se su Koosa se zi sɛri tum were tumi niu. Ba tum chen, ba zi wa na nyɔɔrau.

Ju 13:16

Ma ta suglɛ di ma tum tum were a kisuŋi dɔŋa saha maga. Chenani ya ya chen gbanko kɔɔr naa sɔɔni Koosa tuha kinkan.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

Ju 6:10

O ya wuti tiinnɛ. O wa zi sugli ma tum were naa ma fun tum a nyɛ un awa chenani ma fun biksi di ma daŋni unu a li ma dɔŋtima suŋi ni. Hali ma ha vɛɛna suŋi ba chene.

1 Pita 2:5

Ma naa kpak o mi fali ti, chi buŋkula a naa Koosa kpa sa o dam ti, chen ni o zi kotiu a nyɛn dooni. Ma chi ba naa funɛ ya o kɔkɔɔrsa saha digi, a kpa ma titi a nyɛ Koosa ni Yesu Kristo daha.

1 Pita 4:17

Koosa saksi di o di tɛɛnɛ nɔ tim maga sɛriau lalaknɔ. O wa wa, o zi te di ba naa o dɔ chen sɛriau a zi di ba naa se vɛ su o laaboor weri ti chen. O piili ya ni, yɛrɛ o kaa du ba ni?

1 Jɔn 5:1

Naa si su di Yesu ya Kristo naa Koosa fun tum chen, chen tiina ya Koosa bisi ta digirɛ. Ma daŋni nibine, ma zi daŋni o be ti gbankou.

3 Jɔn 1:10

Mu wa wa, mu wa ma zi sɛm chenani o yaa fun a yo o nɔu a la sɛm sɛm tagna a du min ni. Amaa chen duŋduŋ laata ya wu tagna oo tum. O wa zi la Yesu nitiŋɛ ba naa yaa val a la wa o wati. Hali o wa zi nyɛ o chɛnsa bɔnɛ la ba du. Ba la ba, o yaa daŋni o duŋni ba a li Yesu nitiŋɛ ta wati.

3 Jɔn 1:11

Mu chɛna, ta tiŋ chenani o tiŋi. Kitum tum were nyinbaan. Naa la tum tum were, Koosa dɔ un. Amaa naa ka la tum tum tagna, Koosa wa dɔ un.

3 Jɔn 1:3

domi Yesu nitiŋɛ ta bɔnɛ funɛ wa a wa sɛm min di maa tiŋ wuti nyinbaanu awa ma bambi maga ni. Mu funɛ nu chen, mu tuha fun sɔɔni kinkan.