Filip. Tima 4:3 - Tampulma

³ Nihaana nama awa Klɛmɛnt wa tumtumsa bɔnɛ wa min, ya waa funɛ tum kinkan di ya biksi nara tima Koosa laaboor weri ti wɛ. Mu dɔŋtiin birigi naa wa min la tum Kristo tuma, mu sumi hinu di i suŋi ba. Koosa fun sɔbi ba naa la o mi fali ti, sɔna a du o tɔn ni. Ba sɔna nyɛn dooni.

Filip. Tima 4:3 ပူးပေါင်းရင်းမြစ်များ

Luk 10:20

Chenani alizin tagni ta nu ma nɔna nyɛ ma tusa sɔɔniu. Koosa funɛ sɔbi ma sɔnau a du o tɔn ni a li o tɔha ti ni. Ma nyɛ ma tusa sɔɔni nan daha a kaali chenani a fun te sɔɔni.”

Room 12:1

Mu niinbisa, Koosa funɛ kpak ma sikiu kinkan. Chendaha mu sumi ma di ma kpa ma titi a nyɛ un a chi nara yaa kpa kina a kɔɔri kɔɔra chen. Ma ya chen a ya nibin were, ma zi tiŋ unu nɛnɛ a sɔɔni o tuha kinkan.

Room 16:12

awa ya toosa Trifena awa Trifosa ba naa la tum ya kunyan ti tuma kinkan, awa ya towe Pɛrsis naa ya maga daŋni. O gbanko funɛ tum kinkan a nyɛ ya kunyan ti ni.

Room 16:9

Ma zaami Urbenus naa wa ya la tum Kristo tuma, awa Stakis naa mu daŋni.

Filip. Tima 1:12

Mu niinbisa, mu daŋni mu ŋɔ mau chenani ba fun kpak min a tɔ dɛ chen nyɛ Koosa laaboor weri ti pisiu a gbaari.

Filip. Tima 1:16

Ba waa la daŋni min aa zim di Koosa funɛ kpa min a du bar nɔ, chen ni mu zi chiŋi o laaboor weri ti gantɛl niu.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Filip. Tima 1:5

Domi saha naa ma fun nu Koosa laaboor weri ti hali wa zinan, ma yaa suŋi minu di mu ŋɔ nara ni o wɛ.

Filip. Tima 1:7

Mu daŋni mau kinkan. Chendaha o weru wa mu lisi ma wɛ nan saha maga. Ba kpak min a tɔ dɛ koo mu chiŋɛ Koosa laaboor weri ti gantɛl ni a sɛm nara ni di o kpak wutiu, Koosa yaa funɛ suŋi minu awa ma maga.

Filip. Tima 4:2

Mu sumi ya toosau Yuodia awa Sintaiki ba naa la tiŋ ya kunyan ti, di ba la nɔɔni wa dɔŋa.

Kɔl. 1:7

Ɛpafras funɛ biksi ma laaboor weri ti. O wa ya waa ya Kristo tumtumsa. Oo tum Kristo tumwa wa wuti ni a nyɛ ya. Yaa daŋni unu kinkan.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

JɔnN Deesi 17:8

Sel zen naa i fun na chen, wa bu to o miisa ni. O wa zi vusi ka o li bɔ naa vɛ kpak bar peti chen ni a kaali din dama. Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. Ba naa kaɛɛ a na ka sel zen naa funɛ sou chen bu kpak miisa, alaazibu zi kpak bau kinkan.

JɔnN Deesi 20:12

Mu fun na tɛɛnɛ nɔ tim maga ba naa funɛ ya nibirige awa ba baa funɛ vɛ yaali ka Koosa lɛli ba a li ba sou ni. Ba funɛ chiŋi o jirima bar kani suwachak nɛɛ. Ba fun puk Koosa mi fali tɔn ti awa tɔni naa ba fun sɔbi ba tuma a du a tuhu ni. O fun di ba sɛria a li chenani ba sɔbi a du tɔni ta ni.

JɔnN Deesi 20:15

Ba naa ba ha vɛ sɔbi ba sɔna a du Koosa mi fali tɔn ti ni, ba fun kpa ba a yo du bɛɛŋ ti gbanko ni.

JɔnN Deesi 21:27

Tum tagna nitumɛ awa ba naa tum chɔkumsi tuma a la suni wɛ, ba wa zi koti a zu dooni. Ba naa ba fun sɔbi ba sɔna a du piisi be ti mi fali tɔn ti ni duŋduŋ la zi zu dooni.

JɔnN Deesi 3:5

Mu zi nyɛ ba naa kpak nɛnɛu hali a la tel o bɔ laari kipilimau ka mu zi nyɛ ba sɔna naa ba fun sɔbi aa du Koosa mi fali tɔn ti ni kpalimi dooni. Mu si sɛm mu nyana awa o malaikasi ta gbampulim niu a li ba suwachak ni di min dɔ ba.