Filip. Tima 3:3 - Tampulma

³ Ba teŋsi ti wa ya wuti. Koosa wara daŋni ya teŋsi ya bara, domi o funɛ kpa o siim weri tirɛ a nyɛ ya, chen ni ya zi kotiu a jɛɛmi un wa wuti ni. Lalaknɔ Yesu Kristo ya ya jirima tiina. Ya wa bu kpak wu digi a li chenani nara tum tuma li ba titi kpok ni.

Filip. Tima 3:3 ပူးပေါင်းရင်းမြစ်များ

Room 1:9

Koosa naa muu tum a nyɛ awa mu bambi maga ni a la biksi o laaboor weri ti o be wɛ a nyɛ nara ni, waa ya mu sɛhɛra tiina di mu yaa sumi unu ma daha,

Room 15:17

Chenani mu tum a nyɛ Koosa ni ya mu jirima kin, domi mu wa Yesu Kristo ya nibɛgimnɛ.

Room 7:6

amaa lalaknɔ Koosa chiksɛ ta wa bu kpak kpok ya ni. O chi ya funɛ sou chiksɛ ta watɛɛ. Koosa chiksɛ naa ba fun sɔbi a li o sɛm tɔn ti ni, ya nyinbaan bunirɛ. Ya naa kpak o siim weri ti o nyɛn ya ni, la tiŋ o nyinbaan fali ti.

Room 8:15

Koosa siim weri ti wa fun nyɛ ya burgi o yosa di ya ɔm un. O ka funɛ nyɛ ya burgi Koosa bisiwa, chen ni ya koti a yir Koosa ya kunyana.

Room 8:39

wa buudaha kina wa tɛɛnɛ nɔ maga kina, wa kin nawara maga Koosa fun naami, kin nama wa kikoti a waligi ya a li chenani Koosa daŋni ya, domi ya wa ya kunyana Yesu Kristo ya nibɛgimnɛ.

Room 9:6

Ju tim ta nara tama se su Yesu Kristo. Chen mun ya di vɔwi naa Koosa fun kpa nyɛ ba chen chɔkuu? Aai. Ju tim ta maga laata ya Koosa titi nara.

2 Kɔr. 11:18

Nibiksɛ nama la tiŋ ba titi daŋnɛ aa daŋni sɔna a du ba titi ni. Chendaha mu gbanko daŋni sɔn.

Gal. 5:25

Koosa siim weri ti funɛ kpa o mi fali ti a nyɛ ya. Chendaha o lawa ya gbanko nyɛ o kpa o kpok tiu a nyɛ ya yaa tiŋ un nɛnɛ.

Gal. 6:16

Ba naa maga la lisi nan, Koosa zi kpak ba sikiu a kinyɛ ba bara sɔɔna. Ba waa ya Ju tima ba naa Koosa dɔ wuti ni.

Ɛfɛ. 6:18

Maa sumi Koosa kin nama daha saha maga, chen ni o zi suŋi mau. Ma nyɛ o siim weri ti kibiksi ma chenani ma zi sumi Koosa. Ma il nɛnɛ awa kanyita kinkan ni, aa kisumi un di o suŋi o nara maga.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

Filip. Tima 3:12

Mu wara sɛm di mu piin na kin nama magau. Mu ha wa ya nibin weri a peti. Kristo dɔ min lalaknɔ. Chendaha mu kpaŋi mu titiu kinkan di mu zi wa dɔ kin namau.

Filip. Tima 3:14

Koosa funɛ yir min di mu wa lagmi Yesu Kristo ni a nyɛn o tɔhɔn ti ni wuzu digi. Chendaha mu kpaŋi mu titi di mu ya chen.

Kɔl. 2:11

Ju tima yaa fun teŋsi dɔŋ barau, di ba biksi nara di Koosa dɔ ba. Amaa lalaknɔ ma wa Kristo ya nibɛgimnɛ. Waa funɛ yisi ma a li ma tum tagna ni. Nan chi o funɛ teŋsi mau.

Juud 1:20

Amaa, mu bi daŋnɛ, maa tiŋ Koosa nɛnɛ a gbaari, domi ma se su un. Ma nyɛ o siim weri ti suŋi ma maa sumi Koosa.