Filip. Tima 3:2 - Tampulma

² Ma doso kinkan ba naa funɛ teŋsi ba titi bara a la tum tum tagna a la daŋni ba teŋsi ma gbanko chen. Ba chi vasa a naa ya yɔrirɛ a gba a tum tum tagniwa.

Filip. Tima 3:2 ပူးပေါင်းရင်းမြစ်များ

Mat. 24:10

Chen saha ti nidamata se wa zi bu wa su min. Ba zi wa li dɔŋ gantɛlau a ha dɔŋa.

Mat. 7:15

“Ma doso a kinyini witinsa ba naa vɛ zim Koosa. Ba wa wa ma wati, ba chi piisisiwa, amaa ba tusi ni ba chi gbesiwa a naa la daŋni diwewa.

Mat. 7:6

“Ma ta kpa Koosa kiwere a biksi ba naa la zi nyɛ a jirima. Ma ta kpa kiwere a nyɛ vasi ni a zi bur a dusi ma. Ma ta kpa ma bunɔɔta kin a yo ta kurchu suwachak ni, chen ni aa zi val a daha a chɔk.”

Room 2:28

Nibine bara teŋee, chen wa biksi di o ya Ju tim nidigirɛ wuti. Teŋi naa Koosa baga nyɛn, o wa ya bara teŋsire.

2 Kɔr. 11:13

Ba wa ya Koosa wuti nitumɛ. Ba ka ya nusun timwa, domi ba mur mau di ba biksi awa ya biksi ti ya kibɛgimnɛ. Ba fun chɛrgi ba titi di ma lisi di Yesu Kristo funɛ tum ba ma wati.

Gal. 5:13

Mu niinbisa, Koosa funɛ yir ma di ma ta ya yosa. Amaa lalaknɔ o yisɛ mau, ma ta bu tiŋ ma titi daŋnɛ. Ma ka daŋni dɔŋa a kisuŋi dɔŋa.

Gal. 5:15

Ma yaa na paan a du dɔŋ ni a la di dɔŋa wa amɔrɛ, ma doso. Wuzu digi ma zi wa chɔk dɔŋau.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Filip. Tima 3:19

Ba titi daŋnɛ kaali kina maga. Ba zer ba titi a li ba tum tagna naa nyɛ ba na hiisarɛ daha. Baa lisi tɛɛnɛ nɔ maga kina duŋduŋnɛ. Kin nama daha, Koosa zi wa chɔk bau.

Filip. Tima 3:3

Ba teŋsi ti wa ya wuti. Koosa wara daŋni ya teŋsi ya bara, domi o funɛ kpa o siim weri tirɛ a nyɛ ya, chen ni ya zi kotiu a jɛɛmi un wa wuti ni. Lalaknɔ Yesu Kristo ya ya jirima tiina. Ya wa bu kpak wu digi a li chenani nara tum tuma li ba titi kpok ni.

1 Tim. 1:19

a kpak nɛnɛ aa tiŋ un wa tuha bɛgim ni. Bɔnɛ ka wa fun tiŋ wa tuha bɛgim a bur a chɔk ba se suuli kinkan.

Tait. 1:16

Nibiksɛ na la ŋɔ di ba zim Koosau, amaa ba tuma biksɛɛ di ba wa zim un. Ba vɛ o nɔ a vɛ koti aa tum tum were. Chendaha ba chi kipɔtiwa o wati.

2 Pita 2:22

Chenani ba fun tum biksi ya di jɛɛgɛ ta ya wutirɛ. Ya ŋɔ, “Vaha yaa ok, a bur la di un. Kurchu naa ba sɔ ni, yaa bur a la chɔ vɛrɛ ni.”

Juud 1:4

Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.

JɔnN Deesi 2:9

Mu zim chenani ma namsiu kinkan a ya fara tima, amaa ma ta suglɛ di ma funɛ kpa kidamatiwa a chiŋsi a li Koosa tɔhɔn ti ni. Bɔnɛ nyɛn ma ni aa chɔk ma sɔna. Sintana dɔ ba, domi ba ŋɔ di ba ya Ju timwa a vɛ yaali.

JɔnN Deesi 21:8

Amaa ba naa bur a li mu tiŋi ni a li nara gantɛl a la tiŋ doŋ tuma a la kpu nara a la tum chɔkumsi tuma a la tum tu bilim tuma a la jɛɛmi vursa a ya nusun tima, mu zi na ba galimsau a kpa bau a yo du bɛɛŋ naa din nyɛn saha maga ni a ta ba yɔri.”

JɔnN Deesi 22:15

Amaa ba naa la tum tum doŋa a la tum tu bilim tuma a la tum chɔkumsi tuma a la kpu nara a la jɛɛmi vursa ka ba tusa sɔɔni awa nusun ni, ba maga zi wa kpalimi tɔhɔn ti dentil niu.

JɔnN Deesi 3:9

Ma nu mu wati. Ba naa ŋɔ ma di ba ya Ju timwa a ya nusun tima, sintana dɔ ba. Mu zi nyɛ ba wa gbiri ma suwachak niu a nyɛ ma jirima, domi ba zimu di mu daŋni mau.