Filip. Tima 2:2 - Tampulma

² Kin nama ya chen, ma nyɛ ma lise ya kibɛgim, chen ni mu tuha zi sɔɔniu hali o wa peti. Ma gbanko kpak nɔ bɛgim a kidaŋni dɔŋa saha maga.

Filip. Tima 2:2 ပူးပေါင်းရင်းမြစ်များ

Jɔn 3:29

Nar kpa haan, waa dɔ un. Mu chi haan fali baal chɛnnɛ. Mu wa dugli un a nu o sɛma, mu tuha yaa sɔɔniu kinkan. Nara ta wa li mu wati a la Yesu wati di o chaksi ba wa ni ni, mu tuha yaa sɔɔniu kinkan a kaali chenani o fun te sɔɔni.

Tuma 1:14

Ba wa nihaan bɔnɛ wa Mɛri, Yesu niina, wa o niinbisa funɛ sumi Koosa wa tuha kibɛgimnɛ.

Tuma 2:1

Ju tim ta wuzu zen naa ba funɛ yir Pɛntɛkɔst chen wa tel, Yesu gantɛl tiŋsi ta maga fun wa lagmi dɔŋ ni.

Tuma 2:46

Wuzu kam ba yaa fun la lagmi Koosa bar jɛɛmi dam ti niu a sumi Koosa aa go ba damsa a lagmi a di diwe awa tu sɔɔni. Ba nisa wa fun zuk wa ba lagmi a tum tuma.

Tuma 5:12

Nitumɛ ta fun tum tum zene awa alaazibu tuma nara tima suwachak ni. Ba yaa funɛ zu Koosa bar jɛɛmi dam ti a lagmi Solomon zaŋ ti tuhu ni.

Room 12:16

Maa kpak nɔ bɛgim wa dɔŋ ni. Ma ta daŋni sɔna. Ma saksi a nyɛ ma wa ba naa la tum tum wisa lagmi kitum. Ma ta lisi di maa zim kina magau.

1 Kɔr. 1:10

Mu niinbisa, mu sumi mau ya kunyan Yesu Kristo sɔn daha ma maga kiya nɔ bɛgim. Ma ta waligi ma titi, chen ni ma sɛma awa ma lise ni ma zi kpak nɔ bɛgimu.

2 Kɔr. 13:11

Ya niinbisa, lalaknɔ ya daŋni ya mak tɔn nɔ sɔbi bar nɔwa. Ma nu chenani mu sɛm ma chen a kɔɔri kin nawara vɛ deŋli maga. Ma kpak nɔ bɛgim wa dɔŋ ni a kpak bara sɔɔna awa dɔŋ ni. Koosa naa la daŋni ma a la nyɛ ma bara sɔɔna, o zi suŋi mau a chi nan.

2 Kɔr. 2:3

Chendaha mu fun te sɔbi tɔn a nyɛ ma. Chen saha ti mu wa fun wa di mu wa na ma, domi ma naa fu zi nyɛ mu tuha sɔɔni, ma waa nyɛ o chɔk. Mu zim mu bambi niu di kinkin naa la sɔɔni mu tuha, waa la sɔɔni ma gbanko tusa.

2 Kɔr. 7:7

Ya tusa funɛ sɔɔniu ya na un chen a nu o laaboor chenani ma fun a kpami un. O fun ŋɔ ya di maa daŋni ma na minu kinkan, awa chenani ma tusa chɔk domi muksi naa ma kpa du min chen daha. O gbanko funɛ ŋɔ yau di lalaknɔ ma se sɛrɛu di ma tiŋ ya biksi ti. O funɛ ŋɔ ya o laaboor ti peti, ya tusa fun sɔɔni kinkan a kaali o te tel ti ni.

Filip. Tima 1:4

Muu sumi un ma daha, mu tuha sɔɔniu kinkan.

Filip. Tima 2:16

aa kibiksi ba chenani Koosa daŋni o kpa o mi fali ti a nyɛ ba. Maa tum nan, ka Kristo wa bur wa, ma zi ya mu jirima narau. Mu tum nama maga mu tum a nyɛ ma nan, a wa zi ya yɔri.

Filip. Tima 2:20

O duŋduŋ nyɛn mu wati bar nɔ a bɔni chenani mu baga nyɛn ma ni.

Filip. Tima 4:2

Mu sumi ya toosau Yuodia awa Sintaiki ba naa la tiŋ ya kunyan ti, di ba la nɔɔni wa dɔŋa.

Kɔl. 2:5

Mu wa ma bol wa dɔŋau, amaa mu baga nyɛn di ma maga se su Kristo kinkan ka maa tiŋ o nyinbaan aa kpak un nɛnɛ. Ma ya chen, mu tuha zi sɔɔniu.

2 Tɛs. 2:13

Mu niinbisa, ya yaa zaami Koosau ma naa o daŋni nan daha. Ma se funɛ su o wuti ti. Chendaha o fun te kpa o siim weri kpok ti a yisi ma a li ma tum tagna ni a nyɛ o titi ni.

2 Tim. 1:4

Mu lisu chenani i fun li mu watiu ka i tuha chɔku kinkan. Mu daŋni mu bu na hinu kinkan, chen ni i zi nyɛ mu tuha sɔɔniu hali a la gali.

Faili. 1:20

Adaha, mu niinbe, kisuŋi min a chi chen aa kikpami min, domi ya maga tiŋ ya kunyana Kristore.

2 Jɔn 1:4

Mu tuha sɔɔnɛu kinkan domi mu funɛ na ka i bisi ta bɔnɛ tiŋ wuti ti a chi chenani ya kunyana Koosa fun ŋɔ di ya tiŋ chen.

3 Jɔn 1:4

Saha naa mu yaa nu di mu bisa tiŋ Koosa wuti nyinbaannɛ, o yaa sɔɔni mu tuhau kinkan a kaali kina maga.