Kɔl. 4:12 - Tampulma

¹² Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

Kɔl. 4:12 ပူးပေါင်းရင်းမြစ်များ

Mat. 5:48

Ma nyɛ ma tusa kichaani a chi chenani ma nyana Koosa naa nyɛn o tɔha ni tuha chaani chen.”

Luk 1:1

Min, Luk, la sɔbi tɔn nɔ a nyɛ mu kunyan Tɛɔfilus ni nan. Nidamata funɛ kpaŋi ba titiu a sɔbi kin naa maga funɛ ya ya wati.

Luk 22:44

O fun na bar wiha kinkan, a fun sumi Koosa wa si sɛm ni ka o wilim fun chi chɛl aa chesi tɛɛnɛ ni.

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”

Room 15:14

Mu niinbisa, mu kpak bambiu di ma ya nibin werewa kinkan a kpak zima nɛnɛ a koti aa biksi dɔŋa.

Room 15:30

Tɔ. Mu niinbisa, mu sumi mau di ma biksi min chenani Koosa siim weri ti nyɛ ma daŋni min. Ma nyɛ mu wa ma lagmi a kpak si sɛm a sumi Koosa a nyɛ min ya kunyana Yesu Kristo daha.

1 Kɔr. 14:20

Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.

1 Kɔr. 2:6

Mu yaa vɛɛn a sɛmu zima sɛmau a nyɛ ba naa la tiŋ Koosa ni nɛnɛ. O wa ya tɛɛnɛ nɔ tim maga zimarɛ akoo nibin zene zima mu sɛm a nyɛ ba. A nama ya yɔrirɛ a la zi vɛ vusi.

2 Kɔr. 13:11

Ya niinbisa, lalaknɔ ya daŋni ya mak tɔn nɔ sɔbi bar nɔwa. Ma nu chenani mu sɛm ma chen a kɔɔri kin nawara vɛ deŋli maga. Ma kpak nɔ bɛgim wa dɔŋ ni a kpak bara sɔɔna awa dɔŋ ni. Koosa naa la daŋni ma a la nyɛ ma bara sɔɔna, o zi suŋi mau a chi nan.

Gal. 1:10

Ma lisu di muu daŋni mu ya nara lɛmlɛmnɛɛ? Aai. Mu daŋni mu sɔɔni Koosa duŋduŋ tuharɛ. Mu daŋni mu ya nara lɛmlɛm, mu wa ya Kristo tumtumna.

Gal. 4:19

Mu bi daŋnɛ, mu chi nihaan naa la daŋni lulirɛ aa la wi ma daha. Mu daŋni kinkan di Kristo wa nyɛn ma ni hali o wa peti.

Kɔl. 1:22

Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

Kɔl. 1:28

Kristo wɛ duŋduŋnɛ ya yaa biksi nara. Yaa kpami nara maga a biksi ba awa zima maga, chen ni ba zi wa ya nibin wereu kinkan, domi ba wa Kristo ya nibɛgimnɛ.

Kɔl. 1:29

Chendaha mu si sɛri mu tum ni ka mu kpaŋi kinkan. Kristo la nyɛ min o kpok ti kinkan, chen ni mu zi kotiu a tum chen.

Kɔl. 1:7

Ɛpafras funɛ biksi ma laaboor weri ti. O wa ya waa ya Kristo tumtumsa. Oo tum Kristo tumwa wa wuti ni a nyɛ ya. Yaa daŋni unu kinkan.

Kɔl. 1:9

O funɛ sɛm ya ma wɛ, ya yaa sumi Koosau aa nyɛ ma di o zi nyɛ ma wa zim o wɛu nɛnɛ a lɛli ma se di ma zim o tutɔ ti, a kpa o zima a nyɛ ma.

Kɔl. 4:9

O wa Onisimus funɛ lagmi a la. Onisimus naa la suŋi ya kinkan, ya ma digirɛ. Yaa daŋni unu kinkan. Nara balɛ na zi ŋɔ mau chen naa maga funɛ ya bar nɔ.

1 Tɛs. 5:23

Koosa naa la nyɛ ma bara sɔɔna, zi nyɛ maa tum tum wereu a gbaari. O zi kok ma awa ma lisi wa ma siimau a li wu tagna ni, chen ni a zi weru hali saha naa ya kunyan Yesu Kristo wa bur wa.

Faili. 1:23

Ɛpafras naa nyɛn mu wati dɛ nɔ ni domi o si su Yesu Kristo, o zaami hinu.

Ju 5:14

Yesu nitiŋɛ ba naa zim Koosa wuti biksi ti nɛnɛ, ba waa zim kiwere awa kitagna. Ba waa chi ba naa biee a di ku chen.

Ju 5:7

Yesu funɛ nyɛn tɛɛnɛ nɔ maga ni a wa dugli siwi, o fun a sumi Koosa naa kpak kpok di o lisi un a li o sou ni. Koosa funɛ nu o sumiu, domi Yesu funɛ ya nibin jɛrgɛrɛ a la nyɛ un jirima.

Jems 1:1

Mu waa, Jems, naa ya Koosa awa ya kunyana Yesu Kristo tumtumna, zaami ma naa tiŋ Yesu a pisi bawu maga niu.

Jems 1:4

Maa di hali a wa peti, ma zi ya nibin wereu a chi chenani Koosa daŋni ma du.

Jems 5:16

Adaha ma ŋɔ dɔŋ ni ma tum tagna wɛ ka ma sumi Koosa a nyɛ dɔŋ ni, chen ni wichɔɔrta wa kpak ma, Koosa zi tiibi mau. Nibin weri sumi Koosa, o sumi ti kpak kpoku kinkan.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.