2 Pita 3:7 - Tampulma

⁷ Lalaknɔ Koosa chiŋɛ buudaha awa tɛɛnɛ nɔ maga hali a wuzu naa o kaa di ba naa la tum tum tagna sɛria. O sɛria diili wa peti, o zi kpa dinu a chɔk a maga.

2 Pita 3:7 ပူးပေါင်းရင်းမြစ်များ

Mat. 10:15

Ma nu mu sɛm na. Koosa wa wa di o wa di tɛɛnɛ tim maga sɛria, o zi kpak sikiu a li Sɔdɔm awa Gamɔra tima a kaali ba.”

Mat. 11:22

Wutirɛ mu ŋɔ ma, Koosa zi wa di tɛɛnɛ nɔ maga tima sɛriau, o zi wa kpak Taaya awa Saidɔn tima sikiu a kaali ma.

Mat. 11:24

Wutirɛ mu ŋɔ ma, Koosa zi wa di tɛɛnɛ nɔ maga tima sɛriau, o zi wa kpak Sɔdɔm tima sikiu a kaali ma.”

Mat. 12:36

“Wutirɛ n ŋɔ ma nan, a wuzu naa Koosa zi wa di tɛɛnɛ nɔ tim maga sɛria, o zi wa pɛɛsi nara magau ba sɛm yɔrisa naa ba fun sɛm wɛ.

Mat. 24:35

Buudaha awa tɛɛnɛ zi wa petiu wuzu digi, amaa mu sɛma wa zi kut peti.”

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

Maak 6:11

Amaa ma wa zu tɔ digi ka tɔhɔn ti nara vɛ la ma duuli koo a vɛ nu nyɛ ma, ma li dooni, a piisi ma naasa hɛɛra a ta, chen ni ba zi zim di a li ba nɛɛ. O wa li ma ni.”

Jɔn 12:48

Tɛɛnɛ nɔ maga siili saha wa tel, sɛm nawara mu fun sɛm zi wa di ba naa funɛ vɛ min awa mu sɛma sɛriau.

Room 2:5

Amaa i si kpoku kinkan. I tuha wa zi chɔk i tum tagna daha. I tum tum tagniwa aa chiŋsi. Koosa wuzu wa tel di o wa di hin sɛria wa wuti, o zi na paanu kinkan a du hin ni a lɛrgi i diŋsa a gbaari.

1 Kɔr. 3:13

Saha naa Kristo wa bur wa, o zi wa kpa dinu a zaamsi chenani nara maga tuma duu. Chen la zi wa biksi a kiwere koo a wa wer.

Filip. Tima 1:28

Ma ta ɔm ma dɔma hali tama. Nan la zi biksi ba di Koosa titi zi wa na ba galimsau a ta ba yɔri, a biksi ma di o zi yisi mau a li ma tum tagna ni hali o wa peti.

2 Tɛs. 2:3

Ma fiɛŋ ma nyɛ nara kimur ma, domi tum tagna tiina la zi wa te a wa. Tɛɛnɛ nɔ tima ba naa vɛ zim Koosa hali a wuzu ti, zi wa siu aa tiŋ tum tagna tiin ti. O saha wa peti, Koosa zi kpa unu a du din dam ni.

1 Tim. 6:9

Amaa ba naa la daŋni ba ya malɛ tima, sintana zi wa zaamsi bau a mo ba lo a li ba womsa awa ba tum tagna daŋni ni, chen ni ba zi wa chɔku kinkan.

Ju 12:29

Wuti ya Koosa chi din naa koti a wa kpa kina maga a ta a yɔri.

2 Pita 2:9

Koosa zim chenani o yisi ba naa la tiŋ un nɛnɛ a li ba namsi niu. O gbanko zimu chenani o chiŋsi ba naa la tum tum tagna hali saha naa o wa wa di o di tɛɛnɛ nɔ tim maga sɛria a lɛrgi ba diŋsa.

2 Pita 3:10

Ya kunyan ti wa wa, o kaa wa chi chenani ŋmɛɛr ya wa chene. Chen wuzu ti wa tel, o zi jimu a chi dinful. Buudaha zi wa nyigmiu ka din wa di tɛɛnɛ maga.

2 Pita 3:12

a pɔ di ma na Koosa waali tɛɛnɛ nɔ maga sɛria diili a kpak un ma bambe ni di o wa lalaga. Chen wuzu ti din zi wa chɔk buudahau.

1 Jɔn 4:17

Ya wa Yesu Kristo lagmi nyɛn ka o suŋi ya, chen ni ya zi daŋni unu hali o wa peti. O ya chene, chen ni ya wa zi wa kpak hansura a wuzu naa Koosa zi wa di tɛɛnɛ nɔ tim maga sɛria.

Juud 1:7

Ma gbanko lisi tɔsi naa ba yir Sɔdɔm awa Gamɔra awa tɔsi naa go a saha digi. Ba naa funɛ nyɛn dooni yau a chi Koosa malaikasi ta yaali. Ba fun a tum chɔkumsi tuma ka nibaala daŋni nibaala. Koosa fun kpa din naa vɛ kpak bɔ a kpa ba du a lɛrgi ba diŋsa kinkan. Nan la biksi ya di ya ta tiŋ chenani ba tiŋi.

JɔnN Deesi 17:11

Sel zen ti funɛ ya koor gbanko. O wa si o sou ni a bu kpak miisa, o zi kpa o titiu a gbaari koorsa nɔpɛ ta ni a dɔ. O wa dɔ peti, o zi la zu din dam tiu.

JɔnN Deesi 17:8

Sel zen naa i fun na chen, wa bu to o miisa ni. O wa zi vusi ka o li bɔ naa vɛ kpak bar peti chen ni a kaali din dama. Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. Ba naa kaɛɛ a na ka sel zen naa funɛ sou chen bu kpak miisa, alaazibu zi kpak bau kinkan.

JɔnN Deesi 20:11

Doone mu fun na jirima bar kani naa zenee a pilimi a wa na naa kani un ni. Tɛɛnɛ nɔ maga awa buudaha vɛ nyɛn o suwachak ni, amaa bar digi wa fun to a zi sogli.

JɔnN Deesi 21:1

Doone mu fun nyini a na ka buudaha awa tɛɛnɛ nɔ maga wa teku ni fun nyuksi. Koosa funɛ naami buudaha awa tɛɛnɛ nɔ maga kifalɛ di a chiŋi a bar chiŋi ni.