2 Pita 2:4 - Tampulma

⁴ O funɛ kpa o malaikasa ba naa funɛ tum tum tagna, bɔnɛ a du din dam ni. Waa funɛ nyɛ ba kpa ba a ta birsa bar nyɛni ni hali saha naa Koosa wa wa di o di tɛɛnɛ nɔ tim maga sɛria.

2 Pita 2:4 ပူးပေါင်းရင်းမြစ်များ

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

Mat. 8:29

Ba nidigi fun tɛsi a pɛɛsi un, “I waa Koosa be, baŋnɛ ii daŋni ya wati? A wuzu naa Koosa zi wa di tɛɛnɛ nɔ maga nara sɛria ha wa tel. I te wau di i wa namsi ya ka saha ti zi wa tell?”

Maak 5:7

Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “I waa Yesu, Koosa zen be, baŋnɛ i daŋni n wati? Kinyini Koosa a gil mu muksi.”

Luk 10:18

Yesu fun ŋɔ ba, “N fun na sintanau ka o li buudaha aa wa a chi nasɛha nyiksɛɛ. Mu sɔn funɛ kpok a kaali o sɔn.

Luk 8:31

Alizin tagni ta fun sumi Yesu di o wa zi tum a a li a bar leli ti ni.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Room 11:21

Koosa wa fun te kpak siki a li bugil ti hulsi ta ni a teŋsi a a ta. Ma doso ka o zi wa teŋsi mau a ta.

Room 8:32

Hali waa funɛ lisi o titi be a nyɛ o sou a li o daakakli ti ni ya daha. Chendaha o kpa kina maga a gbaari un a nyɛ ya yɔri.

2 Pita 2:11

Koosa malaikasa ba naa kpak kpok kinkan a kaali nibiksɛ ta kpok, ba wara fiksi akoo a pini ba Koosa suwachak ni.

2 Pita 2:5

Tɛɛnɛ nɔ tima ba naa funɛ nyɛn saha digi aa tum tum tagna kinkan, o fun a kpa ni a su tɛɛnɛ nɔ maga ba siti. O fun a yisi Nowa di o ŋɔ nara tima ni di ba bur aa tum tum were. Ni ti funɛ wa su, o wa nara banɔpɛ duŋduŋ funɛ nyaŋi a fosi.

2 Pita 2:9

Koosa zim chenani o yisi ba naa la tiŋ un nɛnɛ a li ba namsi niu. O gbanko zimu chenani o chiŋsi ba naa la tum tum tagna hali saha naa o wa wa di o di tɛɛnɛ nɔ tim maga sɛria a lɛrgi ba diŋsa.

1 Jɔn 3:8

Ba naa maga la tum tum tagna, ba ya sintana bisiwa. Sintana funɛ tum tum tagnau a li piili ti ni hali wa zinan. Chendaha Koosa fun nyɛ o be wa tɛɛnɛ nɔ maga a wa chɔk sintana tuma.

Juud 1:13

Ba chi chenani peha yaa wa mo ni chene ka ba tum tagna naa nyɛ ba na hiisa a chi ni fukla. Ba chi wula naa nyɛn buudaha ni a gba chene. Koosa zi kpa au a du birsi ni hali saha naa vɛ kpak bɔ.

Juud 1:6

Koosa malaikasa ba naa funɛ vɛ o nɔ a li ba bar nyɛni ni, Koosa fun kpak ba a vɔu birsi bar nyɛni ni wa kpok ni hali wuzu zen naa o zi wa di ba sɛria.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.