2 Pita 2:2 - Tampulma

² Nidamata zi wa tiŋ bau aa tum chɔkumsi tuma, chen ni nara zi chɔk Koosa wuti nyinbaan ti sɔnu.

2 Pita 2:2 ပူးပေါင်းရင်းမြစ်များ

Mat. 22:16

Ba fun tum ba nitiŋɛ bɔnɛ awa Hɛrɔd nitiŋɛ Yesu wati a wa ŋɔ un, “Ya kunyana, ya zimu di i ya wuti tiinne. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi.

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Mat. 7:14

Ma ta tiŋi a chi ba. Ma ka tiŋ nyinbaan wewe naa tiŋi bɔmɛɛ. Nara tama val dooni. Ba wa tel o bɔ, Koosa zi wa nyɛ ba o mi faliu.”

Maak 12:14

Ba fun wa ŋɔ un, “Ya kunyana, ya zimu di i ya wuti tiinnɛ. I bak wa to chenani nibinsa sɛm i wɛ. I wara ɔm nibin zene se wa wuti ti sɛmi. Ya yaa bɔ ya lampo a nyɛ koorsi ta nyuhu tiina Siiza ni, chen weru koo o wa wer? Ya yaa kibɔ koo ya ta bɔɔlii?”

Maak 13:22

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Tuma 13:10

a ŋɔ, “I waa naa chi sintana, yaa mur narawa a duŋni tum were aa ta. Saha maga i yaa chɛrgi ya kunyan ti sɛm wutɛu di a burgi nusuna.

Tuma 14:2

Ju tima ba naa se funɛ vɛ suuli funɛ nyɛ ba naa vɛ ya Ju tim ta, bɔnɛ paan fun si a du nara balɛ ta ni.

Tuma 16:17

O fun tiŋ ya wa Pɔɔl gantɛl a tɛsi a la ŋɔ, “Nara nama ya Koosa zen tumtumsiwa. Ba waa funɛ mɔɔli ma a li chenani Koosa zi wa yisi ma a li ma tum tagna ni ma tiŋ un.”

Tuma 18:26

O fun la zu Ju tim ta bar lagmi dɛ a kpak o bambi a sɛm sɛma a nyɛ ba. Akwila awa Prisila funɛ nu o sɛm ta, ba fun kpa un kaali dama a la biksi un chenani nara zi tiŋ ya kunyan ti a kaali chenani o zim.

Tuma 19:9

Ba bɔnɛ bambe funɛ kpoku ka ba se vɛ su o sɛm ta. Ba fun sɛm wu tagna a du ya kunyan ti nyinbaan tiŋi ti ni a li nara tima maga suwachak ni. Pɔɔl funɛ nu chenani ba sɛm, o wa Yesu nitiŋɛ ta fun gil ba a la zu dɛ zen digi. Nibiksi naa ba yir Tiranus gbanko yaa funɛ biksi narau dooni. Wuzu kam Pɔɔl yaa funɛ biksi Yesu nitiŋɛ ta dooni ka ba lɛusi un.

Tuma 22:4

Nara funɛ ŋɔ min chenani nara bɔnɛ funɛ tiŋ Yesu nyinbaan, mu fun namsi ba kinkan a fun kpaksi ba nidamata a tɔ ba dɛ a kpaŋi mu titi a kpu bɔnɛ.

Tuma 24:14

amaa chenani mu kaa ŋɔ hin chen ya wutirɛ. Mu yaa tiŋ Koosa jɛɛmi nyinbaan naa Ju tim ta ŋɔ di o wa ya wuti. Waa funɛ ya naa ya nawaalsi ta jɛɛmi a kpa a chiksɛ ta a nyɛ Mosis ni a nyɛ o witinsi ta sɔbi o sɛm ta a du o sɛm tɔn ti ni. O chiksɛ ta awa chenani maga ba sɔbi a du o sɛm tɔn ti ni ha vɛɛn ya mu kinawa.

Room 2:24

Ba funɛ a sɔbi a li Koosa sɛm tɔn ti ni a ŋɔ, “Ba naa vɛ zim Koosa chɔk o sɔnnɛ ma daha.”

1 Tim. 5:14

Mu daŋni luhaan butoosa kiyu baalasau a lul bisa a kinyini ba dama, chen ni ya dɔma wa zi na nyinbaan a chɔk ya sɔn.

Tait. 2:5

a ya nɛha tima awa tu chaan tima a ya dam nihaan birige a ya jɛrgɛ tima aa tiŋ ba baalasa nɔɔna, chen ni ba naa vɛ tiŋ Kristo wa zi chɔk Koosa laaboor weri ti sɔn.

Tait. 2:8

Kpa wuti sɛma aa biksi ba, chen ni i dɔma wa zi koti a ŋɔ di i tum galimsau. I sɛm chen, hiisa zi kpak bau.

1 Pita 2:12

O lawa ma kpak sɔn were ba naa vɛ zim Koosa watiu, chen ni ba wa fiksi ma di ma tum tum tagna, ba zi wa na ma tum were duŋduŋu. Koosa wa wa di o wa di tɛɛnɛ nɔ tim maga sɛria, nifiksi nama zi pɛgi unu ma daha.

2 Pita 2:12

Amaa nara nama chi sela zenewa a naa nyɛn dooni nara zi kpaksi a kpu. A wara lisi a chi nibinsa. Kin nawara ba vɛ zim a munwa, ba pini. Chendaha Koosa gbanko zi chɔk bau a chi sel na chɔk chen.

2 Pita 2:15

Ba vɛu di ba wa zi tiŋ Koosa wuti nyinbaan ti a vɛ zim doonani ba laali. Ba chi Belam, Bɔsɔ be, naa funɛ nyɛn saha digirɛ, a la daŋni malɛ naa o na a li o tum tagna daha.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

2 Pita 2:21

Ba funɛ te wa zim Koosa wuti nyinbaan ti a vɛ Koosa chiksɛ ta a li a gantɛl ni. Ba fu vɛ wa zim o wuti nyinbaan ti, chen fu bɔɛɛ.

2 Pita 2:7

Baal digi funɛ nyɛn doon ba yir un Lɔt. Nara tima chɔkumsi tuma fun a muksi un kinkan, domi o funɛ ya nibin werire. Chendaha Koosa fun yisi un a li ba wati.

Juud 1:10

Amaa nara nama pini kin nawara ba vɛ zimi zomwa. Tum naa baa tum a wa kpak nɛha a chi sela, a zi chɔk bau.

Juud 1:15

ba zi wa di nara maga sɛriau. Ba naa maga la tum tum tagna a sɛm sɛm tagna aa du Koosa ni, o zi na ba galimsau a ta ba yɔri.”

Juud 1:4

Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.

Juud 1:7

Ma gbanko lisi tɔsi naa ba yir Sɔdɔm awa Gamɔra awa tɔsi naa go a saha digi. Ba naa funɛ nyɛn dooni yau a chi Koosa malaikasi ta yaali. Ba fun a tum chɔkumsi tuma ka nibaala daŋni nibaala. Koosa fun kpa din naa vɛ kpak bɔ a kpa ba du a lɛrgi ba diŋsa kinkan. Nan la biksi ya di ya ta tiŋ chenani ba tiŋi.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 13:14

Domi kpok naa sel zen naa nyuha funɛ huusi a peti chen, fun kpa a nyɛ un chen, o fun koti a tum tum zene a la mur tɛɛnɛ nɔ tim maga. O fun ŋɔ ba di ba kɔɔri vura o chi sel zen naa nyuha funɛ huusi ka o ha vɛɛn kpak miisa chen a jɛɛmi un.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.