2 Pita 2:18 - Tampulma

¹⁸ Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

2 Pita 2:18 ပူးပေါင်းရင်းမြစ်များ

Tuma 2:40

Sɛm ta maga laata Pita fun sɛm zɛmɛ ta. O funɛ kpaŋi o titirɛ di o sɛm ta zu ba bambe a ŋɔ, “Ma yisi ma titi a li tum tagna nitumɛ na wati, chen ni Koosa wa zi wa lɛrgi ma diŋsa a chi chenani o kaa wa lɛrgi ba kina.”

Tuma 8:9

Baal digi funɛ nyɛn doon ba yir un Simɔn. Bunsa mɛna tuhu ni o yaa funɛ tum tu bilim tumwa a nyɛ Samaria tim ta ni a ŋɔ di o funɛ ya nibin zenne.

Room 13:13

Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.

Ɛfɛ. 4:17

Domi ma wa ma kunyan ti ya nibɛgim daha, mu daŋni mu ŋɔ ma di ma ta nyɛni a chi ba naa vɛ zim Koosa nyɛni. Chenani ba lisi ya yɔrirɛ,

2 Tɛs. 2:4

Tum tagna tiin nɔ zi wa ŋɔu di kinkin naa nibinsa jɛɛmi ya yɔrirɛ, a ŋɔ di o ya nibin zenne a kaali ba maga. Hali o zi la zu Koosa bar jɛɛmi damau a kani a ŋɔ di o ya Koosarɛ.

Jems 5:5

Tɛɛnɛ nɔ maga ni ma kpak malɛ kinkan ka la ya ma tutɔ. Ma di diwe a zen a chi nuhɛ naa ba yaa chamsi di ba la kɔrigi chen.

2 Pita 1:4

O vɔwɛ zenu kinkan a kaali kina maga. Ya wa la o kin naa o fun a vɔu di o nyɛ ya chen, ma zi kotiu a chɔ li ma titi daŋnɛ a naa la chɔk tɛɛnɛ nɔ tim maga, a wa bɔni chenani Koosa duu.

2 Pita 2:14

Saha maga ba dɛu nihaana a daŋni ba, chen ni ba wa ba zi tum chɔkumsi tumau. Baa tum tum tagniwa a vɛ puŋi. Ba kpa ba naa vɛ kpak kpok a mo ba lo. Ba ya se timwa kinkan. Chendaha Koosa fun ŋɔ nɔ a nyɛ ba.

2 Pita 2:2

Nidamata zi wa tiŋ bau aa tum chɔkumsi tuma, chen ni nara zi chɔk Koosa wuti nyinbaan ti sɔnu.

2 Pita 2:20

Nara wa zim ya kunyan Yesu Kristo a nyɛ o yisi ba a li tɛɛnɛ nɔ tim maga tiŋi ni ka ba burgi a zu tɛɛnɛ nɔ tim tum tagna ni a nyaŋi ba, chenani ba nyɛn taginɛɛ a kaali chenani ba fun nyɛn.

2 Pita 2:7

Baal digi funɛ nyɛn doon ba yir un Lɔt. Nara tima chɔkumsi tuma fun a muksi un kinkan, domi o funɛ ya nibin werire. Chendaha Koosa fun yisi un a li ba wati.

2 Pita 3:17

Amaa, mu bi daŋnɛ, ma piin zim kin nama wɛu. Maa il a ta nyɛ nibiksɛ ba naa la chɔk Koosa laaboor weri ti, wa mur ma a burgi ma Koosa wuti tiŋi ni ma chel ma bar kpok ni.

Juud 1:13

Ba chi chenani peha yaa wa mo ni chene ka ba tum tagna naa nyɛ ba na hiisa a chi ni fukla. Ba chi wula naa nyɛn buudaha ni a gba chene. Koosa zi kpa au a du birsi ni hali saha naa vɛ kpak bɔ.

JɔnN Deesi 13:11

Doone mu fun na sel zen digi ka o li tɛɛnɛ ni. O funɛ kpak nyindaasa lɛwa a chi piisi be a sɛm sɛm zene wa ta zaŋ ni.