2 Pita 1:8 - Tampulma

⁸ Ma tum tum were nama a gbaari, a zi nyɛ chenani ma zim ya kunyan Yesu Kristo bukoo zenu a gbaari.

2 Pita 1:8 ပူးပေါင်းရင်းမြစ်များ

Mat. 13:22

Kiduha naa funɛ chesi sɔta bar nyɛni ni chen chi ba naa nu laaboor ti, amaa tɛɛnɛ nɔ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Mat. 20:3

Nha ha funɛ vɛ wa num kinkan, o fun kaali yawa a la na nara bɔnɛ ka ba chiŋi.

Mat. 20:6

Nha funɛ wa dugli cheli, o fun bu kaali yawa a la na nara ka ba chiŋi. O pɛɛsi ba, ‘Baŋnɛ ma chiŋi bar nɔ a ya zinan maga?’

Mat. 25:26

O kunyan ti fun na paan a du un ni a ŋɔ, ‘I waa ya nibin tagin awa zanyɛrka tiinnɛ. I lisi di mu kum kina doonani mu vɛ duuli a kpa be naa mu vɛ tugi.

Jɔn 15:2

O yaa ŋmɛnsi hulsa a naa vɛ nɔni chenu a ta, a ŋmɛnsi a naa la nɔn chen a bura nɔn kinkan.

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

Jɔn 5:42

amaa mu baga nyɛnu di ma wa kpak Koosa daŋni ma bambe ni.

Room 12:11

Ma ta ya zanyɛrka tima, amaa ma kpak se sɛm a tum a nyɛ ma kunyan ti ni saha maga.

1 Kɔr. 15:58

Mu bi daŋnɛ, ma kpak nɛnɛ aa tum ya kunyan ti tuma kinkan. Ma zim di chenani maa tum tuma a nyɛ un, a wa zi wa ya yɔri.

2 Kɔr. 13:5

Maa zaamsi ma titi di ma se su Yesu Kristo nɛnɛ. Ma zim di o nyɛn ma bambe niu akoo ma higliu di ma tiŋ unuu?

2 Kɔr. 8:2

Ba funɛ na namsi kinkan, amaa chenani ba funɛ na namsi, chene ba fun vɛɛn a na tu sɔɔna kinkan. Ba ya fara timwa kinkan, amaa ba funɛ lisiu a li ba kina tam ni a wa nyɛ nara ni.

2 Kɔr. 8:7

Koosa wa fun lisi a li o kidamata nɛɛ a nyɛ maa? Ma se su un kinkan ka ma koti a sɛm o sɛma a nyɛ nara ni nɛnɛ a kpak zima kinkan. Ma kpak un ma bambe ni di maa suŋi dɔŋa ka maa daŋni ya kinkan. Ma nyɛ ya gbaari bɔnɛ a li kin nama ni. Ma biksi ya chenani ma zi lisi a li ma kin ta ni a nyɛ nara nama ni a kaali chenani ma fu zi nyɛ.

2 Kɔr. 9:14

Ba zi daŋni mau a sumi Koosa a nyɛ ma, domi o suŋi mau kinkan di ma suŋi ba.

Filip. Tima 1:9

Nannɛ muu sumi Koosa ma daha. Mu sumi unu di ma zi wa zim unu wuti ni a kidaŋni dɔŋa kinkan aa gbaari,

Filip. Tima 2:5

O lawa maa lisi a chi chenani Yesu Kristo funɛ lisi.

Filip. Tima 3:8

Chenani mu fun tiŋ saha digi, lalaknɔ mu lisu di a chi chaasiwa. Nibine zim ya kunyana Yesu Kristo, chen kaali a nama maga kinkan. Chendaha muu daŋni mu zim di Kristo ya mu nyɔɔra.

Kɔl. 1:10

Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

Kɔl. 2:7

Ma nyɛ ma bambe kpak Yesu nɛnɛ a nyɛ ma se su un a gbaari, a chi chenani Ɛpafras fun te biksi ma chen. Maa zaami Koosa kinkan saha maga.

Kɔl. 3:16

Ma nyɛ Kristo sɛma nyɛn ma bambe ni nɛnɛ a kpa o zima a biksi dɔŋa a kikpami dɔŋa a lɔ boola naa Koosa siim weri ti nyɛ ma, a kipɛgi Koosa aa kizaami un kinkan.

1 Tɛs. 3:12

Ya kunyan ti la zi suŋi ma maa daŋni dɔŋa kinkan awa nara maga a chi chenani yaa daŋni ma nan.

1 Tɛs. 4:1

Mu niinbisa, ya funɛ biksi mau chenani ma zi tiŋ Koosa di o tu kisɔɔniu. Chene maa tiŋ chen. Amaa ya sumi mau Yesu sɔn daha di ma bukoo tiŋ chen a gbaari.

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

1 Tim. 5:13

Luhaan butoosa gbanko zi kpak zanyɛrkau a gba nara damsa a zu ba wɛ ni aa lɔ nara gantɛl.

Tait. 3:14

Kibiksi i nara ba se sɛri baa tum tum were, chen ni ba zi koti a suŋi ba naa la daŋni suŋi wuti niu. Ba ta ya nibin yɔrisa.

Faili. 1:6

Muu sumi Koosau di o nyɛ i wa zim kiwere a naa maga o fun kpa nyɛ ya chen wɛ a gbaari, chen ni i wa ba naa tiŋ Yesu zi kpak nɔ bɛgim dɔŋ niu hali o wa peti. I ya chen ni, i zi nyɛ Yesu jirimau.

Ju 6:12

Ma ta ya zanyɛrka tima. Ma ka tiŋ ba naa nyɛ ba se su Koosa nɛnɛ a kpak kanyita a li ba tiŋi ni. Ma ya chen, wuzu digi Koosa zi wa lisiu a li o kin ni a nyɛ ma, a chi o funɛ vɔu.

2 Pita 1:2

Lalaknɔ ma zim Koosa awa ya kunyan Yesu. Chendaha Koosa zi suŋi ma a kinyɛ ma bara sɔɔna aa gbaari.

2 Pita 1:3

Waa funɛ yir ya di o wa ya bɔni o jirima awa o chaani kinkan awa chenani o bambi du a fun kpa o kpok awa kin naa maga ya daŋni a nyɛ ya, chen ni ya zi kotiu a tum tum were a tiŋ un nɛnɛ. O ya chene a li chenani ya zim un ni.

2 Pita 2:20

Nara wa zim ya kunyan Yesu Kristo a nyɛ o yisi ba a li tɛɛnɛ nɔ tim maga tiŋi ni ka ba burgi a zu tɛɛnɛ nɔ tim tum tagna ni a nyaŋi ba, chenani ba nyɛn taginɛɛ a kaali chenani ba fun nyɛn.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.