2 Pita 1:21 - Tampulma

²¹ Koosa witinsi ta sɛma wa fun li nibinsa watɛɛ, amaa Koosa siim weri ti funɛ kpa o sɛma a nyɛ ba di ba kpa a biksi nara.

2 Pita 1:21 ပူးပေါင်းရင်းမြစ်များ

Maak 12:36

Koosa siim weri ti funɛ biksi Devid saha digi, Devid fun a sɛm Kristo wɛ, ‘Mu kunyana Koosa funɛ ŋɔ mu kunyan ni, kani mu nihɛɛti bar kani ni, ka mu nyɛ i dɔma burgi i yosa.’

Luk 1:70

Saha digi Koosa funɛ ŋɔ o witinsa naa o fun lisi a nyɛ o titi ni di ba sɔbi a li o sɛm tɔn ti ni,

Tuma 1:16

“Mu dɔŋtima, ba funɛ sɔbiu a li Koosa sɛm tɔn ti ni chenani Koosa siim weri ti fun nyɛ koor Devid te sɛm di Judas zi nyini ba naa funɛ kpak Yesuu. O sɛm ta fun ya wuti.

Tuma 28:25

Pɔɔl sɛm ta fun nyɛ Ju tim ta di dɔŋa wa amɔrɛ ka ba funɛ daŋni ba la, amaa Pɔɔl funɛ nyɛ ba chiŋiu o sɛm ba sɛm tama a gbaari. O funɛ ŋɔ bau, “Koosa siim weri ti fun nyɛ Koosa witiina Azaaya sɛm wuti sɛma a nyɛ ma nawaalsi ta ni saha digi.

Tuma 3:18

Koosa funɛ nyɛ o witinsi ta mɔɔli saha digi di naa o vɔu di o zi wa tumu chen, zi wa namsiu. Koosa fun nyɛ ba sɛm ta ya wuti.

Ju 10:15

Koosa siim weri ti ya kin nama sɛhɛra. Ba fun sɔbi a li Koosa sɛm tɔn ti ni di o ŋɔ,

Ju 3:7

Ba fun sɔbi a li Koosa sɛm tɔn ti ni di o siim weri ti funɛ ŋɔ, “Koosa sɛm sɛma ma wati zinan,

Ju 9:8

Koosa siim weri ti biksi ya a li kin nama ni di lɛu ti zɔɔnɔ dɛ ti funɛ tɔ nara tima nyinbaan, chen ni ba wa zi koti a zu doonani Koosa fun lisi kinkan.

1 Pita 1:11

Koosa siim weri naa funɛ nyɛn ba ni, fun a biksi ba di wuzu digi Kristo zi wa namsiu a sou a si a li o sou ni a na jirima kinkan a li Koosa wati. Ba funɛ lisi kin nama wɛ a kpaŋi a dɛu saha naa Kristo zi wa wa.

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.