2 Pita 1:17 - Tampulma

¹⁷ Ya wa un funɛ nyɛn bi nyuha ni, ya kunyana Koosa fun nyɛ un jirima awa chaani kinkan a nyɛ ta li o bar chaani a ŋɔ, “Mu be daŋni nɛɛnɛ. Waa ya min lɛmlɛm kinkan.”

2 Pita 1:17 ပူးပေါင်းရင်းမြစ်များ

Mat. 12:18

O funɛ sɔbiu di Koosa ŋɔ, “Mu tumtumna nɛɛnɛ, naa mu fun lisi a nyɛ mu titi ni. Mu daŋni unu. Waa la ya min lɛmlɛm kinkan. N zi kpa mu siim weri tiu a du un ni, chen ni o zi biksi ba naa vɛ ya Ju tima chenani Koosa daŋni o nyɛ ba nyinbaan deŋli o suwachak ni.

Mat. 17:3

Ba fun a nyini ka Ɛlaija awa Mosis fun nyɛn Yesu wati a sɛm sɛma.

Mat. 17:5

Pita funɛ sɛm chene, dobaal naa la chaani fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Waa la ya min lɛmlɛm kinkan. Maa nu o sɛma.”

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Mat. 3:17

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu sii su nara chen.”

Maak 1:11

Ba fun nu ta a li buudaha ni ka o ŋɔ, “Mu be daŋni nɛɛnɛ. Mu si su nara chen.”

Maak 9:7

Doone dobaal fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Maa nu o sɛma.”

Luk 10:22

Doone Yesu fun burgi a sɛm zɛmɛ ta ni, “Mu kunyana funɛ kpa kina magau a nyɛ min. Mu wa mu nyana duŋduŋ zim dɔŋa. Mu nyɛ ba naa mu lisi zim o gbanko.”

Luk 3:22

ka o na Koosa siim weri ti. O funɛ chi komne a tu wa a zɔŋ un ni. Ba fun nu ta a li buudaha ni ka o ŋɔ, “Mu be daŋni nɛɛnɛ. Mu si su nara chen.”

Jɔn 10:15

Chen vɛɛna mu zim mu nyan tiu ka mu nyan ti ka zim min. Hali mu saksɛu di mu sou a nyɛ mu piisisi ta ni.

Jɔn 10:36

Mu nyan ti funɛ lisi min a tum min tɛɛnɛ nɔ maga ni. Mu ŋɔ ma di mu ya o bere, yɛrɛ ma ŋɔ min di mu pini o zomwa?

Jɔn 14:11

Doone Yesu fun ŋɔ o gantɛl tiŋsi ta ni, “Ma nyɛ ma se su di mu nyan ti nyɛn min nɛɛ ka mu ka nyɛn un ni. Nan bɔm ma ni, ma lisi tum zene naa ma na ka mu tum chen. A waa la zi suŋi ma ma se su.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 17:21

Kisuŋi ba ba ya nɔ bɛgim dɔŋ ni. Mu nyana, i wa min ya nibɛgimnɛ. Suŋi ba ba wa zim ya a gbaari, chen ni tɛɛnɛ nɔ tim maga se zi su di hin funɛ tum min ba wati.

Jɔn 20:17

Yesu fun ŋɔ un, “Ta gbaŋsi min, domi mu saksiu di mu bur kila mu nyan ti wati. Kila mu gantɛl tiŋsi ta wati a la ŋɔ ba di o wa zi vusi ka mu bur la mu kunyan Koosa ti wati. Mu kunyan Koosa ti awa ma kunyan Koosa ti ya nibɛgimnɛ.”

Jɔn 3:35

Koosa daŋni o be tiu a kpa kin maga kpok a du o nin ni.

Jɔn 5:20

O daŋni minu a biksi min tum maga chenani o titi tum. Ma fa na chenani mu tiibi baal tiu. Mu kunyana Koosa zi nyɛ mu tum tum zeneu a kaali chen, ka alaazibu kpak ma.

Jɔn 5:26

Mu nyan ti kpak o mi fali naa vɛ kpak bɔ kpok. O funɛ kpa o mi fali kpok tiu a nyɛ mu gbanko ni.

Jɔn 6:27

Ma ta kpa ma bambe a du diwe naa la zi wa chɔk, amaa ma ka kpa ma bambe a du Koosa mi fali naa vɛ kpak bɔ ni. Koosa naa ya mu nyan ti chiŋɛ mu gantɛl ni di mu ya nibine be. Chendaha mu koti a kpa chen mi fali ti a nyɛ ma.”

Jɔn 6:37

Ba naa mu nyan ti fun kpa nyɛ min chen, zi wa mu watiu n la ba du. Mu wa zi kut vɛ ba naa maga wa mu wati.

Jɔn 6:39

Naa tum min chen tutɔ ti chi nɛɛnɛ. Mu zi nyini ba naa o kpa nyɛ min chenu ka ba digi ta nyuksɛ. O wa wa di o di tɛɛnɛ nɔ tim maga sɛria, mu zi lɛli ba a li ba sou ni a nyɛ ba o mi fali naa vɛ kpak bɔ.

Room 15:6

chen ni maga zi lagmiu a pɛgi Koosa naa ya ya kunyana Yesu Kristo nyan ti wa ta bɛgim ni.

2 Kɔr. 1:3

Ma nyɛ ya pɛgi Koosa naa ya ya kunyan Yesu Kristo nyana. Waa ya siki tiina awa belimi tiina.

2 Kɔr. 11:31

Koosa naa ya ya kunyan Yesu nyana, zimu di mu wa ya nusun tiina. Ma nyɛ ya pɛgi un hali saha naa vɛ kpak bɔ.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

2 Jɔn 1:3

Mu zaami mau. Ya kunyana Koosa awa o be Yesu Kristo zi suŋi ya magau a kiɔm ya siki a nyɛ ya bara sɔɔna, chen ni ya zi tiŋ wuti tiu nɛnɛ aa kidaŋni dɔŋa.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.