2 Pita 1:16 - Tampulma

¹⁶ Ya funɛ biksi ma chenani ya kunyan Yesu Kristo zi wa bur wa wa o kpok ni, ya wa fun a ŋɔ mura naa kpak nɛharɛ a nyɛ ma. Ya funɛ ŋɔ ma chenani ya fun na o zenu awa o kpok ti kinkanu wa ya se ni.

2 Pita 1:16 ပူးပေါင်းရင်းမြစ်များ

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Mat. 16:28

Ma nyɛ mu ŋɔ ma nan. Nara nyɛn bar nɔ a la zi vɛ siti hali ba wa na mu waa nibine be ka mu wa a chi koora.”

Mat. 17:1

A wuzu bunɔra gantɛl ni, Yesu fun yir Pita, Jems awa o niinbe Jɔn. Ba fun la zini bi digi nyuha a fun nyɛn doon ba duŋduŋ.

Mat. 24:27

Mu waa nibine be wa bur wa, n zi wa chi nasɛha din ya nyiksi a su buudaha maga chene.

Mat. 24:3

Ba fun la zini bi Ɔlif ti nyuha daha a kani dooni, o gantɛl tiŋsi ta fun wa Yesu wati ba duŋduŋ. Ba fun pɛɛsi un, “Saha leemawa chen kaa wa ya? Baŋa kaa wa te ya a biksi ya di tɛɛnɛ nɔ maga siili awa i waali saha telu?”

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

Maak 13:26

Doone ba zi wa na n waa min nibine be ka mu li dobaal tuhu a wa awa kpok ni wa n jirima ni a kichaani kinkan.

Maak 14:62

Yesu fun ŋɔ, “Min ya un. Wuzu digi i zi wa na n waa min nibine beu ka mu kani Koosa nihɛɛ bar kani ni, a bukoo na min n wa bur wa dobaala tuhu ni.”

Luk 1:2

Ba waa funɛ sɔbi chenani ba nu a li sɛhɛra tima ba naa funɛ piin na a o piili ti ni a fun la biksi nara a wɛ.

Luk 9:43

O ya zɛmɛ ta alaazibu kinkan di Koosa funɛ nyɛ Yesu o kpok zenu di o tum chen. Kin naa maga Yesu funɛ tum ya ba alaazibu chene, o fun ŋɔ o gantɛl tiŋsi ta ni,

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 17:2

Hin funɛ nyɛ min nyinbaan di mu kpa i mi fali naa vɛ kpak bɔ a nyɛ tɛɛnɛ nɔ tim maga ni. Mu kpa un a nyɛ ba naa i fun lisi a nyɛ min chen.

Room 1:4

amaa Koosa funɛ kpa o kpok zen ti a lɛli un a li o sou ni di o biksi ya di o gbanko ya o bere.

1 Kɔr. 1:17

Kristo wa fun tum min di mu wa chaksi narawa. O funɛ tum minu di mu wa biksi Koosa laaboor weri ti a nyɛ nara maga ni. O wara daŋni mu sɛm nibinsa zimarɛ. Mu kpa chen a biksi Yesu daakakli ti siwi wɛ, chen zi tɔ o daakakli siwi ti kpoku.

1 Kɔr. 1:23

Amaa ya wa la biksi ba Yesu daakakli ti siwi ti wɛ duŋduŋ. Chen ya tuzɔgrɛ Ju tim ta wati, a vɛɛn ya yɔri a li ba naa maga vɛ ya Ju tim wati.

1 Kɔr. 1:7

domi Koosa funɛ kpa o siim weri ti papaha maga a nyɛ ma, a biksi di ma funɛ la unu. Maa pɔ ya kunyan Yesu Kristo bur waali.

1 Kɔr. 2:1

Mu niinbisa, mu funɛ wa ma wati a sɛm Koosa sɛma a naa funɛ sogli ma wati, mu wa fun kpak nɔ lɛma awa nibinsa zima ti a biksi ma.

1 Kɔr. 2:4

Biksi ti maga mu fun biksi ma, o wa fun tiŋ nibinsa zimirɛ di o ya ma lɛmlɛm, amaa Koosa siim weri ti funɛ ya mu sɛm ta sɛhɛra a nyɛ a kpak kpok.

1 Kɔr. 5:4

Chendaha mu ŋɔ mau ma yir ma titi a lagmi dɔŋ ni wa ya kunyan Yesu kpok ti ni. Ma wa lagmi, o zi chi mu gbanko nyɛn ma wati.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Filip. Tima 3:21

O wa wa, o zi chɛrgi ya barau a naa vɛ kpoki a kɔɔri a a chi o titi bara naa kpak kpok awa chaani kinkan. O kpok nɔ gbanko zi nyɛ o lagmi kina magau a dɔ a.

1 Tɛs. 2:19

Amaa ma duŋduŋ ya ya jirima nara a nyɛ ya tusa sɔɔni a nyɛ ya kpak bambi bɛgim, domi saha naa ya kunyan Yesu wa bur wa, ya zi wa a di nyusumu o suwachak ni ma daha.

2 Tɛs. 2:9

Tum tagin tiin ti wa wa, o zi kpa sintana kpoku a tum tum zene awa alaazibu tuma kinkan,

1 Tim. 1:4

Ŋɔ ba di ba kpa ba mura awa ba nawaalsa sɔn biksi a ta, domi a wa nyɛ nara di dɔŋa amɔrɛ saha maga. Chenani baa tum wa nyɛ nara se su Koosa awa o wuti biksi ti.

1 Tim. 4:7

Ta lagmi ba naa la biksi mura a naa vɛ ya Koosa wɛ, a nyɛ nara ni. Ba mur ta ya yɔrirɛ. Kpaŋi i titi kinkan Koosa wuti biksi ti nyɛn i bambi ni.

Tait. 1:14

Ba ta nu Ju tim ta mura awa chenani nibinsa ba naa vɛ wuti ti, ŋɔ ba.

2 Pita 2:3

Nibiksɛ ba naa ya se tima, zi biksi ba titi murau a nyɛ ma, a na nyɔɔra a li ma ni. Amaa Koosa wa zi vusi a wa di ba sɛria a na ba galimsa a ta ba yɔri.

1 Jɔn 4:14

Ya ya Koosa sɛhɛra timwa, domi ya funɛ na o be naa o fun tum a li tɛɛnɛ nɔ maga ni di o wa yisi ya a li ya tum tagna ni yaa tiŋ un.

Juud 1:14

Baal digi funɛ nyɛn doon ba yir un Inɔk. O funɛ ya Adam bi lulɛ nidigirɛ a sɛm ba wɛ saha digi a ŋɔ, “Kina, Koosa wa o malaika damata wa wa,

JɔnN Deesi 1:7

Maa il. O zi wa li dobaala tuhu niu di ba naa nyɛ ba kpa tim a tau o lɔgum hɛna a li o daakakli ti ni chen awa nara maga zi na unu. O wa bur wa, nibin kurgɛ maga zi wiu kinkan. O wa zi vusi. Ami.