2 Kɔr. 9:15 - Tampulma

¹⁵ Koosa funɛ kpa o beu a nyɛ ya. Wuti waa kaali a maga kinkan. Chendaha ma nyɛ yaa zaami un.

2 Kɔr. 9:15 ပူးပေါင်းရင်းမြစ်များ

Luk 2:14

“Ma nyɛ ya nyɛ Koosa naa nyɛn o tɔha ni, jirima kinkan. Naa o fa tum zi nyɛ ba naa la ya Koosa lɛmlɛm ya nɔ bɛgim wa dɔŋ ni.”

Luk 2:38

Saha naa Josɛf awa Mɛri funɛ sɛm Simiɔn wati, Ana fun wa gbaari ba ni dooni. O funɛ na be tiu, o fun a zaami Koosa o daha. O fun kaali a la ŋɔ Jɛrusalɛm tima ba naa maga funɛ pɔ di Koosa wa la ba nyuuna a nyɛ ba be ti wɛ ni.

Jɔn 1:16

Chenani o fun koti a suŋi nara a la gali, o funɛ ya chene a nyɛ ya. O yaa suŋi yau a saksi dɔŋ ni.

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Room 5:15

Chenani Koosa fun suŋi ya yɔri, awa chenani Adam tum tum tagna wa ya kibɛgim. Nibin bɛgim tum tagna daha, nidamata fun siti. Nibin bɛgim Yesu Kristo daha, Koosa ka fun koti a suŋi nidamata kinkan yɔri.

Room 6:23

Ba naa maga la tum tum tagna, Koosa zi wa ta ba yɔriu. O ya chen, o chi o bɔ bau. Amaa papaha naa Koosa ka kpa a nyɛ ya yɔri, waa ya o mi fali naa vɛ kpak bɔ, domi ya wa ya kunyan Yesu Kristo ya nibɛgim.

Room 8:32

Hali waa funɛ lisi o titi be a nyɛ o sou a li o daakakli ti ni ya daha. Chendaha o kpa kina maga a gbaari un a nyɛ ya yɔri.

1 Kɔr. 15:57

Ya kunyana Yesu Kristo funɛ nyaŋi sou. Chendaha ya zaami Koosa.

2 Kɔr. 2:14

Ma nyɛ ya pɛgi Koosa kinkan. Waa funɛ nyɛ ya wa Kristo ya nibɛgim. Lalaknɔ waa dɔ ya. Saha maga waa nyɛ ya gba a biksi nara, chen ni ba zi na nyinbaanu a zim un.

2 Kɔr. 9:11

O yaa daŋni ma lisi a li kidamata a naa o fun nyɛ ma ni di ma suŋi ma dɔŋtima. Ya kpa ma papaha ti a nyɛ ba naa la daŋni un ni, ba zi pɛgi Koosau ma daha.

2 Kɔr. 9:14

Ba zi daŋni mau a sumi Koosa a nyɛ ma, domi o suŋi mau kinkan di ma suŋi ba.

Ɛfɛ. 5:20

Ma kunyana Koosa tum tum damatau a nyɛ ma. Chendaha maa zaami un saha maga ya kunyan Yesu Kristo sɔn daha.

Jems 1:17

Kiwere naa maga yaa kpak nan a li Koosa naa nyɛn o tɔhɔn ni watɛɛ. Waa funɛ naami wula maga a du buudaha ni di aa chaani. O wara chɛrgi a chi barsɔn chɛrgi.

JɔnN Deesi 4:9

Sela naasi ta funɛ lɔ a booliwa a pɛgi naa funɛ kanɛ Koosa jirima bar kani ni, domi o kpak jirima awa chaani kinkanu a nyɛn hali saha naa vɛ kpak bɔ.