2 Kɔr. 6:17 - Tampulma

¹⁷ O gbanko fun ŋɔ, “Ma waligi ma titi a li ba naa la jɛɛmi vursa ni, chen ni ma wa zi bu gbaŋsi a kina. Ma ya chen, mu titi zi la ma a duu.

2 Kɔr. 6:17 ပူးပေါင်းရင်းမြစ်များ

Tuma 2:40

Sɛm ta maga laata Pita fun sɛm zɛmɛ ta. O funɛ kpaŋi o titirɛ di o sɛm ta zu ba bambe a ŋɔ, “Ma yisi ma titi a li tum tagna nitumɛ na wati, chen ni Koosa wa zi wa lɛrgi ma diŋsa a chi chenani o kaa wa lɛrgi ba kina.”

Room 15:7

Maa la dɔŋa a chi Kristo funɛ la ma chen. Ma ya chen, nara zi nyɛ Koosa wa jirimau.

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

JɔnN Deesi 18:4

Doone mu fun nu ta a li Koosa tɔhɔn ti ni ka o ŋɔ, “Ma naa ya mu nara, ma waligi ma titi a li un ni. Ma wa un tum tum tagna, mu zi kpa ma a gbaari un niu a lɛrgi ma diŋsa.