2 Kɔr. 5:20 - Tampulma

²⁰ Yesu Kristo funɛ tum ya ma wati, chen ni Koosa zi kotiu a sɛm sɛma a nyɛ ma. Ya sumi mau Yesu Kristo daha di ma wa Koosa ya nɔ bɛgim a peti.

2 Kɔr. 5:20 ပူးပေါင်းရင်းမြစ်များ

Luk 10:16

Doone Yesu fun ŋɔ o gantɛl tiŋsi ta ni, “Nara maga nu ma nɔ, mu nɔɔrɛ ba nu chen. Nara maga vɛ ma nɔ, mu nɔɔrɛ ba vɛ chen. Nara maga vɛ min, Koosa naa tum minnɛ ba vɛ.” Yesu fun ŋɔ ba peti chen a tum o gantɛl tiŋsa nara fumnɔpɛ dalɛ ta.

Luk 14:23

Adaha kunyan ti fun bukoo ŋɔ o tumtum ti ni, ‘Kila nyinbaanasa naa vɛ dugli tɔhɔn nɔ a la kpaksi nara a wa su mu dam ti.

Jɔn 20:21

Doone Yesu fun bukoo ŋɔ ba, “Koosa nyɛ ma bara sɔɔna. Mu nyan ti funɛ tum min tɛɛnɛ nɔ maga ni. Chen vɛɛna, lalaknɔ mu tum ma tɛɛnɛ nɔ tim maga wati.”

Room 5:10

Ya funɛ ya Koosa dɔmawa, amaa lalaknɔ o be ti nyɛ ya wa Koosa kpak nɔ bɛgim o sou daha. Koosa funɛ lɛli un a li o sou ni. Chendaha ya gbanko kpak bambi di o zi wa yisi yau a li ya tum tagna ni hali o wa peti.

2 Kɔr. 12:10

Nara pini min a nyɛ mu na namsi a la muksi min kinkan Yesu Kristo daha ka mu vɛ koti a nyini mu titi kpok se ni, mu tuha sɔɔnɛu.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

2 Kɔr. 5:11

Domi ya ɔm ya kunyan tiu, chendaha muu daŋni mu biksi ma di yaa tum Koosa tuma wa wutirɛ. Waa zim di ya tum o tuma wutirɛ. Mu si su di ma gbanko zi tum chenu.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

Ɛfɛ. 6:20

Hali ba fun kpak min a tɔ dɛ, mu ha vɛɛn ya Koosa laaboor weri ti nitumirɛ. O deŋlu wa mu kpak bambi a biksi ba naa nyɛn bar nɔ o wɛ a ta kpa kundɔŋ a ta gantɛl ni.

Kɔl. 1:20

Koosa fun a nyɛ o be ti fun sou a li daakakli ti ni di o chɛl li, chen ni kin nawara maga nyɛn tɛɛnɛ nɔ maga awa buudaha ni wa Koosa zi kotiu a ya nɔ bɛgim a kpak bara sɔɔna.

1 Tɛs. 4:8

Adaha ba naa wa vɛ ya biksi nɔ, o wa vɛ chenani nibinsa fun biksi, amaa o vɛ chenani Koosa funɛ biksirɛ. Waa funɛ kpa o siim weri ti a du ma ni.