2 Kɔr. 12:14 - Tampulma

¹⁴ Mu funɛ piin a wa ma watiu bilɛ. Lalaknɔ mu bur a saksiu di mu wa. Mu wa pu ma, mu wara daŋni ma wa lisi kundɔŋ a li ma kin ni a nyɛ min. Mu daŋni ma kpa ma titirɛ a ka nyɛ min. Ma chi mu bisiwa. Bichɛsa wara dɛɛsi ba nyama awa ba numa, amaa ba nyama awa ba numa ka la dɛɛsi ba.

2 Kɔr. 12:14 ပူးပေါင်းရင်းမြစ်များ

Tuma 20:33

Mu wa ma funɛ nyɛn, mu wa funɛ daŋni nandigi salma koo aniita koo gar.

1 Kɔr. 10:24

O wa werwa nibine kidaŋni o duŋduŋ suŋi, amaa o lawa o daŋni o dɔŋtima suŋi gbankou.

1 Kɔr. 10:33

Maa tiŋ chenani muu tiŋ chen. Kina maga mu ya, mu yaa kpaŋiu di mu sɔɔni nara maga tusa. Mu wara lisi mu duŋduŋ nyɔɔra naali, amaa nidamata nyɔɔra naalirɛ muu lisi, chen ni mu zi kotiu a la ba a nyɛ Koosa ni.

1 Kɔr. 11:34

Lɔsa kpak ma nidigi, o yaa di o dam ni a zi wa. Ma ta di diwe naa vɛ kpak nyinbaan wa ma diili, chen ni Koosa wa zi na paan a du ma ni. Mu wa bur wa ma wati, mu zi biksi ma wɛ naa kaɛɛ.

1 Kɔr. 16:5

Mu daŋni mu la Masɛdonia pulumnɛ. Mu wa li dooni, mu zi wa nyɛn ma watiu wuzu bilɛ.

1 Kɔr. 4:19

amaa mu zi wau. Koosa la nɔɔni, mu zi wau lalaga a zim ba naa la zer ba titi chen. Anti la sɛm nan ni? Ba kpak kpok akoo ba wa kpak kpok, mu daŋni mu zim chen.

1 Kɔr. 9:12

Ma nyɛ bɔnɛ ni chene. Ba kpak chen nyinbaan a la diwe ma wati, ya waa wa kpak chen nyinbaan a kaali baa? Ya ha wa ŋɔ ma di ma ya chen a nyɛ ya. Ya kpak kanyitarɛ kina maga ni, chen ni ya wa zi tɔ Kristo laaboor weri ti nyinbaan.

1 Kɔr. 9:18

Mu tum ta nyɔɔra ya baŋa? Mu nyɔɔra ya mu kpa Koosa laaboor weri ti a nyɛ nara ni a ta la kundɔŋ. Saha maga mu wara tiŋ nyinbaan naa mu kpak, domi mu ya Yesu Kristo nitiŋɛ ta digirɛ.

1 Kɔr. 9:19

Nandigi wa dɔ min, amaa mu funɛ kpa mu titirɛ a burgi yoma a tum a nyɛ nara maga ni, chen ni mu zi kotiu a la ba nidamata a nyɛ Koosa ni.

2 Kɔr. 1:15

Kin nama daha, mu funɛ daŋni mu wa gali ma ni a la Masɛdonia pulum a bur wa na ma, chen ni ma zi suŋi minu a li Judia pulum nyinbaan ni. Mu fu ya chen, mu fu zi suŋi mau bilɛ.

2 Kɔr. 11:9

Wuzu digi mu malɛ fun wa peti, amaa mu wa fun wa pɛɛsi ma di ma suŋi min. Mu niinbisa ba naa nyɛn Masɛdonia pulum ni, funɛ zer kin naa maga mu daŋniu a wa nyɛ min. Mu yaa fun dosou di mu wa zi nyini ma se ni a li kundɔŋ ni. Chene o kaa nyɛn kpa la saha wa wa.

2 Kɔr. 12:13

Chenani mu fun a biksi ma awa chenani mu fun a biksi Koosa nitiŋɛ ba naa nyɛn bar kurgɛ ni, ya kibɛgimnɛ, amaa kibɛgim funɛ ka. Mu wa fun pɛɛsi ma di ma suŋi min wa diwe ni. Mu vɛ nyɛ ma tusa sɔɔni diwe na daha, ma gil nyɛ min.

Gal. 4:19

Mu bi daŋnɛ, mu chi nihaan naa la daŋni lulirɛ aa la wi ma daha. Mu daŋni kinkan di Kristo wa nyɛn ma ni hali o wa peti.

Filip. Tima 4:1

Mu niinbisa, mu yaa daŋni mau kinkan. Ma waa ya mu jirima nara aa nyɛ mu tuha sɔɔni saha maga. Mu bi daŋnɛ, mu daŋni mu ŋɔ mau chenani ma zi tiŋ ya kunyan, chen ni ma zi kpak unu nɛnɛ.

Filip. Tima 4:17

Mu wara daŋni ma papaha duŋduŋnɛ. Mu daŋni chenani ma zi ya a sɔɔni Koosa tuharɛ.

1 Tɛs. 2:11

Ya funɛ dɛɛsi ma a chi chenani nyama dɛɛsi ba bisa chen.

1 Tɛs. 2:8

Domi ya funɛ daŋni mau kinkan, o wa fun ya di Koosa laaboor weri ti duŋduŋnɛ ya funɛ daŋni ya kpa a nyɛ ma. Hali ya funɛ daŋni ya kpa ya titi miisarɛ a nyɛ ma.