1 Tɛs. 5:15 - Tampulma

¹⁵ Ma ta tum tum tagin a bɔ tum tagin. Maa kpaŋi a tum tum were duŋduŋ aa nyɛ dɔŋ ni awa nara maga ni.

1 Tɛs. 5:15 ပူးပေါင်းရင်းမြစ်များ

Mat. 5:39

amaa n ŋɔ mau saha nɔ, nandigi ya wu tagin a nyɛ ma, ma ta bur ya wu tagin ti a nyɛ un. Nandigi mo ma nindil lɛha, nyɛ o mo ma ningal lɛha gbanko.

Luk 6:35

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

Tuma 16:28

Doone Pɔɔl fun tɛsi kinkan a ŋɔ un, “Ta kpu i titi. Ya maga nyɛnu.”

Room 12:9

Maa daŋni dɔŋa a li ma bambe ni a bur gantɛl a li tum tagna ni a la suwachak a li tum were nyinbaan saha maga.

Room 14:19

Ma nyɛ ya yaa nyini kin nawara nyɛ ya kpak bara sɔɔna awa kin nawara la zi nyɛ ya suŋi dɔŋa a kpak nɛne.

1 Kɔr. 14:1

Ma nyɛ ma se sɛri awa nara daŋni ni. Ma gbanko nyɛ ma se sɛri wa papaha a naa Koosa siim weri ti kpa nyɛ ma ni. Papaha naa nyɛ yaa sɛm Koosa sɛma a li o kpok ti ni, waa kaali a maga.

1 Kɔr. 16:10

Timoti wa wa ma wati, ma la un a du nɛnɛ, chen ni o wa zi ɔm, domi o gbanko tum Koosa tumwa a chi min.

1 Kɔr. 6:7

Chenani maa kpa dɔŋa a la sɛria bar diili dɛ ti nan, biksi di ma galimu. Ma wa ma dɔŋtima kpak wu digi, hali ba ŋmɛ ma kundɔŋ, ma gil un a nyɛ ba la. Waa bɔɛɛ wa ma kpa dɔŋa a la sɛria bar diili dɛ ti.

Gal. 6:10

Ma nyɛ ya dɛu nyinbaan aa suŋi nara maga. O lawa ya te a suŋi ya dɔŋtima ba naa se su ya kunyan tiu.

Ɛfɛ. 5:15

Maa doso ma nyɛni ni. Ma ta tiŋi a chi womna, amaa maa tiŋ a chi ninɛɛgɛ.

Ɛfɛ. 5:33

O gbanko biksi ya di nibaala kidaŋni ba haanasa a chi chenani baa daŋni ba titi ka nihaani ta kinyɛ ba baalasa wa jirima.

1 Tɛs. 2:12

Ya funɛ belimi mau a la kpami ma a ŋɔ ma di ma tum tum naa la zi sɔɔni Koosa tuha. Waa ya naa funɛ yir ma di ma wa zu o koor ti. O wa ma zi wa bɔni o jirima awa o chaaniu wuzu digi.

1 Tɛs. 5:21

Ma nyini ba sɛma maga a nɛɛ a weru. A were ma kpak a.

1 Tim. 6:11

Amaa i waa naa la tiŋ Koosa, ta tum tum tagna chen ni. Nyɛ i si sɛri wa tum were tumi ni ka i tiŋ Koosa nɛnɛ. Nyɛ i si su un kinkan a ya jɛrgi a kidi i namsi a kidaŋni nara maga.

2 Tim. 2:24

Ya kunyan ti tumtumna fiɛŋ o daŋni yo. O lawa o ya jɛrgiu a koti a biksi nara nɛnɛ awa kanyita ni.

Tait. 3:2

Kibiksi ba di ba fiɛŋ ba chɔk nibinsa sɔna, amaa o lawa ba ya nibin wereu awa nibin jɛrgɛ a kpak bara sɔɔna nara maga wati.

Ju 12:14

Maa kpak un ma bambe ni a kpak bara sɔɔna awa dɔŋ ni, a ya tu chaan tima. Tu chaan tima duŋduŋ la zi wa na ya kunyana.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Pita 2:17

Maa daŋni ma dɔŋtima ba naa se su Yesu, a kinyɛ Koosa awa koorsi ta nyuhu tiina Siiza awa nara maga jirima.

1 Pita 3:9

Nara tum tum tagna a nyɛ ma, ma ta bur tum tum tagna a nyɛ ba. Ba pini ma zoma a vɛ weri, ma ka ta bur pini ba zoma. Ma ŋɔ ba di Koosa la zi suŋi ma. Koosa funɛ lisi ma a nyɛ o titi ni, o fun a vɔu di ma ya chen, o zi suŋi mau.

3 Jɔn 1:11

Mu chɛna, ta tiŋ chenani o tiŋi. Kitum tum were nyinbaan. Naa la tum tum were, Koosa dɔ un. Amaa naa ka la tum tum tagna, Koosa wa dɔ un.

JɔnN Deesi 19:10

Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.

JɔnN Deesi 22:9

Amaa o funɛ ŋɔ minu, “Ta ya chen, domi mu wa hin awa i niinbisa ba naa ya Koosa witinsa ka ba tiŋ tɔn nɔ sɛma nɔ, ya Koosa tumtumsiwa. Kijɛɛmi o duŋduŋ.”