1 Pita 5:9 - Tampulma

⁹ Maa vɛ sintana. Maa nyɛ ma se ka su Koosa kinkan aa chiŋi wa bambi kpok ni. Ma zimu di ma niinbisa ba naa maga se su Koosa aa nyɛn bar damati ni, gbanko namsiu a chi ma.

1 Pita 5:9 ပူးပေါင်းရင်းမြစ်များ

Luk 22:32

N funɛ sumi Koosa a nyɛ hinu di chenani i si su min wa zi bur gantɛl hali a wa peti. Sintana wa zaamsi hin, i zi chelu, amaa i burɛɛ a tiŋ min nɛnɛ, n daŋni i chiŋi i dɔŋtima gantɛl nɛɛ.”

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

Tuma 14:22

Ba funɛ nyɛn nyinbaan ni a la chene, ba fun nyɛ Yesu nitiŋɛ ta se suuli gbaari a kpami ba di ba kpak Yesu nɛnɛ. Ba fun ŋɔ ba, “O deŋlu wa ya te namsiu kinkan ka Koosa zi wa dɔ ya a peti.”

1 Kɔr. 10:13

Sintana zaamsi nibine magau di ba tum tum tagna. Chenani o zaamsi ba, o zaamsi ma gbankou. Amaa Koosa ya wuti tiina. O wa zi nyɛ wu zaamsɛ a naa kaali ma kpok, wa pu ma, chen ni ma wa zi wa chel. O zi nyɛ ma kpoku ma kpak kanyita wa wu zaamsɛ ni a yisi ma a li a ni.

Ɛfɛ. 4:27

Ma ta nyɛ sintana wa nyinbaan o nyɛ maa tum tum tagna.

Ɛfɛ. 6:16

Ma nyɛ ma se su Koosa kinkan saha maga, chen ni sintana wa wa, o wa zi koti a namsi ma.

Kɔl. 2:5

Mu wa ma bol wa dɔŋau, amaa mu baga nyɛn di ma maga se su Kristo kinkan ka maa tiŋ o nyinbaan aa kpak un nɛnɛ. Ma ya chen, mu tuha zi sɔɔniu.

1 Tɛs. 3:3

Ma ta bur gantɛl ba la muksi ma daha. Ma zimu di o ya Koosa tutɔrɛ di ba zi namsi ba naa tiŋ o nyinbaanu.

1 Tim. 6:12

I funɛ gil i tum tagna a chiŋi Koosa sɛhɛra tima nidamata suwachak ni, o fun kpa o mi fali naa vɛ kpak bɔ a nyɛ hin. Kpak un nɛnɛ. Nyɛ i si su un kinkan saha maga, chen ni i zi tiŋ unu nɛnɛ.

2 Tim. 3:12

Nibinsa zi yaa wa muksi ba naa la daŋni ba tiŋ Koosa nɛnɛ, domi ba wa Yesu Kristo ya nibɛgim.

2 Tim. 4:7

Mu miisa chi chɔchɔharɛ. Mu kpaŋu a chɔ peti ka mu si ha vɛɛn su Koosa.

Ju 11:33

Ba fun la chem laal a nyaŋi koor zene. Ba yaa funɛ tum tum werewa a la kin nawara Koosa fun vɔu di o nyɛ ba. Nara fun kpa ba a du doonani gbogumtisa nyɛn,

Ju 12:8

Koosa wara buksi ma a chi chenani bisa nyama yaa buksi ba chen, ma wa ya o bisa.

Jems 4:7

Adaha ma kpa ma bambe a du Koosa ni. Maa vɛ sintana, ka o zi chɔ a li ma ni.

1 Pita 1:6

Ma nyɛ ma tusa sɔɔni kin nama daha. Lalaknɔ sintana la zaamsi ma a li wu kurgɛ ni, chen ni ma tusa zi chɔku wuzu bilɛ.

1 Pita 2:21

Koosa funɛ yir mau di ma ya chen. Kristo titi funɛ namsiu ma daha a biksi ma chenani ma zi tum a chi o funɛ tum chen.

1 Pita 3:14

Hali maa namsɛɛ di ma tum were daha, yɛrɛ ma tusa kaa wa sɔɔni? Chenani nibinsa zi wa ya ma, ma ta nyɛ hansura akoo muksi wa kpak ma.

1 Pita 4:13

Ma waa la namsi a chi Kristo funɛ namsi. Chendaha ma nyɛ ma tusa sɔɔni. O wa bur wa, ka nara na o jirima awa o chaani kinkan, ma tusa zi wa sɔɔniu hali a la gali.

JɔnN Deesi 1:9

Mu waa, Jɔn, ya ma niinbe. Mu wa ma la namsi Yesu daha, amaa o suŋi yau ya di un, chen ni ya zi la zu o koor tiu wuzu digi. Ba fun kpa min a la nyɛ mu nyɛn pulum we naa ba yir Patmɔs ka ni go un. Ba funɛ ya chene, domi mu funɛ mɔɔli Koosa laaboor weri ti a ŋɔ nara wuti naa Yesu fun biksi ya a li gbampulim ni chen wɛ.

JɔnN Deesi 6:11

Ba naa funɛ nyɛn Koosa jirima bar kani ti ni a go, bɔnɛ fun kpa takta ziŋɛ pilima a nyɛ ba a ŋɔ ba di ba hiisi tama, hali tɛɛnɛ nɔ tim maga wa kpu ba niinbisa a chi ba funɛ kpu ba a gbaari peti.

JɔnN Deesi 7:14

Mu fun ŋɔ un, “Mu wa zim ba, ŋɔ min.” O fun ŋɔ min, “Ba fun val a wa li namsi kinkan saha a kpa piisi be ti chɛl a chaksi ba kilaarɛ di a ta kpak doŋa.