1 Pita 4:11 - Tampulma

¹¹ Naa kpak Koosa papaha ti a kaa ŋɔ nara ni o wɛ, ma nyɛ o sɛm sɛm ta wa si sɛm ni. Naa kpak Koosa papaha ti a kaa tum a nyɛ o dɔŋtima ni, ma nyɛ o kpa Koosa kpok ti a tum nɛnɛ a nyɛ ba. Ya ya chen, Koosa zi na pɛgiu a li ya tum maga ni Yesu Kristo sɔn daha. Koosa zi kpak kpoku awa jirima kinkan hali saha naa vɛ kpak bɔu. Ami.

1 Pita 4:11 ပူးပေါင်းရင်းမြစ်များ

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Jɔn 13:31

Judas funɛ kaali, Yesu fun ŋɔ o gantɛl tiŋsi ta ni, “Nidamata zi pɛgi Koosa kinkan a li chenani ba kaa ya min. Chenani Koosa zi kpa o jirima awa chaani kinkan a nyɛ n waa nibine be ni duglɛu. O wa zi vusi ka o ya chen.

Tuma 7:38

Mosis ya naa wa ya nawaalsa Ju tim ta funɛ lagmi a li nyabaan ti ni. Koosa malaika ti fun ŋɔ un dooni a li bi Sainai a kpa Koosa chiksɛ naa biksi ba chenani ba zi nyɛn, a nyɛ un. Nannɛ ba fun kpa nyɛ ya di ya tiŋ.

Room 11:36

Waa funɛ naami kina maga. O kpok ti daha, a nama maga ha vɛɛn nyɛnu hali wa zinan a nyɛ un jirima. O jirima zi nyɛnu hali saha naa vɛ kpak bɔ. Ami.

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

Room 16:27

Koosa duŋduŋ kpak zima maga. O zi la jirimau Yesu Kristo daha hali saha naa vɛ kpak bɔ. Ami.

Room 3:2

Ju tim ta kpak nyusumu a kaali ba a li wu damata ni. Wu birigi naa Koosa fun biksi o sɛma a du Ju tim ta nin ni.

1 Kɔr. 10:31

Amaa kina maga maa ya a la di koo a nyɔ, maa ya a maga a kinyɛ Koosa wa jirima.

1 Kɔr. 12:4

Koosa siim weri papaha a naa o kpa nyɛ ya chen, kurgu. Amaa siim weri bɛgim ti, waa nyɛ a.

1 Kɔr. 3:10

Koosa nyɛ min o kpok ti mu ya tɛsal weri a baŋ o dɛ ti sɛchik a nyɛ un. Nandigi wa wa sa zɔŋ o daha. Ba naa maga sa Koosa dɛɛna, ba doso a ya tɛsal were.

1 Kɔr. 6:20

Ma wa dɔ ma titi, domi Koosa yau ma o titi. Ma yawi funɛ iiu kinkan. Adaha ma doso a kpa ma bara ta aa nyɛ un jirima.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

2 Kɔr. 9:13

Ma suŋi ba kinkan chen ni, ma biksi narawa di maa tiŋ Koosa laaboor weri ti Yesu Kristo wɛ nɛnɛ. Ba zi nyɛ Koosa jirimau, domi ma waa la suŋi ba awa nara maga kinkan.

Ɛfɛ. 1:19

Mu gbanko sumi unu di ma zim o kpok naa o fun kpa a nyɛ ya naa se su un ni kinkan. Kpok naa ya kpak nan awa kpok kinkan,

Ɛfɛ. 4:29

Ma ta sɛm nɔ tagna a nyɛ dɔŋ ni, amaa ma nyɛ ma sɛm maga suŋi a kpami ba naa maga la nu a.

Ɛfɛ. 5:20

Ma kunyana Koosa tum tum damatau a nyɛ ma. Chendaha maa zaami un saha maga ya kunyan Yesu Kristo sɔn daha.

Ɛfɛ. 6:10

Domi ma wa ya kunyan ti ya nibɛgimnɛ, ma waa kotee a na kpok a li o kpok zen ti ni.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Filip. Tima 2:11

Ba maga zi wa ŋɔ gbampulim niu di Yesu Kristo ya ba kunyan ti. Chen la zi nyɛ o nyana Koosa jirimau.

Kɔl. 4:6

Maa doso chenani ma sɛm a nyɛ nara ni, chen ni ma sɛm maga zi weru a lɛm. Nar pɛɛsi ma wu digi, o lawa ma kotiu a ŋɔ un nɛnɛ.

1 Tɛs. 2:4

Ya sɛm sɛm naa Koosa daŋni ya sɛmnɛ domi waa funɛ lisi ya. Waa funɛ kpa o laaboor weri ti a du ya nisi ni, chen ni ya zi kotiu a biksi nara. Ya wara daŋni di nibinsa tusiwa sɔɔni, amaa ya daŋni Koosa tuhurɛ sɔɔni. O zim chenani ya bambe lisi duu.

1 Tim. 1:17

Ma nyɛ ya yaa kipɛgi Koosa a kinyɛ un jirima kinkan. Waa ya ya koora naa nyɛnɛɛ hali saha naa vɛ kpak bɔ, a ya nibɛgim duŋduŋ. Nandigi wa koti a na un. Ami.

1 Tim. 6:16

Koosa duŋduŋ nyɛnɛɛ saha maga a li chaani naa nandigi zi vɛ koti a zuuli. Nandigi ha wa na un koo zi koti a na un. O kpok zen awa o jirima zi nyɛnu hali saha naa vɛ kpak bɔ.

Tait. 2:1

Amaa o lawa i kpa Koosa wuti biksi tiu aa biksi nara.

Tait. 2:15

Kibiksi kin nama a nyɛ nara ni. Kpa Koosa kpok naa o nyɛ hin chen a kpami ba naa la nu i biksi ti. Ba vɛ nu i nɔ, i kpaŋi i titi a ŋɔ ba di ba burgi ba nyuuna. Kpa Koosa kpok ti, chen ni nandigi wa zi koti a nyini hin di i ya bichɛllɛ.

Ju 13:7

Maa lisi ba naa funɛ te wa biksi Koosa laaboor weri ti a nyɛ ma, a siti. Ma zim chenani ba funɛ tiŋ un nɛnɛu. Ma nyɛ ma se su Koosa a chi chenani ba se fu su un.

Ju 5:12

Ma ya Yesu nitiŋɛu a vusi, o fu lawa ma titirɛ kibiksi nara kin nama wɛ. Amaa ma ha vɛɛn a daŋni narawa kibiksi ma Koosa laaboor weri te tel kin timau. Ma chi bichɛsa ba naa la ɔsirɛ. Ma ha wa mak ku diili.

Jems 1:19

Mu bi daŋnɛ, ma lisi nan. Ma num wa Koosa sɛm nuuli ni, amaa ma ta num wa sɛmi ni aa ta na paan a du nara ni.

Jems 1:26

Nar ŋɔ di oo tiŋ Koosa a vɛ doso wa o sɛm ni, o mur o titirɛ. O Koosa tiŋi ti ya yɔrirɛ.

1 Pita 2:12

O lawa ma kpak sɔn were ba naa vɛ zim Koosa watiu, chen ni ba wa fiksi ma di ma tum tum tagna, ba zi wa na ma tum were duŋduŋu. Koosa wa wa di o wa di tɛɛnɛ nɔ tim maga sɛria, nifiksi nama zi pɛgi unu ma daha.

1 Pita 2:5

Ma naa kpak o mi fali ti, chi buŋkula a naa Koosa kpa sa o dam ti, chen ni o zi kotiu a nyɛn dooni. Ma chi ba naa funɛ ya o kɔkɔɔrsa saha digi, a kpa ma titi a nyɛ Koosa ni Yesu Kristo daha.

1 Pita 4:10

Koosa funɛ kpa o papaha kurgɛu a nyɛ ba naa la tiŋ un ni. Ma dɛu kinkin naa o fun nyɛ ma chen a kpa un aa suŋi ma dɔŋtima. Ma maga ya chen, Koosa zi suŋi mau wu damata ni.

1 Pita 4:16

Amaa ma ya Yesu Kristo nitiŋɛ. Maa ka saksi ma namsi o daha a ta nyɛ hiisa kpak ma. Maa zaami Koosa di maa tiŋ Kristore.

1 Pita 5:11

O kpok ti zi nyɛnu hali saha naa vɛ kpak bɔ. Ami.

Juud 1:25

Waa funɛ tum ya kunyana Yesu Kristo di o wa yisi ya a li ya tum tagna ni. Koosa naa ya nibɛgim duŋduŋ kpak jirima kinkan awa kpok a kaali kina maga a li o piili ni a wa zinan kpa la hali saha naa vɛ kpak bɔ. Ami. Ma zaami ba naa maga nyɛn ma wati a nyɛ min.