1 Pita 3:4 - Tampulma

⁴ Chenani ma bambe du kaali kin nama maga. Chendaha maa ya nihaan jɛrgɛ. Wuzu digi ma salma kin ta awa ma gar were ta zi wa chɔku, amaa ma ka ya jɛrgɛ, o wa zi chɔk. Chenani maga ma du Koosa wati kaali kin naa maga ma kpak.

1 Pita 3:4 ပူးပေါင်းရင်းမြစ်များ

Mat. 11:29

Mu biksi chi nuha pararɛ. Ma kpa un a laari ma gbaŋsi ni. Mu ya nibin jɛrgɛrɛ. Ma nyɛ mu biksi ma, ma zi hiisiu.

Mat. 21:5

O funɛ sɔbiu a ŋɔ, “Ma la a la ŋɔ tɔhɔn naa ba yir Zaiyɔn chen nara ni. Ma koora naa ya jɛrgi tiina zi zini kokum be pɔlu a wa ma wati.”

Mat. 23:26

Ma Farisi tim ta, ma naa chi nyuluma. Ma te chaksi ma tusa ka nara zi zim di maa tum tum were wutirɛ.

Mat. 5:5

Ba naa ya jɛrgɛ, ba zi na kin nawara Koosa fun vɔu di o nyɛ bau, a nyɛ ba tu sɔɔna.

Luk 11:40

Ma ya womniwa. Koosa nyɛ ma diwe diili awa ma tusa gbanko.

Luk 16:15

Yesu fun ŋɔ ba, “Ma tum tum were chen ni nara zi na au, amaa Koosa zim ma bambe wɛu. Chenani maa tum la zi nyɛ nara nyɛ ma jirima. Koosa wati a ya kipɔntiwa.

Room 1:23

Ba fun a nyɛ kin nawara chi nibinsa awa zimebisa awa sela awa kipalɛ jirima a kpa a chiŋsi Koosa bar jɛɛmi bar chiŋsi ni. Waa nyɛnɛɛ hali saha naa vɛ kpak bɔ.

Room 2:29

O siim weri ti wa nyɛn nibine bambi ni, chen nyɛ o ya Ju tim nidigi wuti. Koosa chiksɛ ta wa koti a tum chen. Nibinsa wa zi pɛgi naa kpak Koosa siim weri ti. Koosa ka la zi pɛgi tiina.

Room 6:6

Ya zimu di o chi ya gantɛl tuha kina a naa yaa tum tum tagna, wa un funɛ sou a li o daakakli ti ni, chen ni a wa zi bu kpak kpok a dɔ ya.

Room 7:22

Mu bambi zimu di Koosa chiksɛ ta weru,

2 Kɔr. 10:1

Ma bɔnɛ ŋɔ dɔŋ ni di mu funɛ nyɛn ma wati mu funɛ ya jɛrgɛrɛ, amaa mu funɛ bol, mu funɛ sɔbi sɛm kpokwa a nyɛ ma. Yesu Kristo daŋni mu ya jɛrgirɛ ma wati. Chendaha mu waa, Pɔɔl, sumi ma lalaknɔ,

2 Kɔr. 4:16

Kin nama daha, ya wa zi bur gantɛl a li tum naa Koosa kpa nyɛ ya nan. Ya bara hɛɛsiu aa gbaari, amaa wuzu kam Koosa waa ka gbaari o miisa naa o nyɛ ya chenu.

Gal. 5:23

a ya jɛrgɛ tima, aa ya bambe tima. Ma nyɛ o suŋi ma di ma nyɛn nan, nandigi wa fun sɔbi chiksɛ di ma gil tum were na maga.

Ɛfɛ. 4:2

Ma ya jɛrgɛ tima a kpak dɔŋ wa kanyita saha maga. Maa suŋi dɔŋa, chen ni nara zi zimu di maa daŋni dɔŋau.

Kɔl. 3:12

Ma ya Koosa narawa. O fun a lisi ma a nyɛ o titi ni a la daŋni ma kinkan. Ma kpak dɔŋa awa siki a kikɔɔri dɔŋa sɔna a ya jɛrgɛ tima a kpak kanyita a du nara ni,

Kɔl. 3:3

O chi ma funɛ sitiu. Lalaknɔ Koosa funɛ tɔ o mi fali naa maa nyɛn Kristo ni a chiŋsi.

1 Tɛs. 4:11

Ma kpaŋi ma titi aa tum ma tuma balimm. Ma ta zu ma dɔŋtima wɛ ni. Ma gbanko kidi ma bara wilim ni a chi chenani ya fun piin a biksi ma chen.

2 Tɛs. 3:12

Ya ŋɔ bau ya kunyana Yesu Kristo sɔn daha ba nyɛ ba se sɛrɛ ka ba di ba titi bara wilim aa kitum ba tuma balimm.

2 Tim. 2:25

Saha naa o wa burgi womna nibiksɛ na nyuuna, o ta na paan a du ba ni. Ami Koosa zi nyɛ ba nyinbaanu di ba gil ba tum tagna a bur tiŋ un a wa zim o wuti ti.

Tait. 3:2

Kibiksi ba di ba fiɛŋ ba chɔk nibinsa sɔna, amaa o lawa ba ya nibin wereu awa nibin jɛrgɛ a kpak bara sɔɔna nara maga wati.

Jems 1:21

Chendaha o lawa ma kpa ma tum tagna magau a yo ta. Ma kpa ma bambe a nyɛ Koosa ni aa la o laaboor weri naa koti a yisi ma a li ma tum tagna ni hali a wa peti. O piin kpa unu a du ma bambi ni.

1 Pita 1:23

Koosa sɛma nyɛnu hali saha naa vɛ kpak bɔ. A wa zi kut chɔk. Koosa fun a kpa o mi fali ti a nyɛ ma a daha.

1 Pita 3:15

Ma nyɛ ma kunyan Kristo naa nyɛn ma ni, jirima. Waa ya tu chaan tiina. Nara pɛɛsi ma chenani ma kpak bambi bɛgim un ni, ma saksi a ŋɔ ba saha maga.