1 Pita 3:21 - Tampulma

²¹ Ni naa funɛ wa su Nowa saha ti chen chi chenani nara kpa nire a chaksi ma. Ba wara chaksi ma bara dɔŋwa, amaa maa sumi Koosa wa tu bɛgim, waa la zi yisi ma a li ma tum tagna ni maa tiŋ un. Koosa lɛlɛ Kristo a li o sou ni. Chendaha o koti a ya chen.

1 Pita 3:21 ပူးပေါင်းရင်းမြစ်များ

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Maak 16:16

Ba naa maga se su min, ma nyɛ ba chaksi ba wa ni ni, ka Koosa zi yisi ba a li ba wu tagna ni, amaa ba naa maga se ka vɛ su min, Koosa zi wa lɛti ba diŋsau a ta ba yɔri.

Jɔn 13:9

Simɔn Pita fun fɛti a ŋɔ, “O ya di chene, ta chaksi mu naŋgere duŋduŋ. Chaksi mu nisa awa mu nyuha gbanko.”

Tuma 16:33

Tɔhɛɛsa funɛ wa gali tama, niili ti fun kpa ni a wa chaksi ba bar huusɛ. O funɛ ya chen peti, ba fun kpa Yesu sɔn a chaksi o wa o walɛ ta wa ni ni.

Tuma 2:38

Pita fun ŋɔ ba, “Ma te gil ma tum tagna a bur tiŋ Koosa, a nyɛ ya chaksi ma wa ni ni a li Yesu Kristo sɔn ni. Ma ya chen, Koosa zi gil ma tum tagnau a ta a kpa o siim weri ti a du ma ni.

Tuma 22:16

Ta bu nyɛ ya chiŋi aa pɔɔli. Si a nyɛ mu kpa Yesu sɔn a chaksi hin wa ni ni, chen ni Koosa zi chaksi i bambiu a gil i tum tagna a nyɛ hin.’ ”

Tuma 8:36

Ba funɛ nyɛn nyinbaan ti ni a la chene a la dugli pul. Baal ti fun ŋɔ Filip ni, “Ya duglɛ ni bar nyɛniu. Mu daŋni i chaksi min wa ni ni, nandigi wa to a la zi ŋɔ hin di i gil.” ((

Tuma 8:37

Filip fun ŋɔ, “I si su Yesu wa i bambi maga ni, mu zi chaksi hin wa ni ni.” Namugil ti fun jɛrgi a ŋɔ un, “Mu si su di Yesu Kristo ya Koosa bere.”))

Room 5:14

amaa saha naa Adam fun nyɛn hali a wa pu Mosis saha ti, nara maga funɛ sitiu. Hali ba naa ha funɛ vɛ tum tum tagin a chi Adam gbanko funɛ sou. Chenani Adam fun tum bu nara maga. Chenani Kristo fun tum bu nara maga gbanko.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

1 Kɔr. 4:6

Mu niinbisa, mu kpa mu tuma awa Apɔlɔs tuma di mu biksi ma ma se lɛli ma tiŋ chenani Koosa sɛm tɔn ti biksi ya chen. Maa tiŋ chen, ma wa zi lisi nibin digi a zer un a kaali digi.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

Gal. 3:27

Lalaknɔ ma wa Yesu Kristo ya nibɛgimnɛ. Ma funɛ burgi chenani o duu.

Ɛfɛ. 5:26

O chi o funɛ kpa nire a chaksi ba a fiisi ba wa Koosa sɛm ni, chen ni ba zi kotiu a tum tum were a nyɛ un.

Kɔl. 2:12

Ba funɛ chaksi ma wa ni ni, chen funɛ chi ma wa Kristo lagmi sou. Ba fun a lagmi ma a sogli. Koosa fun a lɛli Kristo o sou ni. Ba funɛ chaksi ma chen gbanko funɛ chi Koosa a lagmi a lɛli ma wa Yesu a li ma sou ni. Ma se funɛ su a li chenani o tum a nyɛ un ni. Chendaha o fun tum a nyɛ ma chen.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

1 Tim. 6:12

I funɛ gil i tum tagna a chiŋi Koosa sɛhɛra tima nidamata suwachak ni, o fun kpa o mi fali naa vɛ kpak bɔ a nyɛ hin. Kpak un nɛnɛ. Nyɛ i si su un kinkan saha maga, chen ni i zi tiŋ unu nɛnɛ.

Ju 10:22

Ma nyɛ ya la zu doonani Koosa nyɛn. Ya se su un nɛnɛ ka ya kpak tu bɛgim, o zi la ya duu. O chi o funɛ kpa Kristo chɛllɛ a misi ya di o chaksi ya bambe, chen ni ya wa zi bu kpak galimsa o suwachak ni. O gbanko chi o kpa ni a sɔ ya bara.

Ju 11:19

Abraham funɛ zimu di Koosa funɛ kotiu a lɛli Aizik a li o sou ni. Hali o fun wa dugli sou kinkan, o chi Koosa funɛ lɛli un a li o sou ni.

Ju 13:18

Maa sumi Koosa ya daha saha maga. Ya zimu di ya tiŋ unu wa tu bɛgim ni. Ma Koosa sumi ti zi nyɛ ya kotiu a tum chenani o daŋni ya tum saha maga.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

Ju 9:24

Kristo funɛ si o sou ni, o wa fun la zu Koosa lɛu naa nibinsa fun du chen, ka o fun ya Koosa tɔhɔn ti kin chamsa. O ka fun zini a zu Koosa wuti lɛu naa nyɛn o tɔhɔn ti ni. Lalaknɔ waa kpalimi a kani ya bar kani ni a li Koosa suwachak ni.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

1 Pita 3:16

Amaa ma doso a nyɛ ba jirima a ya jɛrgɛ ba wati. Ma kpak tuha kibɛgim awa Koosa ni, chen ni nara pini ma tum were a naa maa tum a nyɛ Kristo ni, zoma, hiisa zi kpak ba naa sɛm chenu.