1 Pita 3:18 - Tampulma

¹⁸ Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Pita 3:18 ပူးပေါင်းရင်းမြစ်များ

Mat. 27:19

Pailɔt funɛ kani sɛria bar diili dɛ ti ni, o haan fun holi a ŋɔ un, “Dusum ti mu dɛ namsu kinkannɛ baal nɔ daha a li mu deesi ni. O nin wa to. Adaha i yisi un a ta.”

Mat. 27:24

Pailɔt funɛ zimu di o wa zɛmɛ ta sɛm ta wa kpak mun ka ba daŋni ba dam, o fun zɔk ni a sɛm o nisa zɛmɛ ta maga suwachak ni a ŋɔ, “Mu nisa wa to baal nɔ sou ni. Ma waa dɔ un.”

Jɔn 16:10

Chenani mu zi chiŋi ba bar chiŋi ni a sou a nyɛ ba a bur la mu nyan ti wati, nan duŋduŋ la zi nyɛ ba deŋli Koosa suwachak ni.

Tuma 22:14

O fun bukoo ŋɔ min, ‘I funɛ nyɛn nyinbaan ti ni a wa chene, Koosa naa ya nawaalsi ta funɛ jɛɛmi, nyɛ i na Yesu ka i wa un sɛm sɛma. Waa ya o tumtumna naa yaa tiŋ o tutɔ. Koosa funɛ lisi hin di i tum chenani o daŋni,

Tuma 3:14

Ma ka fun sumi un di o kpa nara nikpuuli a nyɛ ma. Yesu nɔ funɛ ya tum were nitumirɛ ka Koosa fun lisi un di o tiŋ o tutɔ.

Room 1:4

amaa Koosa funɛ kpa o kpok zen ti a lɛli un a li o sou ni di o biksi ya di o gbanko ya o bere.

Room 4:25

Koosa funɛ nyɛ Yesu sou ya tum tagna daha a bu lɛli un a li o sou ni, chen ni o wa zi bu koti a na ya galimsa.

Room 5:2

Waa funɛ kpa ya a kansi bar zen nɔ ni ya se suuli daha. Waa nyɛ ya kpak bambi bɛgim di wuzu digi Koosa wa ya zi wa bɔni o jirimau. Chendaha ya tusa sɔɔni kinkan.

Room 8:11

Koosa siim weri ti funɛ lɛli Yesu Kristo a li o sou ni chen. O nyɛn ma bambe ni, wuzu digi o gbanko zi wa lɛli ma barau a li ma sou ni.

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

2 Kɔr. 1:24

Ya wara daŋni ya wa gbaari chenani ma se su Yesu Kristo. Ma se piin su unu nɛnɛ. Ya ka daŋni ya wa suŋi mau ma tum were la suwachak ka ma tusa sɔɔni a gbaari.

2 Kɔr. 13:4

Ba funɛ wa kpa un a la kpaasi a mari o daakakli ti ni o sou, o wa fun kpak kpok. Amaa lalaknɔ o bu nyɛn Koosa kpok naa funɛ lɛli un a li o sou ni, daharɛ. Chen vɛɛna, mu funɛ nyɛn ma wati saha digi, mu funɛ ya jɛrgirɛ ma wati. Mu wa kaa bur wa, mu wa Koosa kpok kinkan zi bur wau.

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

Gal. 1:4

Kristo funɛ tiŋ ya kunyan Koosa tutɔrɛ a sou ya daha, chen ni o zi kotiu a yisi ya a li lalaknɔ wu tagna saha ni.

Gal. 3:13

Kristo funɛ sou, waa funɛ chiŋi doonani Koosa kaa ŋɔ nɔ a nyɛ ya bar chiŋi ni a la ya nyuuna a nyɛ ya. Ba fun bukoo sɔbi a li o sɛm tɔn ti ni a ŋɔ, “Koosa zi ŋɔ nɔu a nyɛ naa ba yisi a tɛ daakakli ti ni.”

Ɛfɛ. 3:12

Domi ya se su un ka ya wa un ya nibɛgim, ya kpak bambe a vɛ ɔmi di ya la Koosa suwachaku.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Ju 10:10

Domi Yesu Kristo funɛ tiŋ Koosa tutɔrɛ a wa sou bu bɛgim duŋduŋ ya daha, Koosa dɔ ya lalaknɔ.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

Ju 9:26

O fu ya chen ni, saha naa Koosa fun naami tɛɛnɛ nɔ maga hali wa zinan, o fu zi namsi bu damatau a sou. Tɛɛnɛ nɔ maga siili saha funɛ wa dugli, o fun wa sou ya daha bu bɛgim a lisi tum tagna kpok a ta.

Ju 9:28

Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

Jems 5:6

Ma funɛ di ba naa nisa vɛ nyɛni sɛriau a kpu ba, amaa ba wa fun lɛli ba nɔ.

1 Pita 3:19

a nyɛ o fun sɛm siimsi naa ba fun tɔ dɛ chen.

1 Pita 4:1

Kristo funɛ nyɛn tɛɛnɛ nɔ maga ni, o funɛ namsiu kinkan. Chendaha ma gbanko kisaksi ma lise ma zi namsiu. Chenani ma namsi zi suŋi mau ma gil ma tum tagna awa ma titi daŋnɛ,

1 Pita 4:6

Chendaha Koosa fun nyɛ nara kpa o laaboor weri ti a nyɛ ma ni. Waa la di nara maga sɛria. Chendaha ba siti. Ma bɔnɛ fun siti, amaa ba siimsa kpak miisau a chi Koosa.

1 Jɔn 1:9

Amaa ya la nɔɔni di ya tum tum tagniwa, Koosa zi gil au a nyɛ ya a yisi ya doŋ maga a li ya ni. Ya zimu di o zi ya chenu a nyɛ ya domi o ya wuti tiinnɛ ka o tum maga gbanko deŋli.