1 Pita 3:11 - Tampulma

¹¹ a gil o tum tagna aa kitum tum were, chen ni o kpak un o bambi ni a kpak nɔ bɛgim awa nara ni saha maga.

1 Pita 3:11 ပူးပေါင်းရင်းမြစ်များ

Mat. 5:45

Ma ya chen, Koosa naa nyɛn o tɔha ni zi nyɛ ma burgi o bisau. Waa funɛ naami nha di o chaani nibin tagna awa nibin were ni, a nyɛ doon mi ba naa la tum tum tagna awa ba naa la tum tum were daha.

Mat. 5:9

Ba naa kpa bar sɔɔna a wa nara wati, Koosa zi yir ba o bisau a nyɛ ba tu sɔɔna.

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Maak 14:7

Saha maga fara tim ta yaa nyɛn ma watɛɛ. Chenani maa daŋni ma suŋi ba, ma yaa koti a suŋi ba. Amaa mu wa zi nyɛn ma wati aa la.

Luk 1:79

O wara daŋni o na ya galimsa a ta ya yɔri, amaa o ka daŋni o te ya suwachakrɛ a biksi ya o bar sɔɔn nyinbaan.”

Luk 6:35

Ma ta tiŋi a chi ba. Maa daŋni ma dɔma aa tum tum were a nyɛ ba. Ma kpa ma kina a pɛŋ ba, a ta lisi di ba zi kpa bur wau. Ma ya chen, Koosa naa zenee, zi nyɛ ma burgi o titi bisau a kpa o papaha zen a nyɛ ma. Oo suŋi ba naa vɛ zaami un awa ba naa la tum tum tagna. Maa tiŋ a chi un.

Luk 6:9

a ŋɔ nara tima ni, “Ma zim Koosa chiu. Hiisi wuzu ti ma ya chi di ma ya wu werewa a nyɛ nara ni, akoo ma ya chi di ma ya wu tagniwa a nyɛ nara nii? Ma nyɛ nara miisa koo ma kpu nara, o leemawa maa chi?”

Jɔn 17:15

Mu wara sumi hin di i lisi ba a li tɛɛnɛ nɔ maga ni. Mu ka sumi hin di i kok bau a li sintani.

Room 12:18

O nyɛn ma watɛɛ, maa kpaŋi aa kpak bara sɔɔna awa nara maga ni.

Room 14:17

Koosa dɔ ma, diwe naa ma di a la nyɔ wa bu ya kibirigi o wati. Chenani o siim weri ti nyɛ ma bara sɔɔna awa tu sɔɔna a la suŋi ma di ma tum tum were a nyɛ Koosa ni, kin nama ka ya kibirigi a li o wati.

Room 14:19

Ma nyɛ ya yaa nyini kin nawara nyɛ ya kpak bara sɔɔna awa kin nawara la zi nyɛ ya suŋi dɔŋa a kpak nɛne.

Room 5:1

Lalaknɔ Koosa wa piin na ya galimsa ya se suuli daha. Ya wa un kpak nɔ bɛgimnɛ ya kunyan Yesu Kristo daha.

Room 7:19

Mu wara tum tum were naa muu daŋni, amaa mu ka tum tum tagni naa mu vɛ daŋni mu tumirɛ.

Room 7:21

Mu daŋni muu tum tum were, saha maga tum tagna yaa nyɛn mu bambi ni. Nannɛ o yaa du saha maga.

Room 8:6

Ba naa la lisi ba bara kina wɛ, Koosa zi wa ta ba yɔriu, amaa ba naa ka la lisi Koosa siim weri ti kina wɛ, ba waa kpak bara sɔɔna awa o mi fali ti.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Gal. 6:10

Ma nyɛ ya dɛu nyinbaan aa suŋi nara maga. O lawa ya te a suŋi ya dɔŋtima ba naa se su ya kunyan tiu.

Kɔl. 3:15

Ma nyɛ Kristo nyɛ ma bara sɔɔna a dɔ ma. Koosa fun a yir ma di ma maga kpak o bara sɔɔna, chen ni ma wa un zi ya bar bɛgimu. Nan daha maa zaami Koosa saha maga.

1 Tim. 6:18

Kibiksi ba baa tum tum were nɛnɛ a kidaŋni ba bɔni ba kina a nyɛ ba dɔŋtima ni.

Ju 12:14

Maa kpak un ma bambe ni a kpak bara sɔɔna awa dɔŋ ni, a ya tu chaan tima. Tu chaan tima duŋduŋ la zi wa na ya kunyana.

Ju 13:16

Ma ta suglɛ di ma tum tum were a kisuŋi dɔŋa saha maga. Chenani ya ya chen gbanko kɔɔr naa sɔɔni Koosa tuha kinkan.

Jems 4:17

Nar zim wu were a vɛ di o wara tum a, o galimu.

1 Pita 3:12

Koosa la nyini ba naa la tum tum were a la nu ba sumi, amaa o yaa burgi o gantɛlu a chak ba naa la tum tum tagna.”

3 Jɔn 1:11

Mu chɛna, ta tiŋ chenani o tiŋi. Kitum tum were nyinbaan. Naa la tum tum were, Koosa dɔ un. Amaa naa ka la tum tum tagna, Koosa wa dɔ un.