1 Pita 2:24 - Tampulma

²⁴ Kristo funɛ sou a li o daakakli ti ni, o fun kpa ya tum tagna a du o titi ni, chen ni ya wa zi bu tum tum tagna, amaa ya zi tum tum wereu. O chɔɔra funɛ nyɛ ma na alaafɛu.

1 Pita 2:24 ပူးပေါင်းရင်းမြစ်များ

Mat. 27:26

Doone Pailɔt fun yisi Barabas a nyɛ ba, a nyɛ ba ka tuk Yesu wa vurmsi ni. Ba funɛ tuk un peti, o fun ŋɔ di ba kpa un a la kpaasi mari daakakli ti o sou.

Mat. 5:20

Koosa chiksɛ nibiksɛ ta awa Farisi tim ta yaa ŋɔ nara ni di ba tiŋ Koosa nyinbaan. Ma daŋni ma zu Koosa koor ti, o lawa ma tiŋi iiu a kaali ba kinkan.”

Mat. 8:17

O funɛ ya chene di chenani Koosa witiina Azaaya fun sɔbi a li Koosa sɛm tɔn ti ni saha digi, chen ya wuti. O fun ŋɔ, “O titi la zi tiibi ya wichɔɔrsi ta maga.”

Maak 15:15

Zɛmɛ ta nɔ sɛma daha, Pailɔt fun nyɛ Barabas li, amaa o funɛ kpa Yesu a nyɛ nara tima bɔnɛ ni di ba tuk un wa vurmsi ni. Ba funɛ tuk un peti, o fun ŋɔ di ba kpa un a la kpaasi mari daakakli ti o sou.

Luk 4:18

“Ya kunyan Koosa siim weri ti nyɛn min ni. Waa funɛ lisi min di mu biksi Koosa laaboor weri ti a nyɛ ba naa la nɔɔni di Koosa suŋi ba. Waa funɛ tum min di n wa yisi nara a li ba tum tagna awa ba namsi kinkan ni a lɛli nyuluma se.

Jɔn 1:29

Chɔɔsa funɛ pisi Jɔn fun na Yesu ka o wa o wati. O fun ŋɔ ba naa funɛ nyɛn dooni, “Maa na, baal nɔ chi piisi be naa Ju tima yaa kpa kɔɔri kɔɔra a nyɛ Koosa ni chene. Waa nyɛ Koosa bu vɛ na tɛɛnɛ nɔ maga nara galimsa.

Jɔn 19:1

Doone Pailɔt fun ŋɔ o lanjimasi ta ni ba kpak Yesu a tuk un wa vurmsi ni.

Tuma 10:35

Ba naa maga yaa tum tum were a la nyɛ un jirima a li pulumsi maga ni, o zi la ba duu.

Tuma 10:39

Ya waa funɛ na chenani maga o tum a li Jɛrusalɛm awa Ju tim ta pulum naa go un chen awa ya se ni. Ba fun kpa un a kpaasi a mari daakakli ti ni o sou.

Tuma 13:29

Ba funɛ ya chenani maga Koosa witinsi ta fun sɔbi a li o sɛm tɔn ti ni a du un ni peti, Yesu nitiŋɛ ta fun yisi un a tu daakakli ti ni a kpa un a zu sogli gbɛntɛl bɔ ni.

Tuma 5:30

Ma waa funɛ kpaasi Yesu a mari daakakli ti ni o sou. Koosa, naa ya nawaalsi ta funɛ jɛɛmi, lɛli un a li o sou ni,

Room 6:11

Maa zim di ma wa ma tum tagna wa bu kpak wu digi wa dɔŋ ni. Koosa funɛ kpa o mi fali ti a nyɛ ma, domi ma wa Yesu Kristo ya nibɛgimnɛ. Maa nyɛn a sɔɔni o tuha.

Room 6:13

Ma ta kpa ma titi a nyɛ tum tagna ni. Ma ka kpa ma titi a nyɛ Koosa ni. O chi ma funɛ sitiu. O fun wa lɛli ma a li ma sou ni a nyɛ ma o mi fali ti. Chendaha ma kpa ma titi a tum tum were aa nyɛ un.

Room 6:16

Ma wa zim di ma kpa ma titi a nyɛ nandigi ni, ma burgi o yosawaa? Ma kpa ma titi a nyɛ tum tagna ni, Koosa zi ta ma yɔriu. Ma ka kpa ma titi a tiŋ o nɔ, o wa zi bu na ma galimsa.

Room 6:2

Aai. Ya wa ya tum tagna wa kpak wu digi wa dɔŋ ni, yɛrɛ ya kaa tum tum tagna aa la?

Room 6:22

Koosa fun lisi ma a li a kpok ni a kpa o kpok ti a du ma ni di ma kpa ma titi aa tiŋ un. Lalaknɔ maa tum tum werewa a nyɛ un, chen ni a bar la peti ni, ma zi na o mi fali naa vɛ kpak bɔu.

Room 6:7

Nibine siwɛɛ, o wa zi bu koti a tum tum tagna.

Room 7:6

amaa lalaknɔ Koosa chiksɛ ta wa bu kpak kpok ya ni. O chi ya funɛ sou chiksɛ ta watɛɛ. Koosa chiksɛ naa ba fun sɔbi a li o sɛm tɔn ti ni, ya nyinbaan bunirɛ. Ya naa kpak o siim weri ti o nyɛn ya ni, la tiŋ o nyinbaan fali ti.

1 Kɔr. 15:3

Wu birigi zen naa mu fun la Koosa wati chen, mu funɛ kpa biksi mau. Waa nɛɛnɛ. Yesu funɛ sou ya tum tagna daharɛ a chi chenani Koosa sɛm tɔn ti fun sɛm di o zi wa tumu saha digi chen.

2 Kɔr. 6:17

O gbanko fun ŋɔ, “Ma waligi ma titi a li ba naa la jɛɛmi vursa ni, chen ni ma wa zi bu gbaŋsi a kina. Ma ya chen, mu titi zi la ma a duu.

Gal. 3:13

Kristo funɛ sou, waa funɛ chiŋi doonani Koosa kaa ŋɔ nɔ a nyɛ ya bar chiŋi ni a la ya nyuuna a nyɛ ya. Ba fun bukoo sɔbi a li o sɛm tɔn ti ni a ŋɔ, “Koosa zi ŋɔ nɔu a nyɛ naa ba yisi a tɛ daakakli ti ni.”

Ɛfɛ. 5:9

Ba naa nyɛn nha ni yaa tum tum werewa a nyɛ Koosa ni saha maga a ya nibin were a la sɛm wuti sɛma.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Kɔl. 2:14

Chiksɛ naa ya fun chɔk awa tum tagna naa ya fun tum ka Koosa fun sɔbi a a du o tɔn ni, o fun duŋni a a ta. O chi o funɛ kpa au a kpaasi mari Kristo daakakli ti ni.

Kɔl. 2:20

O chi ma wa Kristo funɛ sou. Chendaha ma wa tɛɛnɛ nɔ maga zima wa kpak wu digi wa dɔŋ ni. Tɔ. Yɛrɛ maa tiŋ tɛɛnɛ nɔ maga zima ti a chi ma wa tɛɛnɛ nɔ tim maga ha vɛɛn ya nibɛgim? Yɛrɛ maa tiŋ nibinsa chiina,

Kɔl. 3:3

O chi ma funɛ sitiu. Lalaknɔ Koosa funɛ tɔ o mi fali naa maa nyɛn Kristo ni a chiŋsi.

Ju 10:10

Domi Yesu Kristo funɛ tiŋ Koosa tutɔrɛ a wa sou bu bɛgim duŋduŋ ya daha, Koosa dɔ ya lalaknɔ.

Ju 10:5

Chendaha Kristo funɛ saksi di o wa tɛɛnɛ nɔ maga, o fun a ŋɔ Koosa ni, “Mu zimu di i wara daŋni nara kpa ba sela a kɔɔri kɔɔrsa a nyɛ hin. Chendaha i fun saksi bara di i nyɛ min di mu la chiŋi a bar chiŋi ni a sou.

Ju 12:13

Maa tiŋ Koosa wuti nyinbaan naa weree a chaani, chen ni ma dɔŋtima ba naa vɛ kpak kpok kinkan a tiŋ ma gantɛl, wa zi chel.

Ju 7:26

Yesu ya Koosa dam kɔkɔɔra naa ya daŋni. Waa ya tu chaan tiina, a vɛ tum tum tagna hali tama. Koosa funɛ waligi unu a li nibinsa ba naa la tum tum tagna ni a kpa un a zini o zu Koosa tɔha di o kani o jirima bar kani ni.

Ju 9:28

Chen vɛɛna, Kristo funɛ sou bu bɛgimnɛ a kpa o titi a nyɛ Koosa ni, chen ni o zi kotiu a yisi nidamata a li ba tum tagna ni baa tiŋ un. Kristo wa bur wa, o wa bu sou a chiŋi ya tum tagna bar chiŋi ni. O zi yisi ba naa la pɔ unu, a li ba tum tagna ni hali a wa peti.

Jems 5:16

Adaha ma ŋɔ dɔŋ ni ma tum tagna wɛ ka ma sumi Koosa a nyɛ dɔŋ ni, chen ni wichɔɔrta wa kpak ma, Koosa zi tiibi mau. Nibin weri sumi Koosa, o sumi ti kpak kpoku kinkan.

1 Jɔn 2:29

Ya zimu di Yesu wɛ maga deŋlu. Chendaha ya zim di ba naa maga tuma deŋlee, ba ya Koosa bisiwa.

1 Jɔn 3:7

Mu bisa, ma ta nyɛ nandigi mur ma. Ba naa maga la tum tum were, ba ya tu chaan timawa a chi Yesu.

JɔnN Deesi 22:2

a pal tu la tɔhɔn ti nyinbaan zen bambaan ni. Koosa mi fali bugila funɛ nyu a chiŋi pul ti nɔsi ni, a ya fun nɔn nɔni fidalɛwa bun bɛgim. A kpachaga nyɛ tɛɛnɛ nɔ tim maga na alaafɛ.