1 Pita 2:11 - Tampulma

¹¹ Mu bi daŋnɛ, ma naa ya hɔɔra a li tɛɛnɛ nɔ maga ni, mu sumi mau di ma kpa ma tutɔ daŋnɛ a ta. Ya tutɔ daŋnɛ awa chenani Koosa daŋni yaa tiŋ, a chɔ aa du dɔŋ nɛɛ.

1 Pita 2:11 ပူးပေါင်းရင်းမြစ်များ

Luk 21:34

“A wuzu naa mu kaa wa zi pirigi ma niu. Adaha ma doso ma ta vaan kpa ma bambe a tiŋ lalaknɔ yaali. Ma ta nyɛ ma wa ma dɔŋtima lagmi a diili a kinyɔ sin kpoka.

Tuma 15:20

Ma nyɛ ya sɔbi tɔn a ŋɔ ba di o wa lawa ba di vursi diwe domi a ya doŋwa a vɛɛn ŋɔ ba di ba ta tum chɔkumsi tuma a ta se nɛmɛ naa ba vɛ kɔrigi o li chɛl.

Tuma 15:29

Ma ta di vursi diwe a ta se nɛmɛ naa ba vɛ kɔrigi o li chɛl a ta tum chɔkumsi tuma. Ma gil nan kin nama yaali, ma zi tiŋ Yesuu nɛnɛ. Ma zaami dɔŋa a nyɛ ya.”

Room 12:1

Mu niinbisa, Koosa funɛ kpak ma sikiu kinkan. Chendaha mu sumi ma di ma kpa ma titi a nyɛ un a chi nara yaa kpa kina a kɔɔri kɔɔra chen. Ma ya chen a ya nibin were, ma zi tiŋ unu nɛnɛ a sɔɔni o tuha kinkan.

Room 7:23

amaa mu zimu di mu bara kuru aa yo mu bambi lise a kpak min, chen ni mu zi la nɔɔniu a tum mu bara tum tagna.

Room 8:13

Yaa tiŋ ya bara kina, Koosa zi wa ta ya yɔriu. Amaa ma ka vɛ ma bara tum tagna tiŋi Koosa siim weri ti kpok daha, ma zi kpak o miisa naa vɛ kpak bɔu.

2 Kɔr. 5:20

Yesu Kristo funɛ tum ya ma wati, chen ni Koosa zi kotiu a sɛm sɛma a nyɛ ma. Ya sumi mau Yesu Kristo daha di ma wa Koosa ya nɔ bɛgim a peti.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

Gal. 5:24

Ba naa Yesu Kristo dɔ, ba funɛ kpa ba titi daŋnɛu a ta.

Ɛfɛ. 2:19

Ma naa vɛ ya Ju tima, wa bu ya hɔɔra. Ma wa Koosa nara lagmi dɔŋ ni a li Koosa walɛ ni.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

2 Tim. 2:22

Ta tiŋ i titi daŋni a chi ba naa ya bunɔɔna, amaa kpak un i bambi ni a tum tum were kinkan a nyɛ i si su Yesu aa kidaŋni nara awa bara sɔɔni ni. Kilagmi ba naa kpak bambi chaanɛ a la sumi Koosa di o suŋi ba.

Ju 11:13

Nara tima maga funɛ siti, ba se ha funɛ vɛɛn su Koosau. Ba funɛ nyɛn, ba wa fun koti a la kin nawara Koosa fun vɔu di o nyɛ ba chen. O chi ba funɛ na a a li bar boli nee a kpak bambe di ba la a. Ba funɛ nyɛn tɛɛnɛ nɔ maga ni, ba funɛ biksi narau di ba ya hɔɔrawa dooni.

Ju 6:9

Mu bi daŋnɛ, ya wara lisi di ma chi kɔha awa sɔta bar nyɛni tirɛ. Ya se su di ma kpak chenani Koosa fun yisi ma a li ma tum tagna niu nɛnɛ a tum tum were a nyɛ un.

Jems 4:1

Yɛrɛ maa yo dɔŋa aa la muksi dɔŋa saha maga? Ma titi daŋni nɛɛ maa yo dɔŋa.

1 Pita 1:1

Mu waa, Pita, naa ya Yesu Kristo nitumi, la sɔbi tɔn nɔ a nyɛ ma naa nyɛn Pɔntus, Galesia, Kapadosia, Azia awa Baitinia pulumsi ni. Ma ya hɔɔrawa tɛɛnɛ nɔ maga ni. Koosa funɛ lisi ma a nyɛ o titi ni.

1 Pita 1:17

Maa sumi Koosa, ma yir un mu nyana. Wuzu digi o zi wa di nibinsa maga sɛriau a li ba tuma ni. O wara daŋni bɔnɛ aa gil bɔnɛ. Chendaha wuzuna a naa kaɛɛ nan, ma nyɛ un jirima kinkan.

1 Pita 4:12

Mu bi daŋnɛ, ma ta nyɛ o jɛri ma di ma namsi kinkannɛ lalaknɔ.

1 Pita 4:2

a kitiŋ Koosa tutɔ wuzuna naa kaɛɛ ni.

2 Pita 3:1

Mu bi daŋnɛ, nɔnɔ ya tɔn bilɛ tiina mu sɔbi a nyɛ ma. Tɔna lɛ na tuha, mu daŋni maa lisi tu chaan kina wɛwa.