1 Kɔr. 9:19 - Tampulma

¹⁹ Nandigi wa dɔ min, amaa mu funɛ kpa mu titirɛ a burgi yoma a tum a nyɛ nara maga ni, chen ni mu zi kotiu a la ba nidamata a nyɛ Koosa ni.

1 Kɔr. 9:19 ပူးပေါင်းရင်းမြစ်များ

Mat. 18:15

“I dɔŋtiina tum tum tagin a nyɛ hin, kila o titi wati a la ŋɔ un di o tum galimsau. O la nɔɔni, o wa hin bu ya nɔ bɛgim.

Room 1:14

Girik tima awa ba naa vɛ nɛɛgi, nɛha tima awa nyu bilim tima, o lawa mu biksi Koosa laaboor weri tiu a nyɛ ba maga ni.

Room 11:14

Nan daha, amii mu titi nara bɔnɛ kpak ma handɔtau, chen ni Koosa zi koti a yisi bau a li ba tum tagna ni.

Room 15:2

amaa ma nyɛ ya gbanko kilisi ya dɔŋtima kina wɛ, chen ni ba gbanko zi kpoku a chi ya.

1 Kɔr. 10:29

O wa ya ma lisi daharɛ, amaa ma dɔŋtim ta lise daha. Chendaha mu ŋɔ ma di ma ta diili. Ma nidigi zi ŋɔ minu, “Mu vɛ chi chen, baŋnɛ mu kaa kpak mu titi mu dɔŋtim ta lisi daha?

1 Kɔr. 10:33

Maa tiŋ chenani muu tiŋ chen. Kina maga mu ya, mu yaa kpaŋiu di mu sɔɔni nara maga tusa. Mu wara lisi mu duŋduŋ nyɔɔra naali, amaa nidamata nyɔɔra naalirɛ muu lisi, chen ni mu zi kotiu a la ba a nyɛ Koosa ni.

1 Kɔr. 7:16

Ma nihaana, ma wa zim di Koosa zi kotiu a yisi ma baalasa a li ba tum tagna ni ma dahaa? Ma nibaala, ma wa zim di Koosa zi kotiu a yisi ma haanasa a li ba tum tagna ni ma dahaa?

1 Kɔr. 9:1

Mu wati, mu wa dɔ mu titii? Mu wa ya Yesu Kristo nitumɛ ta digirɛɛ? Mu wa fun na ya kunyan Yesuu? Ma waa tiŋ Yesu domi mu funɛ wa ma wati a biksi ma Koosa laaboor weri ti wɛɛ?

2 Kɔr. 12:14

Mu funɛ piin a wa ma watiu bilɛ. Lalaknɔ mu bur a saksiu di mu wa. Mu wa pu ma, mu wara daŋni ma wa lisi kundɔŋ a li ma kin ni a nyɛ min. Mu daŋni ma kpa ma titirɛ a ka nyɛ min. Ma chi mu bisiwa. Bichɛsa wara dɛɛsi ba nyama awa ba numa, amaa ba nyama awa ba numa ka la dɛɛsi ba.

2 Kɔr. 4:15

Yaa di namsiu a chi nan ma Yesu nitiŋɛ ta daha. Chenani Koosa suŋi nidamata ba wa zim un a gbaari, ma zaami awa ma Koosa pɛgi zi lagmiu a gbaari.

2 Kɔr. 4:5

Ya wara biksi narawa ya titi wɛ. Ya ka biksi ba Yesu Kristo naa ya ya kunyan ti wɛwa. O daha ya wa ya ma tumtumsa.

Gal. 5:1

Kristo funɛ lisi yau a li yosi ni. Maa kpak chen nɛnɛ, a ta bu nyɛ nara kpak ma a ya yosa.

Gal. 5:13

Mu niinbisa, Koosa funɛ yir ma di ma ta ya yosa. Amaa lalaknɔ o yisɛ mau, ma ta bu tiŋ ma titi daŋnɛ. Ma ka daŋni dɔŋa a kisuŋi dɔŋa.

1 Tim. 4:16

Kidoso i nyɛni ni awa chenani i biksi nara. I kpak kin nama nɛnɛ, wuzu digi Koosa zi wa yisi i wa ba naa la nu i nɔu a li ma tum tagna ni hali a wa peti.

2 Tim. 2:10

Chendaha mu di mu namsi maga, chen ni Koosa zi wa yisi ba naa o fun lisiu a li ba tum tagna a kpa o jirima zen naa vɛ kpak bɔ a nyɛ ba. Ya wa Yesu Kristo ya nibɛgimnɛ. Chendaha Koosa koti a ya chen.

1 Pita 3:1

Nihaana, ma gbanko kitiŋ ma baalasa nɔɔna, chen ni ba bɔnɛ se vɛ su Koosa laaboor weri ti, ba zi daŋni ba burgiu a tiŋ un chenani maa tum daha. Ba wa zi burgi a tiŋ un ma sɛm daha,