1 Kɔr. 7:32 - Tampulma

³² Mu wara daŋni tɛɛnɛ nɔ maga kina kimuksi ma tusa kinkan. Nibaal naa vɛ kpak haan, o nyɛ o si sɛri a du ya kunyan ti tum ni, chen ni o tuha zi sɔɔniu.

1 Kɔr. 7:32 ပူးပေါင်းရင်းမြစ်များ

Mat. 13:22

Kiduha naa funɛ chesi sɔta bar nyɛni ni chen chi ba naa nu laaboor ti, amaa tɛɛnɛ nɔ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Maak 4:19

amaa ba tɛɛnɛ nɔ wi yaalɛ awa ba malɛ daŋni kinkan awa ba wi lise maga wa zu ba bambe ni a chɔk laaboor weri ti, chen ni o wa kikoti a lul ba tusa ni.

Jɔn 10:13

Ba funɛ bɔ un o nyini ti daha. Chendaha o vɛ chiŋi a kok a.

1 Kɔr. 7:33

Amaa nibaal naa kpak haan, o si yaa sɛri a du tɛɛnɛ nɔ maga kina ni, chen ni o zi sɔɔni o haan ti tuhau. O yaa vɛɛn a daŋni di o si sɛri a du ya kunyan ti tum ni, chen ni o tuha zi sɔɔniu.

Filip. Tima 4:6

Ma ta nyɛ wu digi kimuksi ma, amaa maa zaami Koosa a kisumi un di o kpa kin naa maga ma daŋni a nyɛ ma.

1 Tim. 5:5

Luhaan vɛ kpak nandigi o nyini un ka o kpak bambi bɛgim Koosa ni a la sumi un di o suŋi un nha awa dusum, o ya luhaan wutirɛ.