1 Kɔr. 15:45 - Tampulma

⁴⁵ Ba funɛ sɔbiu a li Koosa sɛm tɔn ti ni a ŋɔ, “Koosa funɛ te naami nibine naa ba funɛ yir Adam ka o kpak miisa.” Amaa Adam naa funɛ tiŋ gantɛl chen, waa ya siim naa la nyɛ nara miisa. Waa ya Kristo.

1 Kɔr. 15:45 ပူးပေါင်းရင်းမြစ်များ

Jɔn 1:4

Koosa miisa naa vɛ kpak bɔ nyɛn un ni. Nara wa la o miisi ti, ba wa bu a nyɛn birsi ni. Ba zi nyɛn nha nɛɛ.

Jɔn 10:10

Ŋmɛɛr yaa wa zu bol di o ŋmɛ piisisi ta a kpu a. Min ka la dɛɛsi a. Min funɛ wa di mu wa kpa Koosa mi fali ti a nyɛ nara ni. Waa kaali ba titi miisa kinkan.

Jɔn 10:28

Mu kpa Koosa mi fali naa vɛ kpak bɔ a nyɛ a, chen ni o wa zi bu na a galimsa a ta a yɔri. Nandigi wa zi fuksi a n wati.

Jɔn 14:19

Saha naa tɛɛnɛ nɔ tim maga vɛ kaa wa na min chen duglɛu, amaa ma waa ka zi bu na minu. Domi mu zi wa si mu sou niu, ma gbanko zi wa si ma sou niu.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 4:10

Yesu fun ŋɔ un, “I fu zim chenani mu du, i fu zi sumi min di mu nyɛ hin niu i nyɔ. Mu wa zi dɔ ni bugul nɔ ni a nyɛ hin. Mu ka zi kpa ni paliu a nyɛ hin.”

Jɔn 4:14

Ba naa maga ka nyɔ ni naa n nyɛ ba, nyɔksi wa zi bu kpak ba. Mu daŋni mu kpa Koosa mi fali naa vɛ kpak bɔ a nyɛ nara ni. O mi fali ti chi nisire naa nyɛ ni pal ba tuhu ni saha maga.”

Jɔn 5:21

Waa lɛlɛ siwɛ a li ba sou ni. Mu waa naa ya o be gbanko lɛlɛ siwɛ naa mu yisi a li ba sou ni.

Jɔn 6:33

Waa funɛ tum min a li o tɔhɔn ti ni di mu wa tɛɛnɛ nɔ maga, chen ni nara maga zi na nyinbaanu a la o mi fali naa vɛ kpak bɔ.”

Jɔn 6:54

Ba naa maga wa di mu bara aa la nyɔ mu chɛl ti, na o mi fali naa vɛ kpak bɔu lalaknɔ. O wa wa di o di tɛɛnɛ nɔ tim maga sɛria, mu zi lɛli bau a li ba sou ni.

Jɔn 6:57

Mu nyan naa ya mi fali ti tiina, funɛ tum min ma wati. O daharɛ mu nyɛn. Chen vɛɛna, ba naa maga di min nyɛn mu daharɛ.

Jɔn 6:63

Ba funɛ lul ma, ma wa fun kpak Koosa miisa naa vɛ kpak bɔ. Koosa siim weri ti wa nyɛn nar ni, o fun kpa Koosa mi fali naa vɛ kpak bɔ a du o bambi ni. Mu ŋɔ ma lalaknɔwa chenani ma zi na o mi fali ti,

Jɔn 6:68

Simɔn Pita fun ŋɔ un, “Mu kunyana, anti watɛɛ ya kaa la? Hin kpak Koosa mi fali naa vɛ kpak bɔ sɛma,

Tuma 3:15

Ma waa funɛ kpu naa kpa Koosa mi fali a nyɛ nara ni, amaa ya funɛ nau wa ya se ni ka Koosa lɛli un a li o sou ni.

Room 5:17

Nibin bɛgim tum tagna daha, nidamata fun siti. Lalaknɔ Koosa koti a suŋi ya kinkan a bu vɛ na ya galimsa a nyɛ ya o mi fali ti Yesu Kristo daha. Chenani Koosa tum kaali nibin bɛgim ti tuma kinkan.

Room 5:21

Nibinsa tum tagna funɛ nyɛ nara maga siti, amaa lalaknɔ Koosa suŋi yau a bu vɛ na ya galimsa a nyɛ ya o mi fali naa vɛ kpak bɔ ya kunyana Yesu Kristo daha.

Room 8:2

O siim weri naa funɛ kpa o mi fali ti a nyɛ ya, funɛ yisi ya a li tum tagna kpok ni awa chenani Koosa zi ta ya yɔri, domi ya wa Yesu Kristo ya nibɛgimnɛ.

1 Kɔr. 15:46

Ma zimu di ya wa fun te kpak siim bara. Ya funɛ te kpak bara titirɛ a zi wa kpak siim bara.

Filip. Tima 3:21

O wa wa, o zi chɛrgi ya barau a naa vɛ kpoki a kɔɔri a a chi o titi bara naa kpak kpok awa chaani kinkan. O kpok nɔ gbanko zi nyɛ o lagmi kina magau a dɔ a.

Kɔl. 3:4

Saha naa Kristo naa nyɛn ma ni, wa bur wa tɛɛnɛ nɔ maga, ma wa un zi wa lagmi dɔŋ niu a bɔni o jirima awa o chaani kinkan.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

JɔnN Deesi 16:3

Malaikasa lɛ tiina fun la biti a du teku ni ni. O fun burgi a chi siwi chɛl di kin naa maga nyɛn un ni siti.

JɔnN Deesi 21:6

Mu tum peteu. Mu vɛ kpak piili a nyɛn a vɛ kpak peti. Mu mi fali naa mu kpa nyɛ nara ni chi nisire. Ba naa maga nyɔksa kpak, mu zi nyɛ ba nyɔ dooniu yɔri.

JɔnN Deesi 22:1

Malaika ti fun biksi min Koosa mi fali pul naa la chaani a chi diga. O funɛ li Koosa awa piisi be ti jirima bar kani nɛɛ,

JɔnN Deesi 22:17

Koosa siim weri ti awa piisi be haan ti la ŋɔ, “Ma wa.” Ba naa maga nu ba sɛma zi gbaari a ŋɔ, “Ma wa.” Ma naa maga nyɔksa kpak, ma wa nyɔ Koosa mi fali ni yɔri.