1 Kɔr. 14:29 - Tampulma

²⁹ Koosa witinsa ba naa la zi sɛm a li Koosa kpok ti ni, ma nyɛ ba ya nara balɛ akoo nara batora duŋduŋ nyɛ ba dɔŋtima kani a nu ba sɛm tima nɛnɛ aa kilisi a maga wɛ.

1 Kɔr. 14:29 ပူးပေါင်းရင်းမြစ်များ

Tuma 13:1

Yesu nitiŋɛ ba naa funɛ nyɛn Antiɔk ni, bɔnɛ yaa mɔɔli Koosa laaboor weri ti. Bɔnɛ ka yaa biksi ba o mun. Ba funɛ yir ba sɔna, Barnabas, Simiɔn naa funɛ ya nibin bilim, Lusius naa funɛ li Sairini pulum, Manayɛn naa wa koor Hɛrɔd funɛ lagmi a bi, awa Sɔɔl.

1 Kɔr. 12:10

a nyɛ bɔnɛ kpok di baa tum alaazibu tuma. Bɔnɛ koti aa sɛm Koosa wɛ a li o kpok ti ni, ka bɔnɛ koti aa zim papaha a naa li Koosa wati awa papaha a naa vɛ li o wati. Bɔnɛ sɛm sɛm kurgɛ, ka bɔnɛ koti a biksi a muna aa nyɛ nara ni.

1 Kɔr. 13:2

Mu koti a biksi nara Koosa wɛ nɛnɛ o kpok ti ni, a nɛɛgi kinkan a zim Koosa kisogle a kpak kpok a zi koti a ŋɔ bi ni di o si o bar chiŋi ti ni aa la bar digi. Mu koti aa tum nan maga a vɛ daŋni nara, o ya yɔrirɛ.

1 Kɔr. 14:28

Ma wa lagmi dɔŋ ni, nandigi vɛ nyɛn dooni a la zi koti a biksi a muna, ma nyɛ ba gil, amaa ma nyɛ ba sɛm ba bambe ni a nyɛ Koosa ni.

1 Kɔr. 14:30

Nandigi kanɛɛ ka Koosa biksi un kundɔŋ di o wa sɛm, naa la sɛm chen gil a nyɛ nikani ti si sɛm.

1 Kɔr. 14:32

Ba naa la sɛm a li o kpok ti ni, o lawa ba kpak ba titiu nɛnɛ.

1 Kɔr. 14:37

Ma naa la sɛm di maa sɛmu a li Koosa kpok ti ni, akoo ma kpak o siim weri ti papaha tirɛ, o lawa ma gbanko zimu di chenani mu sɔbi a nyɛ ma nan ya ya kunyan ti chiksirɛ.

1 Kɔr. 14:39

Mu niinbisa, ma nyɛ ma se sɛri a kisɛm Koosa sɛma a li o kpok ti ni. Amaa ma ta tɔ ba naa la sɛm sɛm kurgɛ chen nyinbaan.