1 Kɔr. 12:28 - Tampulma

²⁸ Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

1 Kɔr. 12:28 ပူးပေါင်းရင်းမြစ်များ

Maak 16:17

Ba tum nɛɛ ma zi wa zim ba naa se su min. Ba zi koti a kpa mu sɔnu a duŋni alizin tagna a li nara ni a bu sɛm sɛm falɛ,

Luk 6:14

Ba naa o fun lisi chen sɔna funɛ ya Simɔn (Yesu fun du un sɔn fali Pita), awa o niinbe Andiru, Jems, Jɔn, Filip, Bartɔlɔmi,

Tuma 11:27

Saha naa Barnabas awa Sɔɔl fun nyɛn Antiɔk ni, Koosa witinsi ta bɔnɛ fun li Jɛrusalɛm a kaali dooni.

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

1 Kɔr. 10:32

Ma doso ma ta wa ya wu digi naa la zi chɔk ma dɔŋtim ta lisi aa muksi ba. Ju tim ta akoo ba naa vɛ ya Ju tima koo ba naa ya Yesu nitiŋɛ, ma ta wa ya chen a nyɛ nandigi ni.

1 Kɔr. 12:18

Amaa chen laata Koosa fun naami ya. O funɛ kpa ya bara luk pɛksiwa a lagmi a chi chenani o daŋni.

1 Kɔr. 12:29

Ma maga wa ya Koosa nitumɛ ta. Ma maga wa ya o witinsi ta. Ma maga wa ya o nibiksɛ ta. Ma maga wara tum alaazibu tum ta.

1 Kɔr. 12:30

Ma maga wara tiibi nara akoo a sɛm sɛm kurgɛ, koo a biksi sɛm kurgɛ ta muna,

1 Kɔr. 14:2

Nibine naa la sɛm sɛm kurgɛ, o wa ya di nar nɛɛ o sɛm aa nyɛ, amaa Koosa nɛɛ o sɛm aa nyɛ. A ya wu soglewa o sɛm a li Koosa siim weri ti kpok ti ni, amaa nara wa zim a muna.

1 Kɔr. 14:4

Nibine naa la sɛm sɛm kurgɛ, o suŋi o titirɛ, amaa naa la sɛm a li Koosa kpok ti ni, waa la suŋi Yesu nitiŋɛ ta maga.

1 Kɔr. 14:5

Ma maga kote aa sɛm sɛm kurgɛ, mu fu daŋni chenu. Amaa ma kote aa sɛm a li Koosa kpok ti ni, chen zi sɔɔni mu tuhau kinkan. Nibine naa la sɛm a li Koosa kpok ti ni, waa bɔ wa naa la sɛm sɛm kurgɛ, see o koti a biksi a muna a suŋi Yesu nitiŋɛ ta.

Ɛfɛ. 2:20

Koosa nara chi dɛrɛ o sa. O witinsa ba naa funɛ nyɛn saha digi, awa o nitumɛ ba naa funɛ te biksi ba, ba chi dɛ ti zɛchik piilire. Yesu Kristo titi ya dɛ barmɔgli buŋkul. Lalaknɔ ma gbanko ya dɛ ti bar digirɛ.

Ɛfɛ. 3:5

Saha digi hali lalaknɔ Koosa wa fun biksi o wu sogle ta mun. Amaa lalaknɔ o kpa au a li gbampulim a nyɛ o siim weri ti biksi o witinsi ta awa o nitumɛ ba naa o fun lisi a nyɛ o titi ni.

1 Tim. 5:17

Yesu nitiŋɛ nihɛɛta ba naa la nyini ba nara nɛnɛ a kpak si sɛm aa biksi nara Koosa wɛ kinkan, o lawa ba na jirima bilɛu.

Ju 13:17

Maa tiŋ ma nihɛɛti ta nɔɔna saha maga. Wuzu digi Koosa zi wa daŋni ba wa ŋɔ un chenani ba fun tum a nyɛ unu. Chendaha ba vɛ koti a hiisi a la nyini ma. Ma tiŋ ba nɔɔna, ba zi tum ba tuma wa tu sɔɔniu. Ma vɛ tiŋ ba nɔɔna, ma zi chɔk ba tusau ka o vɛ suŋi ma.

Ju 13:24

Ma zaami ma nihɛɛta awa Koosa nara ba naa maga nyɛn ma ni, a nyɛ ya. Ma niinbisa ba naa nyɛn Itali pulum ni, ba gbanko zaami mau.