1 Kɔr. 11:34 - Tampulma

³⁴ Lɔsa kpak ma nidigi, o yaa di o dam ni a zi wa. Ma ta di diwe naa vɛ kpak nyinbaan wa ma diili, chen ni Koosa wa zi na paan a du ma ni. Mu wa bur wa ma wati, mu zi biksi ma wɛ naa kaɛɛ.

1 Kɔr. 11:34 ပူးပေါင်းရင်းမြစ်များ

1 Kɔr. 11:33

Mu niinbisa, ma yaa lagmi dɔŋ ni di ma di ya kunyan ti diwe ta, ma yaa kipɔ dɔŋa. Ma ta yaa kitaŋsi a kidiili.

1 Kɔr. 16:1

Ma funɛ sɔbi tɔnnɛ a pɛɛsi min malɛ naa mu daŋni ma la a nyɛ Koosa nara ba naa nyɛn Judia pulum ni chen wɛ. Maa tum chenani mu fun ŋɔ Yesu nitiŋɛ ba naa nyɛn Galesia pulum ni, di baa tum chen.

1 Kɔr. 16:2

Aleedi wuzu kam, ma maga yaa zer kinkin naa maa daŋni ma la a li kinkin naa Koosa nyɛ ma chen aa dau. Maa ya chen, mu wa wa ma zi la petiu.

1 Kɔr. 16:5

Mu daŋni mu la Masɛdonia pulumnɛ. Mu wa li dooni, mu zi wa nyɛn ma watiu wuzu bilɛ.

1 Kɔr. 4:17

Mu zi kpa Timotiu a tum ma wati di o wa biksi ma nyinbaan naa ma zi tiŋ wɛ. Waa ya mu bi daŋni a li Kristo ni a ya wuti tiina. Waa la zi wa lisi ma chenani muu tiŋ aa tum tuma Yesu Kristo wati. Chen nyinbaannɛ mu fun kpa biksi Yesu nitiŋɛ ba naa nyɛn bawu maga ni.

1 Kɔr. 4:19

amaa mu zi wau. Koosa la nɔɔni, mu zi wau lalaga a zim ba naa la zer ba titi chen. Anti la sɛm nan ni? Ba kpak kpok akoo ba wa kpak kpok, mu daŋni mu zim chen.

1 Kɔr. 7:17

Adaha nara maga kitum aa di a chi chenani o fun piinsa tum aa di hali Koosa fun yir un. Chene Koosa daŋni nara maga kitum aa di. Mu biksi Koosa nitiŋɛ ta bawu maga ni a chi chen.

Tait. 1:5

Mu funɛ gil hin Krit ni, i kpalimi dooni a kɔɔri Yesu nitiŋɛ kina a lisi nihɛɛta a li doonani maga baa lagmi. Lisi chenani mu fun ŋɔ hin.