1 Kɔr. 10:32 - Tampulma

³² Ma doso ma ta wa ya wu digi naa la zi chɔk ma dɔŋtim ta lisi aa muksi ba. Ju tim ta akoo ba naa vɛ ya Ju tima koo ba naa ya Yesu nitiŋɛ, ma ta wa ya chen a nyɛ nandigi ni.

1 Kɔr. 10:32 ပူးပေါင်းရင်းမြစ်များ

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Tuma 24:16

Mu yaa fun kpak unu mu bambi ni di mu tum mu tuma wa tu bɛgim ni Koosa awa nara suwachak ni.

Room 14:13

Chendaha o wa lawa ya di dɔŋa sɛria. Ma doso ma ta wa ya wi naa la zi nyɛ ma dɔŋtima tum tum tagna a cheli.

1 Kɔr. 1:2

Min la sɔbi tɔn nɔ, a nyɛ Koosa nitiŋɛ ba naa nyɛn Kɔrint ni. Domi ma wa Yesu Kristo ya nibɛgimnɛ, lalaknɔ Koosa dɔ ma. Koosa titi funɛ yir ma di ma wa o wati a wa burgi o bisa. O gbanko funɛ yir ba naa nyɛn bawu maga ni a sumi un di o yisi ba a li ba tum tagna ni. Yesu ya ya kunyana awa ba kunyana.

1 Kɔr. 10:33

Maa tiŋ chenani muu tiŋ chen. Kina maga mu ya, mu yaa kpaŋiu di mu sɔɔni nara maga tusa. Mu wara lisi mu duŋduŋ nyɔɔra naali, amaa nidamata nyɔɔra naalirɛ muu lisi, chen ni mu zi kotiu a la ba a nyɛ Koosa ni.

1 Kɔr. 11:22

Yɛrɛ? Ma wa kpak damsa doonani ma zi di aa kinyɔɔ? Ma wara zɛɛmi Yesu nitiŋɛ taa? Ma wara du Yesu nitiŋɛ ba naa ya fara tim ta wa hiisarɛɛ? Yɛrɛ ma bur a daŋni mu ŋɔ ma? Mu pɛgi maa? Aai. Mu wara pɛgi ma.

1 Kɔr. 12:28

Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

1 Kɔr. 15:9

Min tiŋ gantɛl a li Yesu nitumɛ ta ni. O wa deŋli di ba yir min o nitumi, domi min funɛ muksi Yesu nitiŋɛ ta kinkan chen.

1 Kɔr. 7:17

Adaha nara maga kitum aa di a chi chenani o fun piinsa tum aa di hali Koosa fun yir un. Chene Koosa daŋni nara maga kitum aa di. Mu biksi Koosa nitiŋɛ ta bawu maga ni a chi chen.

1 Kɔr. 8:13

Adaha nɛmɛ mu zi se bur mu dɔŋtima gantɛl, mu wa zi bu se un, chen ni mu dɔŋtim ta wa zi wa chel.

2 Kɔr. 1:1

Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

2 Kɔr. 6:3

Ya wara daŋni nandigi nyini ya tuma a na ya galimsa. Chendaha ya doso di ya ta wa tum wu digi a tɔ nara nyinbaanasa.

Gal. 1:13

Ma zimu di saha digi mu funɛ tiŋ Koosau a chi Ju tim ta, mu fun a muksi Yesu nitiŋɛ ta kinkan. Mu wa fun a kpak ba siki a la daŋni mu chɔk ba maga.

Filip. Tima 1:10

chen ni saha maga ma zi kotiu a zim a lisi nyinbaan weri. Ma ya chen, Kristo wa bur wa, ma zi kotiu a chem un wa tu chaani a ta kpak galimsa.

Filip. Tima 3:6

Nandigi wa zi koti a ŋɔ di mu funɛ chɔk au. Mu se funɛ sɛriu hali mu muksi ba naa tiŋ Yesu kinkan.

1 Tɛs. 2:14

Mu niinbisa, kin nawara funɛ ya Koosa nitiŋɛ ba naa funɛ nyɛn Judia pulum ni a tiŋ Yesu Kristo chen, chen vɛɛna ya ma doon gbanko chen ni. Ma titi nara funɛ muksi ma kinkan a chi Ju tima funɛ muksi Yesu nitiŋɛ ta a li Judia pulum ni.

1 Tim. 3:15

Mu vusɛɛ, tɔn nɔ zi biksi hinu chenani ya zi nyɛn wa dɔŋ niu. Ya naa la tiŋ Koosa naa nyɛnɛɛ, ya waa ya o wuti niilɛ.

1 Tim. 3:5

Nar vɛ koti a nyini o walɛ nɛnɛ, yɛrɛ o kaa ya a koti a nyini ba naa tiŋ Koosa?