Santiago 5:7 - NandevaBiblia

⁷ Katynga shyryvyre, pyhãrõ kavi Ñandeja oujypeve. Pymaĩhe marãra ma'ẽty'ia hãrõ ñotyva ia mynoo verã, hãrõ kavi vãhẽshupeve aremba haiviva hareka arẽãmba haiviva.

Santiago 5:7 ပူးပေါင်းရင်းမြစ်များ

Mateo 16:27

Shara kuareta Tay, oujypokui Tuu hĩmbipekue ryheve hareka jokuevare hãndi. Haipe Tũpa meẽposhu pepenteĩ japo vekuare jurureva rãĩmi.

Mateo 16:28

Ãñete hai pee kopepeĩva, manoãteripokui, heshapeve ko kuareta Tay Mburuvisha vasurã.

Mateo 24:27

Verava heshava rãĩmi kuarasy ichea kytyve, kyrãpokui vãhẽma ara kuareta Tay oujy verãperã.

Mateo 24:44

Tẽvã, pẽĩ kavipopeĩ, shara pimoãmbapeĩvape, kuareta Tay oujypokui.

Lucas 18:8

She hai pee; areãpo ou mbivachekashu reta. Tẽvã ko kuareta Tay vãhẽma ara oujy verãperã, heshara teripokui ko yvy'ĩãrẽ kuareta jyrojava?

Lucas 21:27

Haipe heshapo reta kuareta Tay oujyma ãvãpỹtupyrã mbaikatukuepy hareka tivisha hĩmbipekue ryheve.

Lucas 8:15

Timĩty yvy kaviape oava hai henduva Tũpa ĩñee, pya kavipe hareka hekope kavi nãtuva, hareka japova ñee hendu vekua, hãrã ia kavi hasa asytẽ'ia.

Juan 21:22

Jesús heishu: She aipotarã hai ĩmeĩteripo'ikui, aijypeve. Mbaivara nde hokava? Nde, ei shimi'ĩrũ.

Juan 21:23

Hãrã mbe'uha opaite Jesure jyrojavare mbytepe, hokava mboirea manombahai verã. Tẽvã Jesús he'iambashu manombahai verã, kyrãreii heishu: “Aipotarã ĩmeĩteripo'ikui, aijypeve. Mbaivara nde hokava?”

Romano 15:4

Shara opaite Mbyparahava hai ñanymboi kavi verã, ñyhãrõkuaa rupii hareka pya kavi meẽ ñandeva Mbyparahava, ĩmejare verã ñahãrõñaĩva.

Romano 2:7

Tũpa meẽposhukui tykove opambava, opaite haikavivaĩ japo'iare, haikavivaĩ Tũpaivi hekavare, mandu'akavihea hareka pente tykove katumba mambaihava.

1 Corintios 1:7

Hãme rãnga, pyhãrõteripẽĩ Ñandeja Jesucristo oujy verãrã, mba'etyãpope mbai kavikue Tũpa meẽpeva.

Galatas 5:5

Tẽvã ñande, Espiritu rupii, ñahãrõ jyvyĩ he'ia ñandyrehe verã kyambaa Tũpa hỹnonde jairojakue rupii.

Galatas 6:9

Hãrã avy ñanykangy jajapo verã mbai haikaviva; hãrã ñanate'ỹãrã vãhẽpokui ara ñamynoõ verãpe.

Colosenses 1:11

Tũpa ñymbaikatukue tivishava rupiipo pynymypyrãta, hãrãpo opava porãmbava pijepyhekui ñyhãrõkuaa rupii, hareka kyrã vy'akue ryheve.

1 Tesalonicenses 1:3

Yrỹmanduañoĩ pyrehe ñanu Tũpa hareka Ñanderu hỹnonde marãra jyhaihupe pymba'apo hareka marãra pirojaiterã hetavape pymbory, hareka marãra pyharõkuaa Ñandeja Jesucristo.

1 Tesalonicenses 2:19

Shara, mbaivara katu hãrõhã'ẽ, ỹrỹmbyvyava, hareka jyrojahahe verã Ñandeja Jesús oujymarãme? Ambe'uãperã, mba'etypojy yngava.

1 Tesalonicenses 3:13

Hãma jururehajyshu Ñandeja Jesús meẽpe verã pyrãtakue piroja kavihe verã Tũpa, meẽpe verã pente pya kapyryva hareka kyambaa. Kyrãpo oujyma hãndi opaite henta'ĩrũ kyambaare pyhỹrõva retarã, mba'etypo porãmba he'iha pyndyrehe verã Tũpa hỹnonde.

Hebreos 6:15

Abraham pyareheimba'i hãrõrerã, hãrã Tũpa hipitykashu hai heishua meẽshu verã.

Santiago 4:11

Shyryvyre avy pijeta porãã ijehe. Pyndyryvyhea ĩñeepe ñymbyvaisho'ihea maĩrã mbivache'ia, porãã ijeta hareka mbijiche Moisés mbypara vekua japoa verã. Hãrã rĩpirĩmbijicherã, rĩñyñonoma pirĩmbijiche'ia rãĩmi rijapoĩtẽ verã.

Santiago 5:10

Shyryvyre, pyraha pindijehe marãra hasa'asy hareka hãrõ kavi Tũpa ĩñee mbeu'iare arykaivare Ñandeja hee ijeta'ihe vekuare.

Santiago 5:3

Ita verava ijuva hareka ita vera tĩĩva ĩmepyreva opa jai hareka jaiikue haipo jere pyndyrehe hareka tata rãĩmipo pyndyroo karuhe. Mbai hehepy vekua pymbatypi ara opamapo'ia.

2 Pedro 3:4

Hareka pyrãndupo: “Mbaivara ikoshi ñee me'ẽãva Cristo oujy verã ryheva? Yreru reta rãnga opama mano, hareka kova yvy ĩmeĩ'ẽ arykai jypyite japohava rãĩmi”.