Santiago 5:16 - NandevaBiblia

¹⁶ Hãme pymbeupo ijupe mbai porãmbare pijapova hareka pirure ijehe pykuera verã. Heko kaviva japova ñymboi heta ĩmere mbaikatu hareka pyrãtakue.

Santiago 5:16 ပူးပေါင်းရင်းမြစ်များ

Mateo 21:22

Opava maĩnunga pee pirureshuva Tũpa, pirojakue rupii pipitypo.

Mateo 3:6

Opama ñymbeu reta mbai porãmba japo vekuaivirã, Juan myngaraishu reta yy syryva Jordanpe.

Marcos 1:5

Hãma opaite Judeavare hareka Jerusalenpe'õre, jyraha Juan ẽvãpe jasakahe verãre. Mbeuma reta mbai porãmba japo vekuarã, Juan myngaraishu reta yy syryva Jordanpe.

Lucas 9:6

Haivi õhẽ retarã jyraha tentamirehupi, mbeu Ñee haikaviva hareka opa rupi pyrỹmynguera reta.

Juan 9:31

Jaikuaa rãnga Tũpa henduãshu mbai porãmba japo'ia retarã; koñeĩ hendushu jyrojahea, hareka ĩñee japoshuva.

Hechos 10:38

Tũpa ñonohẽ Jesús Nazareno Espiritu Santo hareka ñymbaikatukuepy, heta Ãña ichepy vekuare opa kuera, shara Tũpa ẽẽ hãndirã.

Hechos 19:18

Heta haipe hãirã jyrojavare ñymbeujyrã mbeu reta mbai porãmba arykai japo vekuare,

Hechos 8:24

Hãrã Simón hei: Pirure katu shyrehe Ñandejape, mãhẽ jehushekui kova mbai perepẽĩsheva.

Romano 3:10

Kyrãã rãngapo! Shara Mbyparahavape hei: “Añete mba'ety heko kaviva.

Romano 5:19

Shara kyrã pente kuimbai ĩñee rẽndumbaa rehe hetava he'iahe heko porãmbare, pente kuimbai ĩñee rẽnduva rehe hetava he'iapohe heko kaviva.

Colosenses 1:9

Hãme rãnga ore, hoka arape kuaaharãvãĩ, pente aramba hasa yryheviva jurureha'i pyndyreherã. Jurureha Tũpape kuaaka kavipe verã hai potava, meẽpe verã ãrãndu hareka mbaikuaa Espiritu Santo meẽva.

1 Tesalonicenses 5:17

Opa ara pirure.

1 Tesalonicenses 5:23

Tũpateiva, pyavapy Tũpa ña'ãpova, pynymbyheko kavi hareka tiñono kavi pyndyrykove, espiritu, pyndykove hareka pyndyrete, kyambape'ẽ verã, Teja Jesucristo oujyrã verã.

1 Tesalonicenses 5:25

Shyryvyre, pirureve yryrehe.

Hebreos 11:4

Jyrojakue rupii Abel meẽshu Tũpa mymba jukahava ryheva haikaviveshia Caín. Hãrã Tũpa ñonoshu Abel heko kaviva hareka Tũpa myvãhẽshu hai meẽva. Ajema Abel manoma, ijetateri jyrojakue rupii.

Hebreos 11:7

Noé, Tũpa mbeumashu jehu verã heshambateri verãrã, hendushu, hareka kyje ryheve japo pente varko marẽyva mondojepe verã ñymoña hãndiare. Noé hipity mbai kavikue Tũpa meẽshuva opaite hendushua retape. Hareka hokava jyrojakue rupii Noé japohe kuareta ko yvy'ĩãrẽ jaheahe verã.

Hebreos 12:13

hareka tape symyĩva pyheka pepy pevarã, tepy japava kuera verã hareka syryimbajy verã.

Hebreos 13:18

Pimboi yryrehe. Kuaa kavi rãnga yrypya vapy kavirã, shara potate yryreko kavi opavaperã.

1 Pedro 2:24

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy.

1 Juan 3:22

Hãrã me'ẽãpo ñandekui opa mbai jairureshuva, shara jajaposhu hai potava hareka jajapo hỹnonde hai mbyvyava.