Santiago 3:6 - NandevaBiblia

⁶ Ñaneku rãnga tata rãĩmi jyve, pente yvy'ĩãrẽ'õ porãmba ñandyretere ẽvã, opa myngya tyrete, hendykue tata vasuivitei ou hareka opa hapy ñandyrykove.

Santiago 3:6 ပူးပေါင်းရင်းမြစ်များ

Mateo 12:24

Fariseore hendu kovarã hei: Hai rãnga mohẽ mbaiposhyre juhuvisha Beelzebu ñymbaikatu rupii.

Mateo 5:22

She hai pee, ĩme'ẽ hapisha poshyshuarã rahapo mbivacheha verãpe. Ĩme'ẽ heishua hapisha “Mba'ẽã rikuaa”, rahapo kuakuavare hỹnonde; hareka hapisha jypejuheva hokava mombohapo tatavasupe.

Marcos 7:15

Mba'ety ho'uavare kuareta myngyashu verã Tũpa hỹnonde; pyaivi õhẽva rãnga katu myngyashu.

Lucas 16:24

hãrã sapukerã hei: “Sheru Abraham, shyparekomĩtẽ, mbou Lázaro tymaky ipo ĩtimi yype vỹry'ỹsã verã shẽku; porã'ãĩte rãnga ãĩ ko tata hẽndype”.

Hechos 20:30

Hãrã pynymbyteivipo mbava pũãkui mbai ãñetembava pyrỹmboihe verã, Jesús mboireare raha verã haykue.

Hechos 5:3

Hãma Pedro heishu: Ananías, marã'ĩrãra Satanas iche ndypyape ndapushu verã Espiritu Santo hãrã rỹmanãrõhe verã ndy'yvy hepykueivi?

Hechos 6:13

Haipe veru reta kuareta mba'etyva mbeu verã: Ko kuimbai poiã ijeta porããhe tũpao kyambava hareka Moisés mbypara vekua.

Tito 1:11

Hokava retape katu rĩmichirĩrĩ, shara opa porãã ñono oope'õre, pyrỹmboi jyrehe mbai japuva ryheva mbyhepyapyshu verã kyrypoti hekopemba'õ.

Santiago 2:7

Ha'ẽara kuepi ijeta porãmba jyrehevare tyree kaviva Jesucristo pirojaheva?

Santiago 3:7

Kuaretare katuĩ jepyhe opaĩ marãrãngatuva mymba ñarõvare, vyrare, mboi hareka mymba yyhupi'iare.

2 Pedro 3:3

Opava kovare ĩãrẽ pikuaa kavipo: Ara koñymaheape, jyverupo kuareta Tũpa ñymbyhory'iheare pota ikova rãĩmi ikova. Haire ñymbyhorypo pyndyrehekui.

3 Juan 1:10

Kova rehe, ahama apohyperã, amymandu'akapohekui maĩnunga japo vekuare rehe, hareka ñee porãmbavare hei'i yryreheva. Hokava ĩãrẽ, hai hentape myvãhẽãjy ñandyryvyre, Jesucristo hee mbeu'iare hareka potãã mbava myvãhẽ jyveshu reta, potatẽ mboryshuvare opa mohẽ tũpaovi.

Apocalipsis 12:9

Haivi mboi vasu momboha yvykyty, mboi aryka'eiteva, Ãña hareka Satanás he'iashuva, opa kuaretare mbytavyva, hai jokuevare hãndi momboha yvy'ĩãrẽ.

Apocalipsis 13:14

Kova mymba ñarõva opa mbytavy kuaretare heshaha verã rupii, hejahashua japo verã mymba ñarõva tynondeiteva hỹnonde. Haivi ñonokajyshu reta japo verã pente mymba ñarõva tynondeva ha'ãnga, kyse pukupe mbyperea vekua, tẽvã manoã.

Apocalipsis 18:23

“Sapeveãmapo lampara, ñyhenduveãmapojy omendava ñymby'aretevare! Shara mavende'iare hai pyrãtava yvy'ĩãrẽ, tẽvã nde ndypajekuepe opa rymbytavy tenta vasu retape.

Apocalipsis 19:20

Hãrã pysyha hokava mymba ñarõva hareka Tũpa ĩñee japupe mbeu'ia, hareka hỹnonde mbai heshaha verã japo'ia hareka mbytavy jyreshu mbai heshahava rupii ma'ẽĩhe ñonoka'ijevare mymba ñarõva hareka hã'ãnga omombaishuare. Mokue'õ hykove ryheve opa momboha tata vasu hẽndyvape asufre.