Santiago 3:17 - NandevaBiblia

¹⁷ Katynga ãrãndu Tũpaivi ouva tynonde heko ky'ãã, heka pyavapyva ryheva, pya kavi hareka ñee hendu. Kyrãĩjy pyrypareko, ĩñee añete, hova mokueã hareka haikaviva japo.

Santiago 3:17 ပူးပေါင်းရင်းမြစ်များ

Mateo 23:28

Kyrãĩ jyve pee, pyndyreko kaviva rãĩmi heshaha pyrehe katuaivi kuaretare hỹnonde tẽvã pyndypyape tynyhẽ papishatamba hareka piniñarõkuevi.

Mateo 5:8

Vy'apo reta pyape kyambare, shara haire heshapo Tũpa.

Mateo 5:9

Vy'apo reta õñehãã pirĩmbi'iko kaviva, haire he'iaposhu: “Tũpa tayre”.

Lucas 21:15

Shara sheepo ameẽpekui ñee hareka mbaikuaa, katumba pyndyvaishore jepy pyndyrehe verã.

Lucas 6:36

Pijyparekopo, Tũpa vate arapy'õ pyndy parekova rãĩmi.

Juan 1:14

Hãma hokava Ñee ikoshi kuareta, hareka iko'i ñanymbyteipi, tynyhẽ jyhaihukue hareka añeteva. Ore heshaha hĩmbipekue, hãrã hokava hĩmbipeva hai Tyray ña'ãpova, Teru meẽshuva tay penteĩ'ia.

Juan 1:47

Jesús hesha Natanael vãhẽ ourã hei: Kõõ ou pente Judio añeteĩteva, japumbava.

Hechos 11:24

Bernabé haimba pente kuimbai heko kaviva, tynyhẽvã Espiritu Santo hareka jyrojakue. Hãmemba heta'ẽ kuareta jyrojahea Ñandeja.

Hechos 9:36

Hãrã ĩmemba'ẽ Jopepe pente mbo'eharea Tabita he'iashua, he'iseva griego ĩñeepe Dorcas. Kova taupe hykovepe heta mbai haikaviva japo hareka mbaimba ĩmereva mboryva.

Romano 12:18

Katura piñyhãã piko kavi hãndi opavare.

Romano 12:9

Añetevapepo ñandapisha jahaihu. Pimbijiche mbai porãmba hareka haikavivaĩ pijapo.

Romano 15:14

Shyryvyre, aroja katu pynytynyhẽva mbai haikaviva hareka opaite arãndukuepe pepenteĩ piñymbarakuaa kavi verã.

1 Corintios 12:8

Penteva me'ẽãshu katu pyrymbarakuaa verã Espiritu rupii, yngava me'ẽãshu ñee heta mbai kuaava ryheve ijeta verã Espiritu Santo rupii.

2 Corintios 10:1

She Pablo, airure'asype, Cristo jyhaihukuepe hareka pya kavipe, ajemaĩ pere shyrehe ãĩme'ãĩ pynymbyteperã shymarãva, tẽvã mbyry ãĩmẽ'ãĩrã aponderaã.

2 Corintios 6:6

yryreko kyambape, arãndukuepe, ỹrãteỹmbape, hareka pya kavipe, Espiritu Santo ẽẽ yrykovepe hareka jyhaihu añetevape,

2 Corintios 7:11

Haikavi Tũpa pota rupii piñymbasypeĩrã. Pymaĩhe marãra veru mbai haikaviva! Kyrã mondo kuaa mba'eã ajaporã hareka shyrepy reta. Hãma poshy reta hareka kyje reta maĩnunga iko verãre. Pota shyresha reta hareka ajeraima japova jahehe reta. Opaite kova rehe, pyheshaka peĩã jyve kovaperã.

2 Corintios 9:10

Tũpa meẽ timity ñotyã verã hareka hou verã pãhã, me'ẽhapope pimityrã hareka hetavepo myhẽñope pyndekope hareka mbyhetavepope mbai ñimbivachepe pijapova rehe.

Efesios 5:9

Hoka sapevaivi rãnga õhẽ mbai haikaviva, heko kaviva hareka añeteva.

Filipenses 1:11

Pee rãnga pepo tynyhẽpo pyraha teko jyvache i'akue mbaikavi pijapova Jesucristo rupii, kuaretare pyrahe hareka õmombai vasushu verã Tũpa.

Filipenses 4:8

Koñemahea shyryvyre, pypya pimbijeta katuhe opava oumbava japuivi, heko kaviva, pyrỹmbyhoryva hareka hyrãkua kavivare. Opaite ĩmereva mbai haikaviva hareka katu pyraheva, kova pypya pimbijetahe.

Colosenses 1:10

Kyrãrã pikopo Ñandeja potava rãĩmi, hareka hai vy'apo penendie shara pijapopo opa mbai haikaviva hareka pikuaa kavivepo pyraha Tũpa.

1 Tesalonicenses 2:7

Kyrãtẽ verã, kapyry ñyngarekoha pyndyrehe, tesy membyre ñyngareko kavihea rãĩmi.

1 Timoteo 5:21

Airurende Tũpa hỹnonde, Jesucristo hỹnonde hareka Tũpa jokueva pyhỹrõvare hỹnonde, hekope kavi rijapo verã kova mbaire, mbavamba rĩmbijicheva.

2 Timoteo 2:24

Hãrã pente Ñandeja jokuerea katuãpo iko ñyrãrõpe, opava retapo pya kavi hãndi, katupo pyrỹmboi hareka hãrõ kuaapo,

Tito 1:15

Heko kyambava pevarã opava ky'ãshu hai, katynga heko kyava hareka rojambare pevarã mba'etyshu hai kyambava. Mbai kya vekuaĩ ñakapyre hareka pyape.

Tito 3:2

Avypo mbava ijeta porããhe yngavare hareka avypo potaĩ ñyrãrõjyre, pyryraihupo, heshakapo heko kavikue opaite kuareta retape.

Hebreos 12:11

Ãñete opaiteva ñunũpa ha'ẽã ñanymbyvyava myvãhẽãma ñanderã, hasy ñande. Tẽvã jaikuaa jyve Tũpa ñanymboihea meẽ ñandeva, jaikopo pyavapype hareka jajapopo haikaviva.

Hebreos 12:14

Piñyhããpo piko hãndi pyavapype opaiteva hareka pyreko tykove kyambava, shara kyrãmbape mba'etypo hesha verã Ñandeja.

Santiago 1:17

opa mbai me'ẽãreiiva hareka mbai jaikatukue hekope kavi'õ rãnga ou vate araivi Tũpaivi, japo vekua arare'õre hareka Hai ñymy'yngaiã.

Santiago 1:5

Ĩme'ẽ pynymbytepe mbai kuambavarã, tirureshu Tũpa, haipo meẽshu ãrãndu mba'etyrea, shara Tũpa hetakavi meẽshu mbavapemba rỹrõva.

Santiago 2:13

Pyryparekombavare, mbivachehakapo parekohambape, tẽvã pyryparekova hasa kaviposhi ara pirĩmbivacheha verãĩvi.

Santiago 2:4

kyrãrã peii piñimbivavypi, hareka hekope kaviã pijapo.

Santiago 3:15

Kyrãva mbaikuaa ouã Tũpaivi hokava yvy'ĩãrẽ'õvaĩ, kuaretaivi ouva hareka ãñaivi.

Santiago 4:8

Piñymbojahe Tũpa hãrã hai ñymbojapo jyve pyndyrehe. Mbai porãmba japo'iare pijohe pepo; hareka pee Tũpa pota pyhaihuva hareka jichepeĩ pyhaihuvajy yvy'ĩãrẽ'õ, opa pijohe pyndypya.

1 Pedro 1:22

Ã'ẽ ñee añeteva pijapomarã pyndykyaveãma, Espiritu rupii pijyhaihumapo, hãrã pijyhaihu opaite pente'ovare rãĩmi. Pypya ryheve pijyhaihu.

1 Pedro 2:1

Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

1 Pedro 2:18

Jokuehareare, opa mbaipe pijaposhu pokue'ia heipeva; ha'eã pya kavivapeĩ hareka horyvape maĩrã poshyva.

1 Juan 3:18

Shyryvyre, avy ñandijurupeĩ japyryhaihu, añeteape rãngapo japyryhaihu mbai jajapova rupii.

1 Juan 3:3

Opaite Hai hãrõ'õ reta, ñymbyheko ky'ãpo, hai heko kyamba rãĩmi.