Santiago 2:8 - NandevaBiblia

⁸ Añeteĩte pijapo Moisés mbypara vekuarã, pijapokavipo Ñandeja ĩñee heiva rãĩmi: “Haihu ndapisha nde rijyhaihuva rãĩmi”.

Santiago 2:8 ပူးပေါင်းရင်းမြစ်များ

Mateo 22:39

Haivi haykue ouva ovajy, kyrãĩ hei: “Haihu ndapisha nde rijyhaihuva rãĩmi”.

Mateo 25:21

Pyrokue'ia heishu: “Haikavite, nde hai jokuehareirea heko kaviva hareka jyrojahaheva; shara rĩngareko kavihe mĩshĩ ameẽndeva hãrã hetavepo ameẽjynde, iche vya shendie”.

Mateo 25:23

Pyrokue'ia heishu: “Haikavite, nde hai jokuehareirea pya kaviva hareka japumbaa; shara rĩngareko kavihe mĩshĩĩ ameẽndeva hãrã hetavepo ameẽjynde, iche vya shendie”.

Mateo 7:12

Hãrã pijapo kavi jyvehe papishare, yngavare pipota japo kavi pyndyreherã. Kyrã hei ñande Moisés mbypara vekua hareka Tũpa ĩñee mbeu'iare jykuatiape.

Romano 13:10

Jyhaihukue ĩmereva mba'ety porãmba japohe verã hapisha; hãrã jyhaihukuepe hekope kavi japoha ñee mbyparahava.

Galatas 5:14

Moisés mbypara vekua opaite ẽẽ penteapeĩ: “Haihu ndapisha nde rijyhaihuva rãĩmi”.

Galatas 6:2

Piñymbory katu pyraha verã mbai pohypeva, kyrã opapo pijapo peho ñee mbyparahava Cristo ryheva.

Filipenses 4:14

Katynga, pee pijapo kavi shymborypi aikotẽvevaperã.

1 Tesalonicenses 4:9

Jyhaihu ryheva ambyparããnype kuatia, shara Tũpateiva pynymboihe marãrapo pepenteĩ pijyhaihu.

Santiago 1:25

Tẽvã maĩkaviheva Moisés mbypara vekua hekope kavi'õ, Tũpa ĩñee hai hekope kaviva hareka ñandorava, syryãshirã, ha'ẽã henduĩñoĩteva hareka sareheva, koñeĩ japo, vy'apo opa mba'e japova rehe.

Santiago 2:12

Kyrã pijeta hareka kyrã piko pimbivacheha'ẽ verã rãĩmi ñee mbyparahava japoha verã ñandorava ryheva.

Santiago 2:19

Nde ryroja Tũpa penteĩ'õ; rijapokavi! Mbaiposhyre rojaĩ jyve kova hareka opa ryry reta kyjeiterã.

Santiago 4:11

Shyryvyre avy pijeta porãã ijehe. Pyndyryvyhea ĩñeepe ñymbyvaisho'ihea maĩrã mbivache'ia, porãã ijeta hareka mbijiche Moisés mbypara vekua japoa verã. Hãrã rĩpirĩmbijicherã, rĩñyñonoma pirĩmbijiche'ia rãĩmi rijapoĩtẽ verã.

1 Pedro 2:9

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.