Santiago 2:5 - NandevaBiblia

⁵ Pyhendu, shyryvyre ahaihuva: Tũpa rãnga pyhyrõ pavetevare ko yvy'ĩãrẽ, ikokatu verã jyrojakuepy hareka me'ẽhashu verã tenta vasu mbeushuva haihuvare.

Santiago 2:5 ပူးပေါင်းရင်းမြစ်များ

Mateo 11:5

Pymbeushu, heshamba kũvãipia heshajy, vatamba vatajy, kuruva porãmba'ia kuerajy, japysambava hendujy, mano vekua kuerajy, hareka Ñee kaviva mbe'ua kavishu pavetevare.

Mateo 25:34

Haipe mburuvisha heiposhu jakata kyty'õre: “Pei Sheru ohovasashu vekua, piche ko Mburuvisha vasurã vate araivi mỹhẽva'ẽpeva Tũpa japorãvãĩ ko yvy'ĩãrẽ.

Mateo 5:3

Vy'apo reta je'espiritupe pavete'ia, shara haire pevãrã hai huvisha vasu vate arapy'õ.

Marcos 7:14

Haivi Jesús hykuãĩ hẽnojy kuareta hetavarã heishu: Pijasakashyre opaiteva pikuaa kavi verã:

Lucas 12:21

Kyrã rãnga jehushu hai pevarãĩ heta mbai mbaty'ia, tẽvã mba'ẽã ĩmere Tũpa hỹnonde.

Lucas 12:32

Avy pykyje, mbovyĩ pĩmbayyva, heshara Peru pota meẽpe hai ẽẽvape'õ ryheva.

Lucas 16:22

Pente arape mano ko pavete'ia, hãrã Tũpa jokuevare ou rahashu Abraham ẽvãpe. Haivi iko katuva mano jyve, hãrã ñotỹha.

Lucas 16:25

Tẽvã Abraham heishu: “Shyray, manduahe rĩmẽteririrã mbai heta ryrerã rikokavi, kyrãite rãnga Lázaro heta hasa'asy jyve. Hãrã ã'ẽ hai vy'a ẽẽ kope, ndehaitema ryhasa'asyiterẽĩ jyve.

Lucas 22:29

Hãrã sheteivapo apirĩñono huvisha vasurã, Sheru shiñonova rãĩmi,

Lucas 6:20

Jesús mãihe mboireare retarã, heishu: Pyvy'apo pee pyndypaveteva, shara pa'ãpova hai Tũpa ẽvãpe'õ ryheva.

Juan 7:48

Ĩmera'ẽ huvishare, maĩrã, fariseore jyrojaheare?

Hechos 7:2

Esteban hei: Shyryvyre hareka terure, shyrẽndupi: Ñanu Tũpa hĩmbipeva ijeshakambashu arykai ñanderu Abraham Mesopotamiape, ndei oho iko Haranperã,

Romano 8:17

Hareka ñande hai tay retarã, ha'eĩ jyve ñande tay tynondevare; Tũpa tay tynondevare, hareka tynondeiteva Cristo hãndi, añeteĩte jahasa'asy Cristo handirã ñanymbyveteapo jyve handikui.

1 Corintios 2:9

Tẽvã heiva rãĩmi Kuatia mbyparahavape: Tũpa myhẽvãshu opaite haihuvare pevarã, maĩnunga mbavamba heshava, henduva, hareka mbavamba pya mbijetaheva.

2 Corintios 4:15

Opa kova mbai jehu ore pyndyraihuharã, hetavevape hipityrã, hetave ẽẽ verã meẽva jy ajetekue, Tũpa hĩmbipekue pevarã.

2 Corintios 6:10

Vyamba rãĩmi mba'apoha, tẽvã vy'ahañoĩ; paveteva rãĩmi, tẽvã hetavape mbi'ikoa katu; mbaimba ĩmerekoava rãĩmi, tẽvã opa ĩme rekoha.

2 Corintios 8:9

Pee rãnga pikuaama Ñandeja Jesucristo, marãra pya kavi, pyndyraihuiterã hai ikokatutẽva paveteva rãĩmi ou iko'i, hai pavetekuepe pikokatu verã.

Efesios 1:18

Airurejy Tũpape pyndypyape sape verã, pikuaa kavi verã mbaivara ñyhãrõ kavi pynyrẽnohavape, haikavi hĩmbipeva hareka mbai hepyva pyrỹmondo jepeva Tũpa meẽshuva heko kyambare,

Efesios 3:8

She, shimishĩveva opaite heko kyamba retaivi, tẽvã Hai meẽshe, jyhaihukue rupii, ambeu verã Ñee kaviva haimbaa Judio retape hareka jahe mbai haikaviva Cristo ryheva,

1 Tesalonicenses 2:12

hareka jururehajyvyĩpe Tũpa ryhevare ikova rãĩmi piko verã, hai vapy'õpe pynyrẽno hareka hĩmbipevape hai ẽvãpe.

2 Tesalonicenses 1:5

Kova heshaka Tũpa hekopekavi pirĩmbivachekava, hãrã hai hẽno icheñoĩ verã huvisharã'õpe, ã'ẽ hai rehe hasa'asyñynoĩ.

1 Timoteo 6:18

Ereshu reta tijapo haikaviva, tikokatu reta mbai haikaviva japovapy, tymeẽ hareka timbijaoveshu hapisha mbai haire ĩmerea.

2 Timoteo 4:18

Ñandeja shynohẽpokui porãmbavaivi hareka shymondojepepokui shyrahama verã mburuvisharã'õpe. Hai pevarã pyrãtakue opaite arapeve. Amén.

2 Timoteo 4:8

Ã'ẽ shy'ãrõma'ẽ korona ñee ahenduiterã meẽshe verã hokava arape Ñandeja, Huvisha heko kaviva. Hareka ha'eã sheĩĩ meẽshe verã, opaite jyhaihu ryheve oujy verãpe hãrõ'õ reta jyve.

Hebreos 11:26

Katynga Moisés hei haikavive jyhasa'asy, Mesías hasa'asy verã rãĩmi, Egiptope vy'atẽ verã iko katukuepe, shara maĩhe Tũpa meẽshu verãre.

Santiago 1:12

Vy'apo kuimbai porãmba vãhẽshurã jepyheva, shara hasakavishirã me'ẽãposhu tykove, hokava hai korona Tũpa hei vekua meẽshu verã haihuvare.

Santiago 1:16

Shyryvy ahaihuvare, avy peii piñymbytavypi,

Santiago 1:19

Shyryvyre ahaihuva, pynymanduahe kova; opaiteva kuimbaire ẽẽñoĩpo hendu verã yngava hapishare, tẽvã ha'ẽã aremba'eite ijeta verã hareka poshy verã.

Santiago 1:9

Ñandyryvy pavete'ia, jyroja katupo'ẽ ijehe mbaivasuve hai Tũpa hỹnonderã,

1 Pedro 1:4

Pipity verã maĩnunga Tũpa ĩmereva vate arapy, ñymbaimba verã, kyambava maĩrã jipimbava.

2 Pedro 1:11

Hãrã pe'ahapopekui õche vate arape'õ opambava Ñandeja ryheva hareka Jesucristo Ñanymondojepeva.

Apocalipsis 2:9

She aikuaa rijapo vekuare, ryhasa'asyvare hareka ndypavetekuepe, ndy espiritupe rikokatutẽva. Aikuaa marãra ijeta porãã ndyrehe Israelitare hei'i ijehevare tẽvã ha'ẽã, koñei Satanás ñymbatyse'õ retape hai.

Apocalipsis 21:7

Opaite poporãmba vekuaivi õhẽkaviva opa mbaipo me'ẽãshukui, hãrã sheepo haikui Ñu Tũpa, hareka haipo shyray.

Apocalipsis 3:18

Hãme rãnga she hainde, reva shyhevi verã ita vera ijuva tatapy opa joheava, añeteĩteape rikokatuma verã, reva shyhevi verã mondeava tĩĩva rỹmonde verã mahẽ ndyreshaha nynaniteirikui, hai mbai ñanotiva; hareka colirio ndyresare rykytyrã ryheshajy verã.