Santiago 2:19 - NandevaBiblia

¹⁹ Nde ryroja Tũpa penteĩ'õ; rijapokavi! Mbaiposhyre rojaĩ jyve kova hareka opa ryry reta kyjeiterã.

Santiago 2:19 ပူးပေါင်းရင်းမြစ်များ

Mateo 8:29

Mbai poshyre hỹnatu sapuke jyrerã hei: Mbaivara ripota yryhevi Jesús, Tũpa Tay? Reira rivare yryrehe ara ndeiteri japyva?

Marcos 1:24

“Mbaivara ripota yryhevi, Jesús Nasareno? Reira opa irijuka verã? She arykuaa mbavara nde, nde hai Tũpa mbouva, heko Kyamba!”

Marcos 12:29

Jesús heishu: Haikaviveva ñee rãnga hai kova: “Hendu Israel, Ñandeja ñanu Tũpa rãnga hai Ñandeja koñeĩ'õ”.

Marcos 5:7

Hãma hỹnatu sapukerã hei: Jesús, Tũpa vateve'õ Tay, mbaivara ĩmeryre shendie? Airurende Tũpa heepe avy rivareite shyrehe verã!

Marcos 7:9

Heijyshu reta: Pee pipykuava rãĩmi pijapopirã, pijapoã Tũpa ĩñee japoa verã.

Lucas 4:34

Mã'ẽi yryrehe! Marã'irãra rỹmai yryrehe Jesús Nazareno? Reirapo opa õrẽhũndi? She arykuaa mbavara nde: Nde hai heko kyambava Tũpa mbouva!

Juan 17:3

Hãrã kova hai tykove opambava; ndykuaa verãre nde haiva koñeĩ'õ Tũpa añeteva hareka jyve Jesucristo, rymbou vekua.

Hechos 16:17

Kova kuñataĩ ou iripii hareka Pablo, sapuke: Kova kuimbai reta rãnga hai Tũpa vate õ jokueva, haire mbeupe ohojepeva hape.

Hechos 19:15

Tẽvã mbaiposhy ĩjetarã mbyhovairã hei: Aikuaa rãnga Jesús, hareka aikuaa mbavara hai Pablo, tẽvã, peera mbava?

Hechos 24:25

Tẽvã Pablo ijeta'ẽhẽ hekope kavi jaikova ryhevarã, jajijokoshi mbai porãmbava hareka iko ñandyrehe verãrã, Felix myngyje hãrã heishu: Ekuajyvy, ha'ereipo aryrẽnokajykui.

Romano 3:30

Koñeĩ penteĩ'ẽ Tũpa, hareka hai Tũpa mbyheko kaviva opaite Jesucristo jyrojaheare, ajemaĩpo haimba Judiovare.

1 Corintios 8:4

Hãrã katura jau ho'uava ta'angape me'ẽãva? Jaikuaa kavi ta'angare mba'ẽã hai ko yvy'ĩãrẽrã, hareka penteĩ'õ Tũpa.

1 Corintios 8:6

Tẽvã ñande pevarã penteĩ'ẽ Tũpa Teru, haivi opa mba'e ñymoña hareka hai pevarã jaiko. Hareka penteĩ'ẽjy Ñandeja, Jesucristo, hai rupii opa mba'e iko, ñandeave jyve.

Galatas 3:20

Tẽvã Tũpa ĩñee meẽma Abrahamperã, haiteiva japo.

1 Timoteo 2:5

Tũpa rãnga penteĩ'ẽ, hãrã penteĩ'ẽjy mbi'iko kaviva kuaretare Tũpa hãndi, Jesucristo kuaretaĩva jyve.

Santiago 2:8

Añeteĩte pijapo Moisés mbypara vekuarã, pijapokavipo Ñandeja ĩñee heiva rãĩmi: “Haihu ndapisha nde rijyhaihuva rãĩmi”.

Judas 1:4

shara ñymbytavy rupiima ã'ãmo kuareta iche pynypaũpe porãmbava. Haire yngai mbeujy Tũpa pyakavikue heijyre Jesucristo haimba Ñandeja koñyjareva hareka ña'ãpova, hãrã japoi jajaposhu verã heiva. Pya mbijeta reta, Tũpa ñandyraihuiterã, jahembaa ñandyrehe verã mbai porãmba jajaporã. Ajenynga, heta arama he'ihahe kuatia Tũpa ĩñeepe jaheañoĩhe verã hokava kuaretare.

Judas 1:6

Hareka Tũpa jokueva ẽẽmba vekuare õĩ verãpe, koñeĩ opa heja reta ha'eire hoo, Ñandeja mbypereso ñono timimbiape hareka opa ara ñimbivacheha ara vãhẽmarã.

Apocalipsis 20:10

Ãña, opa mbytavy vekua, opapo momboha tata vasu asufre hendy'õvape, haipe mombahaĩpo jyve mymba ñarõva hareka Tũpa ĩñee japupe mbeu'ia. Haipe hasa'asypo reta opa ara, arakuepe hareka pyharekue.